الدليل الكامل ازاي تحطي مكياج العين بتاعك باحتراف

بقلمريهام محمود فيمكياج visibility3168

مكياج العين ما بين الايلاينر والايشادو والماسكارا وفرش الدمج مش مهمة سهلة بالنسبة لكتير من البنات ومش بيعرفوا ازاي يحطوه بطريقة صح, والنهاردة احنا هنسهل على بنات حوا المهمة دي من خلال الدليل الكامل لمكياج العيون بطريقة مبسطة وسهلة.

الدليل الكامل لمكياج العيون:

الدليل الكامل لمكياج العيون
الدليل الكامل لمكياج العيون

1- عضمة الحاجب:

جزء عضمة الحاجب عشان نبرزه ونظهره, استخدمي لون ايشادو مات او مضيء تحت منطقة الحاجب على طول, او استخدمي هايلايت على المنطقة دي.

2- جفن العين:

جفن العين ده اللي بنحط عليه لون الايشادو الاساسي اللي هنستخدمه, والاضافة اللي بتظهر العين اكتر في المنطقة دي هو الايلاينر, وفي بنات بيكون عندهم مساحة الجفن واسعة وبنات تانية بتبقى عندهم المساحة دي اقل بيختلف من حد للتاني.

3- تنية الجفن:

وده الجزء الموجود ما بين الحاجب والجفن, وده اللي هنحط فيه الايشادو باللون الاغمق من الاول, ورسم الجزء ده بالايشادو بيدي بعد للعين وبيظهرها اكتر.

ولو انتي من النوع عندك جفون مقنعة او مش باينة في الحالة دي جربي تحطي الايشادو في اكتر من مكان على مكان التنية وفتحي العين وشوفي الرسمة وجربي في اكتر من مكان لحد ما توصلي للمكان المظبوط اللي هتظهر تنية العين اكتر.

4- الزاوية الخارجية على شكل حرف V:

الزاوية الخارجية للعين دي بيترسم فيها الايلاينر او الدرجة الغامقة من الايشادو على شكل حرف في, وممكن في الزاوية دي ترسمي الايشادو على شكل حرف سي للوك انعم.

5- خط الرموش اللي فوق:

خط الرموش اللي فوق ده الجزء اللي بنحدده بالايلاينر او بالايشادو لو انتي مش بترسمي ايلاينر, ولو مش بترسمي بايلاينر ولا ايشادو ببساطة حطي بس ماسكارا على الرموش اللي فوق.

6- الحافة الداخلية للعين “خط الماء  Waterline”:

الحافة الداخلية للعين جوه الجفن اللي تحت وده بيتسمى “خط الماء” الجزء ده ممكن ترسمي فيه ايلاينر غامق عشان تعملي لوك سموكي, او ترسميه بكحل بلون نيود عشان تدي لوك اوسع واكبر للعين.

7- خط الرموش اللي تحت:

ده الخط اللي بيكون تحت خط الماء على طول وده الجزء اللي بيترسم فيه بطانة الايلاينر والايشادو للعين يعني تسيحي فيه الايلاينر والايشادو شوية بالفرشة عشان تحددي العين اكتر.

8- الزاوية الداخلية للعين “القناة الدمعية Tearduct”:

الزاوية الداخلية للعين دي ممكن تحطي فيها ايشادو شاحب او مضيء, عشان تظهري العين وتديها وسع, وممكن تستخدمي هايلايت.

بالفيديو ازاي تعملي formal eye makeup look بالخطوات

بالفيديو ازاى تعملى formal eye makeup look بالخطوات
بالفيديو ازاى تعملى formal eye makeup look بالخطوات