وصفات طبيعية سهلة وفعالة هتجدد بشرتك وتحافظ عليها صحية

ريهام محمود
ريهام محمود
في
بشرة
7671

الاجهاد وقلة النوم والتوتر وعوامل الجو كل دي حاجات بتأثر على بشرتنا بشكل سلبي جدا وبتخليها شكلها مرهق ومش صحية, والنهاردة جايبين لكل بنات حوا وصفات طبيعية لتجديد البشرة وهترجع لها نضارتها وتخليها مشرقة وصحية.

وصفات طبيعية لتجديد البشرة:

1- ماسك البطاطس والليمون:

المكونات:

  • – ثمرة بطاطس.

– ½ عصير ليمونة.

الطريقة:

افرمي البطاطس وضيفي عليها عصير الليمون بالتدريج وقلبي الخليط مع بعض, افردي الخليط على البشرة ودلكية في حركات دائرية وبعدين سيبيه 20 دقيقة وبعدها اغسليه بالمية.

الماسك ده فعال جدا لعلاج البقع خصوصا اللي ناتجة عن الشمس, خلال تلات ايام تقريبا هتلاحظي ان بشرتك خالية من بقع الشمس واي عيوب تانية موجودة فيها.

وصفات طبيعية لتجديد البشرة 1
وصفات طبيعية لتجديد البشرة 1

2- ماسك الخيار:

المكونات:

– 2 معلقة كبيرة خيار مبشور.

– بياض بيضة.

الطريقة:

اضربي بياض البيض لحد ما يعمل رغوى, ضيفي عليه الخيار المبشور وقلبيهم مع بعض كويس, افردي الماسك على البشرة وسيبيه 15 دقيقة وبعدين اغسليه بالمية.

الماسك ده منعش ومهديء للبشرة جدا, بيعالج العيوب المختلفة على بشرتك, بيقلل من المسام الواسعة, وبيشد البشرة وبيقلل من تجاعيد العين.

وصفات طبيعية لتجديد البشرة 2
وصفات طبيعية لتجديد البشرة 2

3- ماسك الليمون:

المكونات:

– بياض بيضة.

– 1 معلقة صغيرة عسل نحل.

– 1 معلقة صغيرة لبن.

– 1 معلقة صغيرة عصير ليمون.

الطريقة:

اضربي بياض البيضة لحد ما تعمل معاكي رغوة وبعدين ضيفي عليها باقي المكونات وقلبيهم كويس مع بعض وممكن تضيفي عليهم معلقة شوفان مطحون عشان تدي سمك اكتر للماسك, افرديه على بشرتك وسيبيه 15 دقيقة وبعدين شيلي الماسك بالضغط الدافي يعني بلي فوطة نضيفة بمية سخنة وشيلي الماسك بالراحو وبعدين اغسليه بالمية وممكن نضيف للمية اللي هنغسل بيها وشنا شوية شاي كاموميل.

الماسك ده بيساعد في التخلص من علامات حب الشباب, وبيجدد البشرة وبيرجع لها نضارتها وبيخلصك من الجفاف, وبيخليها شكلها صحي ومنورة.

وصفات طبيعية لتجديد البشرة 3
وصفات طبيعية لتجديد البشرة 3

4- ماسك الشوفان:

المكونات:

– 1 معلقة كبيرة دقيق الشوفان.

– 1 معلقة كبيرة زيت زيتون.

– 1 معلقة تفاح اخضر مبشور.

– 1 معلقة كبيرة عسل نحل.

– 2 معلقة كبيرة لبن.

– عصير ليمونة.

الطريقة:

اخلطي الشوفان مع زيت الزيتون في طبق, وفي طبق تاني اخلطي التفاح المبشور مع العسل, وطبق تالت اخلطي فيه اللبن وعصير الليمون, هنطبق الماسك في طبقات, افردي الاول على البشرة خليط الشوفان وزيت الزيتون سيبيه ينشف شوية وبعدين افردي فوقيه الطبقة التانية اللي هي خليط التفاح والعسل سيبيه ينشف لمدة 5 دقايق, وبعدين افردي الطبقة التالتة اللي هي خليط اللبن وعصير الليمون وسيبيه 5 دقايق كمان, يعني في الاخر المفروض الماسك يفضل على البشرة 15 دقيقة 5 دقايق لكل طبقة, وبعدها اغسلي وشك كويس بالمية.

الماسك ده هايل جدا للبشرة الدهنية بشكل خاص, بيعالج حب الشباب, وبيزيل الخلايا الميتة من البشرة وبينضفها.

وصفات طبيعية لتجديد البشرة 4
وصفات طبيعية لتجديد البشرة 4

5- ماسك الكركم:

المكونات:

– ¼ معلقة صغيرة كركم.

– 1 معلقة كبيرة افوكادو.

– 1 معلقة صغيرة زبادي.

الطريقة:

اهرسي الافوكادو لحد ما يبقى معجون ناعم وبعدين ضيفي عليه الكركم والزبادي, افردي الماسك على البشرة وسيبيه 5 دقايق وبعدين اغسليه.

الماسك ده ممتاز جدا لتهدئة تهيج الجلد, علاج وتخفيف الم حروق الشمس, بيقلل من التهاب واحمرار الجلد, وبيساعد على شفاء الجلد بشكل سريع.

وصفات طبيعية لتجديد البشرة 5
وصفات طبيعية لتجديد البشرة 5

6- ماسك الكاكاو والشوفان:

المكونات:

– 1/3 كوباية كاكاو.

– ¼ كوباية عسل نحل.

– 2 معلقة كبيرة كريمة او  Sour Cream.

– 3 معالق كبيرة دقيق الشوفان.

الطريقة:

اخلطي المكونات كلها مع بعض وقلبيها لحد ما يمتزجوا مع بعض كويس, افردي الخليط على البشرة ودلكية في حركات داشرية وبعدين سيبيه من 15 – 20 دقيقة, وبعدها اغسلي البشرة بالمية.

القناع ده مفيد جدا ومناسب لكل انواع البشرة سواء البشرة الدهنية او الجافة وحتى الحساسة, وبيعالج شيخوخة البشرة, وحب الشباب.

وصفات طبيعية لتجديد البشرة 6
وصفات طبيعية لتجديد البشرة 6

7- تقشير البشرة بالطماطم:

قطعي شريحة طماطم ورشي عليها شوية سكر خشن وابدأي دلكي بشرتك بشريحة الطماطم بالراحة في حركات دائرية, الطريقة دي هتخلصك من الجلد الميت, وهتنضف البشرة وهتخلي الجلد فريش وصحي.

وصفات طبيعية لتجديد البشرة 7
وصفات طبيعية لتجديد البشرة 7

– نصايح عامة عند استخدام الماسكات:

1- زي ما بنقول دايما نتأكد من حساسية الجلد من اي مكون من مكونات الماسك, جربي على منطقة تنية الكوع او ورا الودن لو مظهرش اي تهيج بعد 15 دقيقة, كده الماسك يبقى آمن على البشرة وتقدري تستخدميه.

2- قبل اي ماسك لازم نغسل البشرة كويس وتكون نضيفة تماما.

3- قبل ما تحضري الماسك اتأكدي ان كل مكوناته طازة وصالحة للاستخدام وبعدها جهزية واستخدميه على طول.

4- طبقي الماسك على البشرة حسب خطوط تدليك البشرة المعروفة وهي انك تبدأي من الجزء السفلي للوش واطلعي لفوق, المرحلة الاولى في تطبيق الماسك ابدأي من منطقة الرقبة وبعدين الدقن واطلعي على منطقة الجبهة, وبعدين المرحلة التانية استخدمي ايديكي الاتنين في فرد الماسك من الدقن لمنطقة الاذنين ومن حوالين الشفايف للاذنين , واخر حاجة افرديه على الجزء العلوي من الوش ابدأي من منتصف الجبهة وبعدين افرديه للجناب عند منابت الشعر, الطريقة زي ما هي باينة في الصورة كده.

5- دايما سيبي مسافة واضحة حوالين منطقة العين والفم, وبعد ما تحطي الماسك الافضل تنامي على ضهرك وغمضي عينك واسترخي, وافضل وقت لتطبيق اي ماسك يكون بالليل قبل النوم على طول.

6- متسيبيش الماسك على البشرة فترة طويلة زيادة عن اللزوم يعني التزمي بالتوقيتات اللي بنحددها لكل ماسك, ولو حسيتي انك الماسك مضايقك باي شكل وانتي حطاه اغسليه على طول.

7- اغسلي اي ماسك بالمية بسو واتجنبي استخدام اي منظفات للبشرة, واتأكدي ان درجة حرارة المية مناسبة لنوع بشرتك, يعني مثلا البشرة الدهنية مش بتحب المية السخنة لكن الجلد الجاف بيحس براحة بعد غسيله بمية دافية, واخر حاجة بعد غسيل البشرة رطبيها بالكريم المرطب المناسب ليها.

وصفات طبيعية لتجديد البشرة 8
وصفات طبيعية لتجديد البشرة 8

اغسلي وشك بالاكل لبشرة صحية خالية من العيوب

بدائل طبيعية لمنظفات البشرة
بدائل طبيعية لمنظفات البشرة

مقالات متعلقه

تحدي اليوم الواحد لتوهج بشرتك قبل الفرح

تحدي اليوم الواحد لتوهج بشرتك قبل الفرح

علاج الايورفيدا للبشرة في البيت في 3 خطوات سهلة

علاج الايورفيدا للبشرة في البيت في 3 خطوات سهلة

5 علاجات طبيعية بتستخدمها كارينا كابور لبشرة نضرة وشباب

5 علاجات طبيعية بتستخدمها كارينا كابور لبشرة نضرة وشباب