بالفيديو : ازاى تعملى formal eye makeup look بالخطوات

آية حسان
آية حسان
في
مكياج
5258

كلنا عارفين انه الماكياج مش سهل ابدا خصوصا لو بنتكلم عن مكياج العيون لانه بيحتاج شطارة ودقة عالية، ولانه كتير بنحتاج نعمل formal eye makeup look فى اوقات الشغل او المؤتمرات او لو رايحة تعملى انترفيو، فى المقال ده بنات حوا هتديكى شوية نصايح هتسهل عليكى الموضوع وتخليكى تعملى formal eye makeup look زى المحترفين بالضبط. شوفى معانا فى المقال ده بالفيديو ازاى تعملى formal eye makeup look  بالخطوات خطوة بخطوة ..

بالفيديو : ازاى تعملى formal eye makeup look  بالخطوات 

الادوات اللى هتحتاجيها:

مزيل مكياج.

برايمر عيون.

كونسيلر.

فرشة مكياج.

ايلاينر.

ماسكارا.

آيشادو.

قلم حواجب.

الخطوة الاولى : 

اول خطوة لازم تعمليها فى اى مكياج هى انك تجهزى بشرتك الاول، وعلشان الخطوة دى لازم تزيلى اى بقايا مكياج على بشرتك وتغسلى وشك كويس باستخدام منظف البشرة ومزيل المكياج المناسب لنوع بشرتك.

الخطوة الثانية:

بعد ما تكونى نضفتى بشرتك كويس وبعمق ييجي الدور على ترطيب البشرة لانه البشرة الجافة هتخلى مكياجك يبان مكسر ومش مندمج مع بعضه. استخدمى مرطب بشرة مناسب ، ولو كنتى من اصحاب البشرة الدهنية استخدمى كريم العيون بس بدل الكريم المرطب على وشك كله.

الخطوة الثالثة:

حطى طبقة من برايمر العيون حوالين عينيكى علشان يحافظ على المكياج ومايخليهوش يقشر ويفضل معاكى طول اليوم ، لو ماعندكيش برايمر العيون ممكن تستخدمى بداله الكونسيلر وخليكى حريصة انه يكون مناسب لنوع بشرتك.

كل اللى محتاجة تعمليه هو انك تفردى طبقة قليلة حوالين عينيكى كويس بطريقة الطبطبة وممكن تستخدمى فوقه طبقة من البودرة العادية او الشفافة علشان تثبتيه.

الخطوة الرابعة:

الخطوة دى بتعتبر هى الخطوة المهمة فى الـ formal eye makeup look ، هتبدأى بأنك تحطى طبقة خفيفة من الايشادو فضى اللون على جفونك وده هيبرز لون بشرتك اكتر، وباستخدام فرشة كثيفة الشعر ادمجيه كويس على عينيكى، الحركة دى هتخلى عينيكى تبان fresh وتبان واسعة.

الخطوة الخامسة:

فى الخطوة دى هنحط طبقة من الايشادو باللون البنى الطبيعى او الدرجة المتوسطة ومهم يكون ماتmatte على جفونك باستخدام فرشة كثيفة الشعر ، اللون ده هيدى عمق اكبر لعينيكى.

الخطوة السادسة:

استخدمى نفس درجة البنى على الجفن السفلى لعينيكى وادمجيه كويس باستخدام الفرشة علشان تعملى لوك سموكى خفيف، وبعد كده استخدمى ايشادو بلون فضى او دهبى على زاوية عينيكى و على عضمة الحاجب وادمجيه بصوابعك علشان ينور عينيكى ويبرز المكياج.

formal eye makeup look
formal eye makeup look

الخطوة السابعة:

جه الوقت لرسم الايلاينر،  حطى الايلاينر  فى خط رفيع قريب من خط الرموش و لو مابتعرفيش تستخدمى الايلاينر الجيل ممكن تستخدمى السائل او القلم ، يعنى استخدمى اللى هيبقى اسهل بالنسبة لك.

الخطوة الثامنة:

فى الخطوة دى استخدمى قلم الحواجب علشان ترسمى حواجبك وتملى الفراغات وممكن بعد القلم تمشى على حواجبك بفرشة ماسكارا قديمة علشان تدمجى الخطوط اللى رسمتيها بالقلم مع شعر حواجبك فتبان طبيعية.

الخطوة التاسعة:

آخر خطوة هى الماسكارا  ! استخدمى الماسكارا السوداء فى اللوك ده لانها هتبين عينيكى واسعة وتديها عمق اكتر ولوك جرئ ، حطى طبقة واحدة من الماسكارا على خط الرموش فوق وتحت وسيبيه دقيقة و قبل ما الماسكارا تنشف حطى طبقة تانية من الماسكارا.

الـ Final Touch Makeup : 

ممكن تحطى طبقة من الكريم المرطب على رقبتك لو كنتى غير محجبة وعلى بداية شعرك او يعنى الـ hair line .

بعد ما تخلصى اللوك بتاعك حطى طبقة خفيفة اوى من الـ loose powder وممكن طبقة خفيفة من الـ Lip gloss المفضل عندك ويكون بلون هادى وخفيف خصوصا لو نازلة بالنهار، ده هيخليكى تطلعى بلوك طبيعى وهادى مع الطقم الفورمال اللى هتلبسيه.

ودلوقتى شوفى معانا فيديو ازاى تعملى formal eye makeup look :

شوفى معانا كمان بالفيديو: 4 منتجات لمكياج العيون هتخليكى تعملى مكياج عيون مظبوط زى المحترفين

مقالات متعلقه

نصايح مكياج للعيون المبطنة

نصايح مكياج للعيون المبطنة

blue eyeliner الآيلاينر الأزرق راجع تاني.. اتعرفي عليه وشوفي صور تلهمك ازاي تستخدميه

blue eyeliner الآيلاينر الأزرق راجع تاني.. اتعرفي عليه وشوفي صور تلهمك ازاي تستخدميه

لو جفونك دهنية ومش بيثبت عليها المكياج انتي محتاجة تعرفي ال 5 نصايح دول

لو جفونك دهنية ومش بيثبت عليها المكياج انتي محتاجة تعرفي ال 5 نصايح دول