بالصور والفيديو: طريقة زراعة الانواع المختلفة من الخضار بنفسك فى مطبخك

بقلمآية حسان فيمنوعات visibility3246

الزراعة بتعتبر من افضل الهوايات الى ممكن تكون موجودة عن اى حد فينا، لكن هى كمان هواية صعبة وبتحتاج وقت وصبر واهتمام كبير جدا، وعلشان تبقى دايما مختلفة، فى المقال ده مش هنقولك ازاى تزرعى النباتات التقليدية اللى ممكن نزرعها  فى البيت زى الورد و الريحان، لا .. بنات حوا هتعرفك النهاردة بالصور والفيديو طريقة زراعة الانواع المختلفة من الخضار بنفسك فى مطبخك، الموضوع سهل جدا لدرجة انك مش هتصدقى اللى هتقريه!

بالصور والفيديو: طريقة زراعة الانواع المختلفة من الخضار بنفسك فى مطبخك

الثمار اللى هتحتاجيها للبذور:

فراولة.

توت.

طماطم.

ليمون “موالح” .

أفوكادو.

أناناس.

1- طريقة زراعة الفراولة:

باستخدام خلة اسنان “سلاكة اسنان” طلعى بذور الفراولة من ثمرة فراولة عادية.

بحرص شديد اغسلى البذور دى وسيبيها تنشف شوية.

فى علبة فاضية او قصيص زرع ، امليها لحد الاخر تقريبا بتربة صالحة للزراعة و اغرسي فيها البذور.

غطى البذور بطبقة تانية من التربة ، ارتفاعها حوالى 3 سم.

رشي البذور بالمية   وحطى قصرية الزرع كلها فى الشمس.

كررى رش المية مرة كل يوم.

بعد مرور كام يوم هتلاحظى انه البذور بدأت تزرَع .

خليكى مستمرة فى رش المية بشكل منتظم كل يوم.

لما تبدأ الورقة التالتة تظهر، انقلى زرعة الفراولة للتربة لو كان بيتك فىه جنينة او مكان تزرعى فيه، لو مفيش يبقى حاولى تنقليها قصيص زرع اكبر.

استمرى فى انك تسقيها مية ومع مرور الوقت هتكبر و تنتج ثمار فراولة.

2- طريقة زراعة التوت:

باستخدام خلة اسنان “سلاكة اسنان” طلعى بذور التوتمن ثمرة توتعادية.

بحرص شديد اغسلى البذور دى وسيبيها تنشف شوية.

فى علبة فاضية او قصيص زرع ، امليها لحد الاخر تقريبا بتربة صالحة للزراعة و اغرسي فيها البذور.

غطى البذور بطبقة تانية من التربة ، ارتفاعها حوالى 3 سم.

رشي البذور بالمية   وحطى قصيص الزرع كلها فى الشمس.

كررى رش المية مرة كل يوم.

بعد مرور كام يوم هتلاحظى انه البذور بدأت تزرَع .

خليكى مستمرة فى رش المية بشكل منتظم كل يوم.

لما تبدأ الورقة التالتة تظهر، انقلى زرعة التوت للتربة لو كان بيتك فىه جنينة او مكان تزرعى فيه، لو مفيش يبقى حاولى تنقليها قصيص زرع اكبر.

استمرى فى انك تسقيها مية ومع مرور الوقت هتكبر و تنتج ثمار فراولة.

3- طريقة زراعة الطماطم:

قطعى ثمرة طماطم الى 3 أجزاء بالطول ” زى ما تكونى بتقطعى برتقالة بالضبط”

فى برطمان ماليان لحد ¾ بتربة صالحة للزراعة خدى جزء واحد من التلاتة دول و حطيه على التربة.

فوق شريحة الطماطم حطى باقى التربة لحد آخر البرطمان.

بشكل منتظم رطبى التربة بكميات بسيطة من المية، وسيبيها فى ضوء الشمس المباشر.

رشي البذور بالمية كل يوم.

مع مرور الوقت هتبدأ الطماطم تزرَع وتكبر.

4- طريقة زراعة الليمون ” الحمضيات” :

اقسمى لمونة  نصين وطلعى البذر.

اغسلى البذر كويس بس ماتسيبيهوش ينشف.

املى  برطمان  لحد ¾ بتربة صالحة للزراعة.

حطى البذور جوا التربة دى.

حطى البرطمان او القصيص كله فى مكان دافى “فوق التلاجة مثلا او جنب البوتوجاز”.

رشي البذور بالمية يوم اه ويوم لا.

5- طريقة زراعة الافوكادو:

اقسمى ثمرة افوكادو نصين وطلعى البذرة.

اغسلى البذرة كويس بس ماتسيبيهاش تنشف.

اغرسي 3 اعواد من خلة الاسننا فى بذرة الافوكادو.

حطى البذرة قى مية بحيث تكون البذرة في بينها وبين المية مسافة بسبب خلة الاسنان ” يعنى البذرة تكون يدوب لامسة سطح المية” وغيرى المية كل اسبوع.

الجذور هتتكون خلال من اسبوعين لـ 3 اسابيع.

لما يوصل طول الجذور لحوالى 4 الى 6 سم، انقليها لتربة صالحة للزراعة.

6- طريقة زراعة الاناناس:

آخر طريقة معانا من طريقة زراعة الانواع المختلفة من الخضار بنفسك فى البيت هى طريقة زراعة الاناناس:

اقطعى الجزء الاعلى من ثمرة الاناناس ” الجزء اللى بيبقى شبه النخلة ده” بحيث تحاولى مايطلعش فيه من قلب الاناناس حاجة على قد ما تقدرى.

شيلى كل الاوراق اللى شبه النخلة دى.

حطى الجزء اللى هيتبقى فى الشمس من 5 لـ 7 ايام.علشان تقدرى تستخدميه كبذرة.

حطى البذرة فى مية بحيث تكون البذرة في بينها وبين المية مسافة بسبب خلة الاسنان ” يعنى البذرة تكون يدوب لامسة سطح المية” وغيرى المية كل اسبوع.

الجذور هتتكون خلال من اسبوعين لـ 3 اسابيع.

لما يوصل طول الجذور لجوالى 4 الى 6 سم، انقليها لتربة صالحة للزراعة.

ودلوقتى شوفى معانا فيديو طريقة زراعة الانواع المختلفة من الخضار بنفسك فى مطبخك