اغسلي وشك بالاكل لبشرة صحية خالية من العيوب !

بقلمريهام محمود فيبشرة visibility7583

تنضيف الوش بالاكل من الحاجات الفعالة جدا اللي بتديكي نتيجة ايجابية خصوصا للبنات اللي بيقلقوا انهم يستخدموا اي منتجات فيها مواد كيميائية او بشرتهم حساسة, واستخدام الاكل مش بس لتنضيف الوش لا كمان هيساعد على ترطيب البشرة وتفتيحها وعلاج مشاكل الجلد بشكل عام, والنهاردة هنقولكم على بدائل طبيعية لمنظفات البشرة اللي ممكن تستخدميها وانتي مش قلقانة انها ممكن تضر البشرة وفي نفس الوقت هتديكي نتايج ايجابية وفعالة جدا مع بشرتك.

بدائل طبيعية لمنظفات البشرة:

1- الموز – لمنع شيخوخة وتجاعيد الجلد:

الموز من انواع الاكل اللي ليها فوايد هايلة جدا للبشرة, بيساعد على ترطيبها وبيمنع شيخوخة وتجاعيد الجلد.

 اهرسي موزة متوسطة الحجم لحد ما تبقى عندك عجينة ناعمة وممكن تضربيها في الخلاط عشان تنعم اوي وميبقاش فيها اي كتل, افرديها على البشرة والرقبة وسيبيها من 10 – 20 دقيقة, وبعدين اغسليها بمية باردة.

ممكن تعملي وصفة تانية, اخلطي ¼ كوباية زبادي مع 2 معلقة كبيرة عسل نحل وموزة متوسطة, اضربي كل المكونات في الخلاط لحد ما تنعم وتمتزج كويس مع بعض وافرديها على البشرة وسيبيها 20 دقيقة واغسليها.

بدائل طبيعية لمنظفات البشرة
بدائل طبيعية لمنظفات البشرة

2- العسل – لعلاج الحبوب والبثور:

العسل يعتبر مطهر طبيعي للبشرة لانه بيحتوي على خصائص مضادة للبكتيريا وكمان بيساعد على ترطيب البشرة.

 دلكي بشرتك بالعسل بس لمدة دقايق كمطهر ومنعم للبشرة وكمان للتخلص من اي اثار مكياج على البشرة.

وممكن تخلطي العسل مع زيت الجوجوبا او زيت جوز الهند وتدهني بيه البشرة وتسيبيه 10 دقايق وبعدين اغسليه بمية دافية.

بدائل طبيعية لمنظفات البشرة
بدائل طبيعية لمنظفات البشرة

3- الشوفان – لتنضيف وتهدئة البشرة:

لو بتدوري على حل سريع لتنضيف البشرة يبقى اكيد اختيارك هيبقى للشوفان كمنظف طبيعي للبشرة وتهدئة الجلد.

اخلطي ½ كوباية مية سخنة مع 1/3 كوباية شوفان وسيبيه من 2 – 3 دقايق وبعدين اخلطي معاه 2 معلقة كبيرة زبادي, و2 معلقة كبيرة عسل, وبياض بيضة صغيرة, قلبي المكونات مع بعض كويس وافردي طبقة رقيقة من الخليط على البشرة وسيبيه لمدة دقيقة وبعدين ابدأي دلكي بشرتك في حركات دائرية لمدة من 2 – 3 دقايق وبعدها اغسلي البشرة بمية دافية.

بدائل طبيعية لمنظفات البشرة
بدائل طبيعية لمنظفات البشرة

4- عصير الليمون – لتفتيح البشرة:

الليمون معروف انه من الحاجات الفعالة جدا لتفتيح البشرة, وتضييق المسام, وبيعالج مشكلة الدهون الزيادة في البشرة, ومنظف للبشرة.

ادهني البشرة بعصير الليمون وسيبيه 5 دقايق وبعدين اغسليه بالمية ومتسيبهوش على البشرة فترة طويلة زيادة عن اللزوم.

وممكن تخلطي عصير الليمون مع بياض البيض لو بشرتك حساسة.

بدائل طبيعية لمنظفات البشرة
بدائل طبيعية لمنظفات البشرة

5- المايونيز – لتنعيم البشرة:

مع المايونيز مش هتبقي محتاجة تصرفي فلوس كتير على الكريمات عشان تحصلي على بشرة ناعمة, كل اللي هتعمليه هتدهني بشرتك بطبقة من المايونيز وسيبيه 20 دقيقة وبعدين اغسليه بمية باردة, هتحسي بعدها بنعومة ونضافة البشرة.

بدائل طبيعية لمنظفات البشرة
بدائل طبيعية لمنظفات البشرة

6- البيض – لشد وترطيب الجلد:

البيض من الحاجات الطبيعية اللي بتساعد على شد وترطيب الجلد بطريقة فعالة جدا.

لو بشرتك جافة ومحتاجة لترطيب, افصلي صفار البيض عن البياض واستخدمي الصفار بس لتدليك البشرة.

لو بشرتك دهنية, استخدمي بياض البيض واخلطي معاه معلقة صغيرة عصير ليمون اومعلقة صغيرة عسل وادهني بشرتك بالخليط.

لو بشرتك عادية, استخدمي البيضة كاملة ادهني بيها البشرة وسيبيها 30 دقيقة وبعدين اغسليها بالمية, وهتحسي بفرق كبير على بشرتك بعدها.

بدائل طبيعية لمنظفات البشرة
بدائل طبيعية لمنظفات البشرة

7- الزبادي او كريمة الطبخ “Sour Cream” – للتنضيف العميق للبشرة:

الزبادي بتحتوي على حمض اللبنيك والبروبيوتيك اللي بتساعد على تطهير وتغذية البشرة, بس اتأكدي من استخدام زبادي من غير اي نكهة او اضافات.

 دلكي بشرتك بالزبادي لمدة دقايق او سيبيها على البشرة كماسك وبعدين اغسليها بالمية.

او اخلطي الزبادي مع العسل لعمل منظف قوي ضد البكتيريا ودلكي بيه البشرة.

بدائل طبيعية لمنظفات البشرة
بدائل طبيعية لمنظفات البشرة

8- زيت زيتون, زيت اللوز الحلو, زيت بذور العنب, زيت جوز الهند – لتوريد وتوهج البشرة:

ممكن تستخدمي نوع واحد من انواع الزيتون دي على البشرة, بلي قطنة بالزيت وامسحي بيه بشرتك كمنظف ومزيل طبيعي للمكياج.

وممكن تستخدمي خليط من كل الزيوت بكميات متساوية لتنضيف وتنقية وترطيب بشرتك, وممكن تضيفي لهم اختياري معلقة سكر بني او كربوناتو عشان تزودي فايدته.

بدائل طبيعية لمنظفات البشرة
بدائل طبيعية لمنظفات البشرة

طرق لتنضيف البشرة من غير صابون

تنضيف البشرة من غير صابون