ازاي تتخلصي من الصداع في 5 دقايق بس بطريقة فعالة من غير اسبرين !

ريهام محمود
ريهام محمود
في
صحة
6020

معظمنا تقريبا بنتعرض للصداع بشكل يومي لكن ساعات بيكون مش متوفر اسبرين للصداع معانا او بعض البنات مش بيحبوا ياخدوا اسبرين باستمرار, عشان كده احنا النهاردة جايبين لكل بنات حوا طريقة لعلاج الصداع من غير اسبرين بشكل فعال جدا وسريع.

طريقة لعلاج الصداع من غير اسبرين:

الطريقة دي بتعتمد على الضغط وتدليك نقط معينة في الجسم, وكتير من الدراسات العلمية اكدت فعاليتها وسرعتها في العلاج.

– طريقة العلاج:

اول حاجة خدي وضع استرخاء مريح, دلكي المكان مع الضغط الخفيف او في حركات دائرية لمدة من 30 ثانية لدقيقة في المتوسط, وفي الغالب الصداع بيختفي تماما اثناء التدليك او بعد التدليك بـ 5 – 10 دقايق.

طريقة لعلاج الصداع من غير اسبرين 1
طريقة لعلاج الصداع من غير اسبرين 1

– 6 نقط رئيسية للتخلص من الصداع:

دلوقتي هنتعرف على الـ 6 النقط الرئيسية اللي هتخلصنا من مشكلة الصداع.

1- النقطة الاولى Yintang Point:

نقطة العين التالتة مكانها بين الحاجبين في المكان اللي بيمر فيه جسر الانف للجبين, دلكيها بالطريقة اللي احنا شرحناها, والنقطة دي مش بس بتعالج الصداع لكن كمان بتخلصك من تعب العين.

طريقة لعلاج الصداع من غير اسبرين 2
طريقة لعلاج الصداع من غير اسبرين 2

2- النقطة التانية Zan Zhu points:

النقط المتماثلة بيكون مكانها تحت الزاوية الداخلية للحاجبين, تدليك المنطقة دي مش بس للصداع لكن كمان بيعالج سيلان الانف, وبيحسن النظر, التدليك يكون لمدة دقيقة عن طريق الضغط او بحركات دائرية.

طريقة لعلاج الصداع من غير اسبرين 3
طريقة لعلاج الصداع من غير اسبرين 3

3-النقطة التالتة Yingxiang points:

 النقطتين مكانهم على جوانب الانف مع خط العين, وعشان توصلي للنقطة بالظبط هي هتكون عند الغمزة او النقرة اللي تحت عضمة الخد, الطريقة دي كمان غير انها بتعالج الصداع بتساعد على فتح الجيوب الانفية, وعلاج الم الاسنان, وتخفيف التوتر.

طريقة لعلاج الصداع من غير اسبرين 4
طريقة لعلاج الصداع من غير اسبرين 4

4- النقطة الرابعة Tian Zhu Points:

النقط موجودة في منتصف الجزء الخلفي من الراس بين الاذن وبداية العمود الفقري, وتدليك النقط دي بيساعد على علاج الصداع الشديد والنصفي, وتخفيف احتقان الانف والم العين والاذن.

طريقة لعلاج الصداع من غير اسبرين 5
طريقة لعلاج الصداع من غير اسبرين 5

5- النقطة الخامسة Shuai Gu Points:

النقطة دي موجودة من 2 – 3 سم من بداية الشعر عند منطقة عضمة الخد, الضغط على المنطقة دي بيعالج الصداع وتعب العين.

طريقة لعلاج الصداع من غير اسبرين 6
طريقة لعلاج الصداع من غير اسبرين 6

6- النقطة السادسة He Gu Points:

النقطة موجودة على ضهر الايد في المنطقة اللي بين الابهام والسبابة, الضغط على المنطقة دي غير انه بيخفف الصداع كمان بيخفف آلام الضهر, ووجع الاسنان, والضغط والشد في عضلات الرقبة.

طريقة لعلاج الصداع من غير اسبرين 7
طريقة لعلاج الصداع من غير اسبرين 7

– ده فيديو بيوضح تدليك الـ 6 نقط اللي شرحناهم:

ازاي تطلعي السموم من جسمك عن طريق القدمين بطريقة فعالة

تطهير الجسم من السموم عن طريق القدمين
تطهير الجسم من السموم عن طريق القدمين

مقالات متعلقه

4 تسريحات شعر ممكن تسبب لك الصداع

4 تسريحات شعر ممكن تسبب لك الصداع

5 حاجات ممكن تسبب لك الصداع ، وازاي تمنعي او تخففي الألم

5 حاجات ممكن تسبب لك الصداع ، وازاي تمنعي او تخففي الألم

نصايح للتخلص من الصداع اثناء الجلوس على الكمبيوتر

نصايح للتخلص من الصداع اثناء الجلوس على الكمبيوتر