قطع ملابس اساسية للربيع والصيف فى 2017 لازم تكون موجودة فى دولابك

بقلمآية حسان فيموضة وأزياء visibility3811

خلاص بقينا تقريبا فى فصل الصيف ودولابنا كلها محتاج يتعمله upgrade  ونشوف محتاجين ايه للصيف ده علشان نبقى جاهزين للخروجات والفسح والمصيف !

ولانه بنات حوا يهمها دايما تكونى عارفه كل جديد فى الموضة وتكونى فى احسن صورة، فى المقال ده هنعرفك على قطع ملابس اساسية للربيع والصيف فى 2017 لازم تكون موجودة فى دولابك علشان تبقى stylish  وشيك طول الوقت، يلا نبدأ :)

قطع ملابس اساسية للربيع والصيف فى 2017 لازم تكون موجودة فى دولابك ..

Aviator Sunglasses:

الصيف جه وده معناه انه خلاص نضارة الشمس مش هتفارق حد فينا، علشان كده بتعتبر نضارات الشمس قطعة أساسية من قطع ملابس اساسية للربيع والصيف فى 2017، النضارة الشمس بستايل الـ aviator  موضة جدا فى موسم الصيف السنة دى و بتمشى تقريبا مع اى ستايل تلبسيه سواء كان للشغل، كاجوال للخروجات، semi-formal  او حتى مع تيشيرت وبنطلون.

ستايل النضارات دى راجع لنا من موضة السبعينات والتمانينات ومكملين معانا بقوة فى موضة السنة دى وممكن السنة الجاية كمان، علشان كده لو لسه معندكيش aviator glasses  يبقى لازم تنزلى تشتري منها فورا.

Footwear:

بنتكلم هنا عن ستايل الشوز الـ Loafers اللى مقفولة من قدام ومفتوحة من ورا زى اللى فى الصورة ، النوع ده من الـ footwear  بيعتبر  trendy جدا فى موضة الصيف لـ 2017  وبيبقوا شيك جدا مع shorts  و الـبنطلونات بستايل الـ denim jeans. بالاضافة الى انهم مريحين و fashionable بدرجة كبيرة. وكمان بتقدرى تلبسيهم مع اى طقم formal  و تستغنى بيهم عن وجع الكعب العالى.

Jumpsuits:

الـ jumpsuits   بتعتبر من قطع الملابس الاساسية جدا فى الصيف، وبسهولة ممكن تغيريها من outfit مناسب للنهار لـ outfit  مسائى تخرجى بيه بالليل، كل اللى عليكى تعمليه انك تستبدلى الشوز الفلات بكعب عالى وكده يبقى غيرتى ستايل الـ jumpsuit ، ده غير انها مميزة لأنها عملية ومريحة وبتساعدك تستحملى حر الصيف ودرجات الحرارة العالية، ولو عايزة تخليها stylish اكتر ممكن تلبسيها بستايل الـ off shoulder .

الـ jumpsuit   من القطع اللى لازم تبقى موجودة فى دولابك للصيف فى 2017 ، وممكن تحتارى مابين الـ full length jumpsuit  او الـ jumpsuit  القصيرة.

Lace dresses:

الـ lace dresses   او الفساتين المعمولة من الدانتيل او الجبير من قطع الملابس اللى هتلاقيها موجودة معنا طول السنة سواء صيف او شتاء، ممكن يكونوا غاليين شوية لكنهم يستاهلوا لانه الفساتين من الخامة دى بتديكى لوك اليجانت و شيك اوى ، وكمان ممكن تلبسي الفستان الدانتيل طول السنة زى ما قلنا علشان كده بيعتبر من القطع المهمة فى دولاب اى بنت، لو كنتى مابتفضليش لبس الفساتين ممكن تستبدلى الفستان ببلوزة او كارديجان من الدانتيل.

Maxi Dress:

الفساتين الماكسي كمان من قطع ملابس اساسية للربيع والصيف فى 2017 لازم تكون موجودة فى دولابك، لانه بيدى شكل شيك جدا وكمان سهل تنقلي بيه اللوك بتاعك من لوك نهارى للوك مناسب لليل، وأكتر حاجة مميزة فى  الـ maxi dresses   هى انها مريحة وممكن تلبسيها تقريبا فى كل حتة سواء فى الشغل، خروجاتك مع اصحابك بالنهار، خروجات بالليل او حتى على البحر، اكتر الستايلات اللى هتلاقيها فى موضة الفستان الماكسي السنة دى هى الفساتين الـ floral  و بالألوان الابيض و الاحمر واللبنى والاسود، جربى تلبسيه مع عقد او سلسلة طويلة بحجم مناسب وصندل او شوز فلات.

jeans short :

الشورت الجينز من الحاجات اللى عمر ما موضتها بطلت، وبتبقى مريحة جدا فى الصيف وخفيفة الى جانب انها عملية وشيك. وممكن تغيرى شكل الشورت الجينز العادى بانك تضيفي للشورت رسومات ورود او تزينيه باللؤلؤ اوالترتر او اى حاجة تانية تغيري بيها من شكله.

فساتين مخططة:

الفاساتين المخططة بتعتبر هى أهم قطعة لازم تبقى فى دولابك فى 2017 لان نقشة الخطوط هى اساس الموضة فى الـ season ده وهتلاقيها موجودة فى الجيبات والبنطلونات والشيميزات و تقريبا فى  كل حاجة، وشكلهم شيك بدرجة كبيرة وممتازين جدا لستايل وجو الصيف.

التيشيرتات القطن والفساتين المخططة بالعرض مناسبة تقريبا لمعظم اشكال الجسم والاحجام،  لكن لو كنتى مليانة شوية او قصيرة يفضل تلبسي قطعة بخطوط رأسية ” بالطول” مش بالعرض ، علشان تبينك ارفع وأطول .

جربي تلبسي توب مخطط وتدخليه فى الجيبة او البنطلون ” خصوصا البنطلون الجينز” مع بوليرو خفيف وسلسلة علشان تعملى لوك بسيط وخفيف.

اعرفى معانا كمان 9 عادات لازم تعمليها كل يوم علشان تبقى على الموضة