اهم نصايح للعناية بضوافرك في الصيف

بقلمريهام محمود فيأظافر visibility1

اكيد العناية بضوافرنا المفروض تكون طول السنة لكن في الصيف بشكل خاص هو موسم الانطلاق والاجازات بنحتاج عناية اكتر للضوافر, والنهاردة جايبين لكل بنات حوا اهم نصايح للعناية بضوافرك في الصيف بشكل خاص وطول السنة اكيد بشكل عام عشان تحافظي عليها صحية.

نصايح للعناية بضوافرك في الصيف:

– راقبي عنايتك اليومية بضوافرك:

1- الصابون من الحاجات اللي بتأثر بشكل سلبي على الضوافر وبتخليها جافة وضعيفة, عشان كده ضروري جدا انك بعد ما تستخدمي الصابون لغسل ايدك او ضوافرك او تغسلي هدوم يعني لو استخدمتي اي منظفات فيها مواد كيمائية انك ترطبي ضوافرك بعدها بكريم الايد في كل مرة تستخدمي الصابون او المنظفات.

2- عادة قضم الضوافر من اسوأ العادات اللي ممكن تشوه شكل الضوافر وتضرها وكمان بتضر الجلد اللي حوالين الضوافر.

3- جفاف الضوافر ممكن يتسبب في جفاف الجلد اللي حوالين الضوافر عشان كده لازم نحافظ على ترطيبها بالكريم او اللوشن الخاص بالجلد اللي حوالين الضوافر عشان نمنع اي ضرر ونحمي البشرة.

4- اتجنبي قص الضوافر بعد الشاور على طول عشان الضوافر بتكون في التوقيت ده طرية وضعيفة وممكن تتكسر بسهولة.

5- متقطعيش الجلد اللي حوالين الضوافر بسنانك ولا بالقصافة لانها ممكن تسبب عدوى الاظافر وتضرها, لكن زي ما قولنا قبل كده بس استخدمي عليهم الكريمات الخاصة بالجلد اللي حوالين الضوافر وزقي الجلد بالادوات المناسبة.

6- تجنب التدخين لانه زي ما هو معروف ان التدخين من اكتر الحاجات اللي ممكن تغير لون الضوافر وتخليها صفرا وشكلها مش صحي.

نصايح للعناية بضوافرك في الصيف
نصايح للعناية بضوافرك في الصيف

– راقبي نظامك الغذائي:

1- الجمال الخارجي بيعتمد على الاهتمام بجمالك الداخلي, عشان كده لازم تهتمي بالجسم من جوه قبل بره وده هتعمليه بشرب كمية مية كافية يوميا, ميقلش عن 8 – 10 كوبايات مية في المية, وانك تاكلي فاكهة وخضار طازة, عشان الحاجات دي هتغذي الضوافر من جوه وبالتالي هتحافظ عليها صحية.

2- الكالسيوم والبروتين مهمين جدا عشان نحافظ على الضوافر صحية,عشان كده ضروري اننا ندخل اللبن ومنتجات الالبان في نظامنا الغذائي يوميا عشان نحافظ على الضوافر لونها وردي وشكلها صحي.

3- زودي استهلاكك اليومي من البنجر, لانه غني جدا بالكالسيوم وفيتامين د اللي بيحافظوا على صحة الضوافر.

4- الجزر كمان من الخضروات المفيدة جدا للضوافر لانه غني بالفوسفور والكالسيوم, ممكن تشربيه يوميا كعصير او تضيفيه للسلطة او تاكليه مطبوخ.

5- الاكلات اللي بتحتوي على حمض الفوليك زي الفواكه الحمضية “البرتقان, اليوسفي, الكيوي, الجريب فروت, الليمون”, التوت بكل انواعه, الحبوب الكاملة, كل الاكلات دي مهمة جدا لضوافر قوية وصحية بشكل سريع عشان كده ضروري تدخليها في نظامك الغذائي بشكل يومي.

نصايح للعناية بضوافرك في الصيف
نصايح للعناية بضوافرك في الصيف

– نصايح عامة:

1- ادوات العناية بالضوافر استخدميهم بحرص وبشكل صح عشان متضريش ضوافرك, ودلكي الضوافر من وقت للتاني بالزيوت الطبيعية زي زيت فيتامين E عشان تحافظي على مرونتهم وتحافظي عليهم.

2- مزيل المانيكير المعتمد على الاسيتون من الحاجات اللي بتضر الضوافر وبتخليها ضعيفة وتتكسر بسهولة, عشان كده حاولي تستخدمي مزيل المانيكير الخالي من الاسيتون “Acetone Free” وتكون مكوناته من الزيوت المغذية للضوافر زي فيتامين E, ولو ضوافرك ضعيفة متهمليش في علاجها سواء بالعلاج الطبي او بالوصفات الطبيعية.

3- حاجة كمان يمكن نكون مش بناخد بالنا منها انها ممكن تأثر على ضوافرنا وهي الشامبو, لان الشامبو منظف للشعر وبيحتوي على مكونات بتزيل الزيوت الطبيعية اللي بتغذي الشعر وبالتالي ده بيأثر على الضوافر لما بنستخدم ايدينا في تدليك الشامبو في الشعر, عشان كده لازم ترطبي ضوافرك بعد كل مرة تستخدمي فيها الشامبو على الشعر.

4- مكملات البيوتين اللي موجودة في فيتامين B من المكملات المهمة جدا لزيادة سماكة الضوافر ومنع تشقق وتكسر الضوافر, 2.5 جرام من البيوتين يوميا كافية جدا انها تحافظ على صحة ضوافرك وممكن ناخده عن طريق مكملات من الصيدلية, او عن طريق الاكلات اللي بتحتوي على فيتامين بي زي اللحوم, الكبدة, وصفار البيض, السمك وخصوصا السلمون, الافوكادو, وتقريبا معظم انواع الفاكهة والخضار, الجبنة, الحبوب الكاملة, فول الصويا.

5- اتجنبي انك تحطي المانيكير قبل ما تنامي على طول, اديه فرصة ساعتين ينشف كويس قبل النوم عشان تحافظي عليه اطول فترة وتحافظي عليه من انه ممكن يتقشر بسرعة او يتلخبط منك.

نصايح للعناية بضوافرك في الصيف
نصايح للعناية بضوافرك في الصيف

16 غلطة بنعملهم في ضوافرنا .. وازاي نتجنبها ونخلي ضوافرنا صحية

غلطات بنعملهم في ضوافرنا