6 نصايح مهمة تعرفى بيهم ازاى تحضرى شنطتك للمصيف

خلاص بقينا فى الصيف وده الوقت اللى بنحلم فيه كلنا بالسفر والمصيف والبحر و الشط و الاستجمام، بس دايما بتقابلنا مشكلة واحدة كل مرة، هناخد ايه هدوم معانا وهنحضر الشنط ازاى! خصوصا اننا مابنبقاش عايزين ناخد شنط كبيرة تلخمنا او تعمل مشكلة. وعلشان المشكلة دى ماتعطلكيش السنة دى.. فى المقال ده بنات حوا هتقولك على 6 نصايح مهمة تعرفى بيهم ازاى تحضرى شنطتك للمصيف .. 

6 نصايح مهمة تعرفى بيهم ازاى تحضرى شنطتك للمصيف

1- الاصغر افضل :

كل ما كانت شنطتك اصغر كل ما كان ده افضل لانها هتبقى سهل تشيليها وكمان سهلة فى الحركة و الاستخدام، علشان كده اول حاجة تعمليها لما تيجى  تحضرى شنطتك للمصيف هى انك تختارى شنطة صغيرة او متوسطة الحجم يبقى سهل انك تشيليها و تنقليها من مكان لمكان.

• 2- اختارى Capsule Colors :

• اما تيجى تحضرى شنطة سفر عملية هى بالضبط زى ماتكونى بتحضرى دولابك وعايزاه يبقى عملى و سريع ، النصيحى التانية من 6 نصايح مهمة تعرفى بيهم ازاى تحضرى شنطتك للمصيف هى انك تختارى Capsule Colors، بمعنى انك تختارى الوانك الاساسية او اكتر الوان بتحبيها و تحضرى شنطتك بيهم، زى انك مثلا يبقى معاكى بنطلون جينز ازرق تقدرى تلبسيه تقريبا على اى حاجة، نفس الموضوع تيشيرت اسود يتلبس على اى لون بنطلون، شوز بيج يتلبس على اى طقم وهكذا، يبقى الالوان الاساسية ممكن تبقى ابيض، اسود، رمادى، بيج او اى لون بيكون بيليق على حاجات كتير عندك. بعد كده اختارى  highlight colors ودى الالوان اللى هتلبسيها مع الـ Capsule Colors. الطريقة دى هتخلى تحضير الشنطة سهل جدا جدا.

3- افهمى المكان اللى انتى رايحاه:

لو كنتى مسافرة تقضى اجازتك بره البلد، يبقى اعملى شوية research علشان تفهمى طبيعة وثقافة وجو المكان اللى انتى رايحاه، لانه فى اماكن ممكن تلبسي فيها اللى انتى عايزاه ايا كان، فى اماكن تانية ممكن تحتاجى فيها scarves، او قطع ملابس بكم وهكذا.. انك تفهمى المكان اللى انتى رايحاه هيساعدك تحضرى شنطتك بكفاءة اعلى.

4- خليكى عملية :

لما تيجى تفكرى ازاى تحضرى شنطتك للمصيف يبقى لازم تبقى عملية، بمعنى انك تحاولى تاخدى معاكى اقل عدد ممكن من قطع الملابس وده معناه انك تشوفى ايه هى اكتر قطع عملية ممكن تلبسيها مع اكتر من outfit بأكتر من شكل و ستايل وتبقى هى دى القطع اللى هتاخديها معاكى. افضل طريقة تنفذى بيها النصيحة دى هى انك تاخدى معاكى قطع منفصلة “يعنى تيشيرتات او بلوزات مع بنطلونات” وتبعدى عن القطع الواحدة ” زى الفساتين مثلا” ولو لازم تاخدى معاكى قطعة واحدة يبقى  الـ jumpsuit بلون اسود او فستان من الشيفون هما افضل اختيار.

5- حضرى شنطتك على حسب حالة الجو :

مهم كمان انك تفهمى حالة الجو فى المكان اللى انتى رايحاله، يعنى مثلا لو المكان ده معروف انه الرطوبة فيه عالية يبقى انتى محتاجه تاخدى قطع ملابس بألوان فاتحة و fabric خفيفة تخلى جسمك يتنفس، زى القطن والحرير و اللينين.

6- اهتمى بالاكسسوارات:

مهم فى outfit المصيف انك تبقى لابسه اكسسوارات، علشان كده اختارى اكسسوارات بلون او لونين بس و خليهم معاكى تلبسيهم على كل حاجة، الخطوة دى هتخلى الموضوع سهل جدا عليكى و الاكسسوار هتكمل كل الـ Outfits اللى هتظهرى بيها، الاكسسوارات باللونين الفضى والاسود عملية وهتبقى كفاية.

خدى معاكى كمان شنطتين واحدة صغيرة والتانية متوسطة الحجم، و جزمتين ينفع يتلبسوا مع اطقم مختلفة وصندل.

شوفى معانا كمان قطع ملابس اساسية للربيع والصيف فى 2017 لازم تكون موجودة فى دولابك