اعرفي اكتر عن صحتك في دقيقة واحدة بس بطريقة بسيطة !

ريهام محمود

في

2941

اكيد مهم اننا كل فترة نطمن على صحتنا ونعمل Check up عند الدكتور لكن طبعا معظمنا مش بيعمل ده ممكن نكون بنكسل او معندناش وقت او في الغالب مش بنبقى حاطين الكشف الدوري على الصحة في حساباتنا بالرغم انه مهم جدا, عشان كده النهاردة جيبنالكم طريقة تعرفي بيها اكتر عن صحتك في دقيقة واحدة بس.

طريقة تعرفي بيها اكتر عن صحتك:

كلنا اكيد لما بنروح عن الدكتور لما بيجي يكشف في اوقات كتير اول حاجة بيعملها انه بيبص على اللسان لانه ممكن يعرف مبدئيا من لونه او شكله انتي ممكن تكوني بتعاني من ايه, وطريقتنا النهاردة معتمدة على الكشف عن طريق اللسان.

1- اول حاجة هتجيبي معلقة وتكشطي بيها سطح اللسان كله لحد ما تبقى رطبة باللعاب بتاع الفم.

2- حطي المعلقة في كيس بلاستيك شفاف, وحطي الكيس تحت ضوء قوي ممكن تسيبيه في الشمس او تحطيه تحت لمبة نورها قوي.

3- سيبي الكيس تحت الضوء لمدة دقيقة واحدة.

4- طلعي المعلقة من الكيس لو مافيهاش اي بقع او اي روايح كريهة كده معناها ان انتي مش بتشتكي من اي مشاكل صحية في الاعضاء الداخلية للجسم.

لكن لو في اي روايح كريهة او بقع كده يبقى في مشكلة.

– لو في اي روايح كريهة:

1- لو لقيتي ريحة قوية اوي في المعلقة كده ممكن يكون في مشاكل الرئتين او المعدة.

2- لو الريحة كانها زي السكر او حاجة حلوة يبقى كده ممكن يكون دليل على مرض السكر.

3- لو ريحة زي الامونيا يبقى ممكن يكون في مشكلة في الكلى.

– لو في اي بقع:

1- لو لقيتي على المعلقة بقع لونها اصفر او ابيض وسميكة شوية يبقى ده ممكن يكون معناه ان في مشاكل في الغدة الدرقية.

2- لو اللون ارجواني او بنفسجي ده ممكن يدل على اكتر من حاجة ممكن يكون التهاب في الشعب الهوائية, او ضعف في الدورة الدموية, او ارتفاع مستوى الكوليسترول في الدم.

3- اللون الابيض بيدل على عدوى في الجهاز التنفسي.

4- لو اللون اورانج يبقى ممكن يكون في مشاكل في الكلى.

طبعا الطريقة دي هتعرفنا لو كان في مرض داخلي واحنا مش حاسين وبالتالي هتنبهك انك تروحي للدكتور عشان تكشفي وتتأكدي وتاخدي العلاج المناسب لو في اي حاجة مرضية.