اشربي المشروبات دي قبل النوم هتساعدك على حرق دهون البطن

ريهام محمود
ريهام محمود
12993

النهاردة جايبين لكل بنات حوا مجموعة مشروبات لحرق دهون البطن تشربيهم قبل النوم, والميزة انها وصفات سهلة وسريعة ومش محتاجة منك اي وقت او مجهود, والمشروبات مش بس هتساعدك على حرق الدهون لكن كمان مفيدة للصحة بشكل عام وبتدي طاقة للجسم.

مشروبات لحرق دهون البطن:

1- مشروب الخيار:

المكونات:

– 1 ثمرة خيار.

– حزمة بقدونس او كزبرة.

– عصير ليمونة.

– معلقة كبيرة جل صبار الالوفيرا.

– ½ كوباية مية.

الطريقة:

هنخلط المكونات كلها مع بعض ونضربها في الخلاط, وتتشرب كعصير قبل النوم يوميا, ممكن تستمري عليها لمدة شهر ولو محتاجة تقللي من وزنك ممكن تاخدي استراحة اسبوع وترجعي تمشي عليه شهر تاني وهكذا لحد ما توصلي للوزن اللي انتي عايزاه.

مشروبات لحرق دهون البطن 1
مشروبات لحرق دهون البطن 1

2- مشروب الخيار والليمون:

المكونات:

– عصير ليمونة.

– 2 ثمرة خيار.

– عصير برتقانة كبيرة.

– لتر مية عادية او مية فوارة.

– عسل ابيض “حسب الرغبة”.

– نعناع للتزيين “اختياري”.

الطريقة:

هنخلط خيارة مع المية وعصير الليمون والبرتقان والعسل ونضربهم مع بعض في الخلاط, ونقطع الخيارة التانية شرايح ونحطها مع الخليط بعد ما نصبه في الكوباية ونزينها بورق النعناع.

مشروبات لحرق دهون البطن 2
مشروبات لحرق دهون البطن 2

3- مشروب الكمثرى:

المكونات:

– 10 ورقات ورق كمثرى “من عند العطار”.

– ليمونة.

– 250 ملل عصير كمثرى.

– 250 ملل مية عادية او مية فوارة.

– ثمرة كمثرى.

– ثلج.

الطريقة:

قطعي الليمون شرايح, قطعي الكمثرى مكعبات واهرسيها بالشوكة, كسري الثلج في الخلاط او بايد الهون, ضيفي الثلج المكسر لعصير الكمثرى والمية وباقي المكونات واشربيها.

مشروبات لحرق دهون البطن 3
مشروبات لحرق دهون البطن 3

4- مشروب الجريب فروت والقرفة:

المكونات:

  • – 500 ملل عصير جريب فروت.

– ¾ لتر مية عادية او فوارة.

– 2 عود قرفة خشب.

– معلقة صغيرة يانسون.

– اوراق نعناع.

– ثلج.

– سكر “حسب الرغبة”.

الطريقة:

اخلطي المية والقرفة والكسر واغليهم مع بعض على النار لمدة 5 دقايق, سيبيه يبرد وبعدين ضيفي عليه عصير الجريب فروت واليانسون وزينيه بالنعناع.

مشروبات لحرق دهون البطن 4
مشروبات لحرق دهون البطن 4

5- مشروب الليمون:

المكونات:

– 5 ليمونات.

– لتر مية عادية او فوارة.

– نعناع.

– ثلج.

الطريقة:

اعصري 5 ليمونات وقطعي الليمونة الخامسة شرايح, اخلطي عصير الليمون مع المية وضيفي له شرايح الليمون والثلج وزينيه بالنعناع.

مشروبات لحرق دهون البطن 5
مشروبات لحرق دهون البطن 5

6- المشروب الهندي الحار:

المكونات:

– عصير 4 ليمونات.

– جنزبيل “كمية حسب الطعم اللي تفضليه قوي او خفيف شوية”.

– نعناع.

– لتر و ½ كوباية مية عادية او فوارة.

– ثلج.

– سكر “حسب الرغبة”.

الطريقة:

اخلطي ½ كوباية المية مع السكر وحطيهم على نار خفيفة لحد ما السكر يدوب, ابشري الجنزبيل وضيفيه للمية ولما الخليط يبتدي يغلي ارفعيه من على النار, سيبيه يبرد وبعدين ضيفي له عصير الليمون ولتر المية والثلج, زينيه بالنعناع وشرايح الليمون.

مشروبات لحرق دهون البطن 6
مشروبات لحرق دهون البطن 6

7- مشروب عصير التفاح:

المكونات:

– لتر عصير تفاح.

– نعناع.

– 100 ملل عصير ليمون.

– ليمونة.

– ثلج.

الطريقة:

قطعي الليمونة شرايح, اخلطي عصيرالتفاح مع عصير الليمون, ضيفي لهم شرايح الليمون والنعناع والثلج, وممكن تاكلي معاه شرايح تفاح.

مشروبات لحرق دهون البطن 7
مشروبات لحرق دهون البطن 7

8- عصير الخضروات:

المكونات:

– لتر مية عادية او فوارة.

– سكر “حسب الرغبة”.

– 3 ثمرة خيار.

– ثمرة فلفل رومي.

– 4 ليمونات.

– نعناع.

– ثلج.

الطريقة:

قطعي الفلفل وخيارتين شرايح ورشي عليهم السكر وسيبيهم ساعة, اثناء الوقت ده قطعي الخيارة اللي فاضلة شرايح ومعاها ليمونة شرايح, واعصري باقي الليمون واخلطيهم مع بعض وبعدين ضيفي لهم شرايح الفلفل والخيار والمية والثلج, وزينيه بالنعناع.

مشروبات لحرق دهون البطن 8
مشروبات لحرق دهون البطن 8

9- مشروب الاناناس:

المكونات:

  • – لتر مية عادية او فوارة.

– عصير ليمونة.

– علبة اناناس.

– سكر “حسب الرغبة”.

– نعناع.

الطريقة:

حطي المية على النار وسيبيها تغلي وبعدين ضيفي لها السكر وخففي عليها النار وسيبيها لحد ما السكر يدوب, ارفعيها من على النار وضيفي لها بشر قشر ليمونة وعصير الليمون ومية الاناناس, وبعدين قطعي الاناناس وضيفيه للخليط, سيبيه يبرد في درجة حرارة الغرفة او حطيه في التلاجة واشربي منه قبل النوم.

مشروبات لحرق دهون البطن 9
مشروبات لحرق دهون البطن 9

10- مشروب الفراولة والاعشاب:

المكونات:

– عصير ليمونة.

– نعناع.

– فراولة.

– لتر وكوباية  مية عادية او فوارة.

– ثلج.

الطريقة:

قطعي الفراولة نصين وضيفي لها عصير الليمون والنعناع, اغلي كوباية المية وضيفي لها المكونات وسيبيها منقوعة فيها شوية سيبيه لحد ما يبرد وبعدين ضيفي له لتر المية والثلج.

مشروبات لحرق دهون البطن 10
مشروبات لحرق دهون البطن 10

ازاي تستخدمي الليمون لتخسيس الوزن

وصفة الليمون لتخسيس الوزن
وصفة الليمون لتخسيس الوزن

مقالات متعلقه

تمارين ونظام غذائي فعال للحصول على بطن مسطحة

تمارين ونظام غذائي فعال للحصول على بطن مسطحة

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

تمرين بسيط للتخلص من ترهل البطن في 3 اسابيع بس

تمرين بسيط للتخلص من ترهل البطن في 3 اسابيع بس