ازاي قعدتك ممكن تكشف شخصيتك !

ريهام محمود

في

8512

احنا اتكلمنا في موضوع قبل كده عن لغة الجسد وان علماء النفس اكدوا ان حركات الجسم ممكن تكشف حاجات كتير عن شخصيتك او تقدري تعرفي منها شخصية اللي قدامك لانها بتبقى حركات ارادية ومعظمها بنكون مش متحكمين فيها وبتخرج من جزء اللاوعي في المخ عند اي شخص, والنهاردة هنقول لك بنات حوا ازاي قعدتك ممكن تكشف شخصيتك.

ازاي قعدتك ممكن تكشف شخصيتك:

1- Position A:

الاشخاص اللي دايما بيقعدوا بالشكل ده ده بيكشف ان الشخص ده من نوعية الاشخاص اللي لو اتعرض لمشكلة او حدث بيشوف انها ممكن تتحل لوحدها من غير مجهود او محاولة منه, ولو شاف ان المشكلة متحلتش من نفسها بيبدأ يوجه المشكلة ناحية شخص تاني.

لكن النوع ده من الاشخاص سهل انك تتكلمي معاهم, ومش مملين وخلاقين بشكل كبير, لكن تصرفاتهم طفولية شوية, ودايما بيقولوا الحقيقة من غير التفكير في العواقب او النتايج.

2- Position B:

الاشخاص اللي بيقعدوا القعدة دي بيتميزوا انهم اشخاص حالمين وعندهم خيال واسع, وبيحلموا بكل حاجة هما نفسهم يحققوها, ولو موجودين في اي مجال عمل يعتبروا هما قلب الشركة او المكان اللي بيشتغلوا فيه, عندهم افكار مبدعة مالهاش نهاية,بيحبوا السفر وبيقدروا يكونوا صداقات في اي مكان يروحوا فيه.

دايما بيحبوا يعملوا اللي هما عايزينه بسرعة من غير تأجيل او تفكير كتير, ممكن يغيروا اي حاجة في نفسهم من غير خوف من العواقب, ممكن ينتقلوا انهم يعيشوا في مكان جديد او في مدينة جديدة او شغل جديد, ويكونوا صداقات او علاقات جديدة, او يغيروا في شكلهم يعني بسهولة جدا يقدروا يغيروا ويتأقلموا بسرعة مع الوضع الجديد.

3- Position C:

القعدة دي بتدل على شخصية بتحب الراحة مش من النوع اللي ممكن تقضي يوم الاجازة او الويك اند في الشوبينج واللف في المولات, لكن مع ذلك ذوقهم في اللبس صعب وانتقائيين اوي ومن الصعب يرضوا باي حاجة, بيحبوا الفوضى شوية يعني مش دايما مكانهم مترتب وبيشوفوا انهم ممكن يلاقوا اي حاجة هما عايزينها من وسط الفوضى وهما مغمضين عينهم.

واكبر عيب في الشخصية دي انها بينقصها دايما التركيز مش بيقدروا يركزوا على مهمة واحدة فترة طويلة, ولو داخلين مناقشة مع حد مش بيقفلوا الموضوع غير لما ينهوه يعني صعب جدا يتنقلوا من محادثة لمحادثة او من موضوع للتاني من غير ما يكونوا مخلصين مناقشة في كل موضوع بشكل كامل.

4- Position D:

الاشخاص اللي بيقعدوا بالشكل ده بيكرهوا التأخير في نفسهم او في اللي حواليهم, بيتميزوا انهم اشخاص مفكرين جدا وحساسين, سلميين اوي وبيفضلوا يحلوا مشاكلهم بهدوء من غير جدال او خناق.

لو بتقعدي القعدة دي بس بتكوني عاملة الرجل كروس او عكس بعض بيتميزوا انهم مباشرين وواضحين بطريقة جريئة شوية, وشخصيات انيقة جدا.

لو بتقعدي بنفس الشكل بس بترفعي الجزء اللي قدام من رجلك وتبقي سانده على كعبك, تبقي من الشخصيات اللي بتميل لاعادة تدريب نفسها وبتكوني مستعدة لمحاربة او مواجهة اي شخص, العالم بالنسبة لهم مش مكان بيلاقوا راحتهم فيه وبيعتبروا بيتهم هو المأوي ليهم من العالم الخارجي, وبيعرفوا يدافعوا عن نفسهم كويس لو اي شخص عارضهم.

5- Position E:

الاشخاص اصحاب القعدة دي بيتميزوا انهم مش بيستعجلوا في اي حاجة في حياتهم, يعني لو هيتجوزوا بياخدوا وقتهم في التفكير لو اتجوزوا مش بيستعجلوا انهم يخلفوا اولاد, والسبب في ده انهم بيركزوا على حياتهم المهنية والعملية اولا قبل اي حاجة تانية, وتفكيرهم بيكون ان كل حاجة ليها وقتها المناسب ومكانها يبقى مافيش داعي للاستعجال.

ثابتيين جدا في قرارتهم ويعتبروا من الشخصيات العنيدة, وبيحبوا يوصلوا لكل اهدافهم بسرعة, وطموحيين جدا وده بيخليهم يركزوا جدا عشان يحولوا كل احلامهم لحقيقة وواقع.

بيهتموا جدا بمظهرهم لانهم بيحبوا يظهروا بشكل مثالي من غير غلطات, بس عندهم سنة انعدام امن في نفسهم او بيخافوا شوية, بيقبلوا النقد بموضوعية خصوصا اللي هما بيشوفوا انها ممكن تفيدهم انهم يبقوا اشخاص افضل او يحسنوا من نفسهم.