نصايح وأفكار ستايلات ملابس الجيم للمحجبات

معظم البنات المحجبات بتقابلهم دايما مشكلة هيلبسوا ايه وهما نازلين يجروا او وهما رايحين الجيم، لانهم دايما بيدوروا على لبس يكون واسع ومريح فى التمرين وفى نفس الوقت يكون شكله حلو وشيك، والحقيقة ده ممكن تعمليه بطريقة بسيطة جدا، اعرفى معانا نصايح وأفكار ستايلات ملابس الجيم للمحجبات ..

نصايح وأفكار ستايلات ملابس الجيم للمحجبات ..

خلينا نعرف الاول ايه هى اهم النصايح اللى لازم تعمليها قبل ما تروحى الجيم.. يلا نبدأ :)

النصيحة الأولى:

اختارى دايما الـ sweat pants  و الـ sweat shirt اللى يمشي معاه بأى الوان تحبيها مع الشوز المناسب وبكده بقيتيى جاهزة! 

النصيحة الثانية:

حاولى تلبسي sports wear بألوان فاتحة ومريحة للعين علشان تساعد جسمك انه يتخلص من درجات الحرارة العالية اللى بيكتسبها بسبب التمرين بسهولة، وبكده ماتبقيش حرانة او حاسة بجفاف واجهاد زيادة بسبب التمرين.

النصيحة الثالثة:

مهم انك ماتلبسيش طبقات كتيرة فوق بعضها خصوصا فى ايام الصيف والحر.

• النصيحة الرابعة:

•  حاولى تلفى طرحتك لفة بسيطة ومريحة مش مشدودة علشان ماتضايقكيش وانتى بتتمرنى، فى الالبوم الموجود فى المقال ده هتشوفى معانا اكتر من لفة طرحة مريحة ممكن تجربيهم وتختارى منهم اللى يناسبك.

طيب هتاخدى ايه معاكى وانتى رايحة الجيم؟ 

مهم اوى يبقى معاكى شنطة رياضية صغيرة فيها الحاجات دى: 

– فوطة صغيرة.

– ازازة مياة.

– سماعات التليفون.

–  شاحن الموبايل.

– وطبعا طقم تانى جاهز علشان تغيرى هدوم التمرين قبل ما تروحى ” لو حبيتى”.

ودلوقتى شوفى معانا ألبوم كامل فيه أفكار ستايلات ملابس الجيم للمحجبات.. 

ماتنسيش تقوليلنا ايه هو اكتر ستايل عجبك وقررتى تنفذيه، و اعرفى معانا كمان قطع الملابس الـ trendy للمحجبات فى صيف 2017 ..