ازاي تستخدمي الليمون لتخسيس الوزن
زي ما دايما عودناكم نجيبلكم كل حاجة خاصة بالتخسيس عشان تحافظوا على جسمك ورشاقتكم بأبسط الطرق ونسهل عليكم مهمة انقاص الوزن, النهاردة هنقول لكل بنات حوا طريقة سهلة وبسيطة جدا وهي وصفة الليمون لتخسيس الوزن.
– فوايد الليمون:
الليمون من العلاجات الطبيعية اللي بتستخدم من زمان لان ليه فوايد كتير جدا, يعتبر مضاد للفيروسات, مضاد للبكتيريا, بيقوي المناعة, يعتبر مطهر للكبد والجهاز الهضمي, غني بالمواد الغذائية وحامض الستريك والياف البكتين, ده غير فوايده الكتير جدا للشعر والبشرة والجسم بشكل عام., والفايدة الاهم وهي تخسيس الوزن وده اللي هنعرفه النهاردة من خلال موضوعنا.
– ازاي الليمون بيساعد في تخسيس الوزن:
الليمون يعتبر مدر طبيعي للبول وبالتالي ده بيساعد انه يخلص الجسم من السموم وبينضف الامعاء وده بدوره بيساعد على تقليل وزن المية في الجسم وبيمنع الانتفاخ والتورم, وتخليص الجسم من السموم كمان بيساعد على تحسين الكبد وعملية الهضم, وبيزود وظيفة الانزيمات.
والليمون زي ما قولنا بيحتوي على الياف البكتين اللي بتساعد على تقليل الرغبة الشديدة في الاكل, واثبتت الدراسات ان الاشخاص اللي بيعتمدوا على نظام غذائي قلوي بيخسروا وزنهم بشكل اسرع وهتلاقي نفسك بتروحي كتر ناحية الاختيارات الصحية في الاكل خلال اليوم لو بدأتي يومك كل يوم الصبح بوصفة الليمون.
– وصفة الليمون لتخسيس الوزن:
الوصفة بسيطة جدا وحتى مش محتاجة مننا مجهود, كل اللي هتحتاجيه كوباية مية سخنة و ½ عصير ليمونة.
كل يوم الصبح هتعصري ½ الليمونة على كوباية المية وتكون دافية مش سخنة اوي ولا باردة واشربيها على الريق قبل اي حاجة يعني اول ما تقومي من النوم تكون هي اول حاجة تعمليها.
ممكن كمان عشان تزودي فايدة المشروب ترشي عليه شوية بمقدار ربع معلقة كده شطة, او قرفة, او معلقة صغيرة عسل نحل.
وطبعا لو مع وصفة الليمون مارسنا رياضة مع نظام غذائي صحي هيجيب نتايج افضل واسرع بكتير.
خسي 5 كيلو في اسبوع واحد بس بشاي الكركم
