اسوأ تقنيات مكياج من وجهة نظر الرجالة !

ريهام محمود
ريهام محمود
في
مكياج
9494

كل بنت من بنات حوا اكيد بتحط المكياج بطريقتها وكل واحدة بتحب او بتفضل لوك معين, ومعظمنا تقريبا عندنا قناعة ان الراجل بيحب اكتر البنت اللي بتحط مكياج ويمكن نفكر كمان انه كل ما كترنا في المكياج هيبقى احلى وهيعجب جوزك او خطيبك اكتر, لكن مسألناش نفسنا قبل كده هل في حاجات في المكياج يكون فعلا الراجل مش بيحب يشوفها او ممكن ينتقدها, هو ده اللي هنعرفه النهاردة مع بعض من خلال موضوعنا هنتعرف على اسوأ تقنيات مكياج من وجهة نظر الرجالة وايه الحاجات اللي مش بيحبوها على البنت.

اسوأ تقنيات مكياج من وجهة نظر الرجالة:

1- كريم اساس كتير زيادة عن اللزوم:

احيانا كتير عشان نداري عيوب البشرة سواء بثور وحبوب او بقع بنكتر من كريم الاساس زيادة عن اللزوم على بشرتنا, ودي من اسوأ الحاجات اللي ممكن تعمليها في المكياج والراجل بيشوف البنت مصطنعة ومش طبيعية, عشان كده الافضل انك تقللي من كريم الاساس وتحطي طبقة خفيفة منه لان الرجالة في الحقيقة بيحبوا اللوك الطبيعي اكتر من انك تخبي العيوب وتطلعي بشكل مش طبيعي وكأنك لابسة ماسك على وشك.

اسوأ تقنيات مكياج من وجهة نظر الرجالة 1
اسوأ تقنيات مكياج من وجهة نظر الرجالة 1

2- Vamp makeup:

قاعدة المكياج الاساسية زي ما قولنا قبل كده ان التركيز يكون على حاجة واحدة بس في الوش ياما الشفايف او العيون, لكن في بعض البنات بيفضلوا يكون التركيز على كل مناطق الوش في نفس الوقت ونتيجة لده بيطلع اللوك اوفر اوي وخصوصا كمان لو لابسه الوان زاهية او فاقعة, لكن اللوك ده الرجالة مش بيفضلوه وبيشوفوا انه مبالغ فيه جدا وممكن يرسم صورة عنك انك انسانة عدوانية ده غير انه هيضيف سنين لعمرك وهيبينك اكبر من سنك جدا, عشان كده البنت اللي بتعمل اللوك ده مش بتلفت النظر ليها غير بنظرة سلبية عنها.

اسوأ تقنيات مكياج من وجهة نظر الرجالة 2
اسوأ تقنيات مكياج من وجهة نظر الرجالة 2

3- رسمة مش طبيعية لشكل الحواجب:

في بنات كتير بيبالغوا في رسمة الحواجب وبيغيروا شكلها تماما او بيشيلوها خالص ويرسموها بالقلم او يعملوا تاتو ودي من الحاجات السيئة جدا في المكياج وتعتبر اكبر صدمة لاي راجل لما يشوفها, ده غير انهم بيشوفوا الحواجب السميكة او التخينة زيادة عن اللزوم ان صاحبتها شخصيتها صلبة ورجولية, عشان كده لازم تختاري رسمة الحواجب المناسبة ليكي وتكون طبيعية ومش مبالغ فيها.

اسوأ تقنيات مكياج من وجهة نظر الرجالة 3
اسوأ تقنيات مكياج من وجهة نظر الرجالة 3

4- الرموش المتنية والطويلة زيادة عن اللزوم:

كتير من البنات حاطين في تفكيرهم ان الرموش الطويلة والمتنية اوي دي سر جاذبية ومجرد ما تحركهم هتنال اعجاب كل اللي حواليها عشان كده بتبالغ في تني الرموش واستخدام طبقات من الماسكارا كتير عشان تطولها وتكثفها, ومافيش خلاف ان الرموش الطويلة جذابة لكن تكون طويلة من غير مبالغة عشان متديكيش نتيجة عكسية لان كل حاجة باعتدال هتطلع احلى بكتير.

اسوأ تقنيات مكياج من وجهة نظر الرجالة 4
اسوأ تقنيات مكياج من وجهة نظر الرجالة 4

5- السموكي ايز Smoky eyes:

بالرغم من انتشار تقنية السموكي ايز وانها من الحاجات التريندي جدا في المكياج الا ان الرجالة مش بيحبوها وبيشبهوا السموكي ايز بعيون الباندا ورايهم انه لوك مش انثوي, وبيشوفوا البنت اللي بتعمل اللوك ده ان شخصيتها عدوانية جدا, وان اللوك ده ممكن يتفرجوا عليه بس على الموديلز اللي في المجلات او اللي على لوحات الاعلانات في الشوارع او في عروض الازياء لكن مش بيحبوا يشوفوه في الواقع.

اسوأ تقنيات مكياج من وجهة نظر الرجالة 5
اسوأ تقنيات مكياج من وجهة نظر الرجالة 5

6- البلاشر الزيادة:

البلاشر الزيادة عن اللزوم اللي ممكن يحولك زي العروسة اللعبة ده كمان من اللوك اللي مش مفضلة عند الرجالة لانه بيطلعك بلوك مش طبيعي ومصطنع.

اسوأ تقنيات مكياج من وجهة نظر الرجالة 6
اسوأ تقنيات مكياج من وجهة نظر الرجالة 6

7- الروج الفاقع واللي بيلمع زيادة عن اللزوم:

الرجالة بيفضلوا الوان الروج والشفايف الطبيعية اكتر, لانهم بيشوفوا الالوان الفاقعة اوي مبالغ فيها ومبتذلة, كمان الروج اللي بيلمع زيادة عن اللزوم او ملمع الشفايف مش بيفضلوه.

اسوأ تقنيات مكياج من وجهة نظر الرجالة 7
اسوأ تقنيات مكياج من وجهة نظر الرجالة 7

8- النو ميكب:

طبعا هنا هنقع في حيرة هما مش بيحبوا المكياج التقيل وبيفضلوا الطبيعي وفي نفس الوقت مش بيحبوا النو ميكب ! لكن في الحقيقة ان الرجالة بيحبوا التناسق والاعتدال في كل حاجة وانه يكون فيه حس وذوق في الاختيار سواء للميك اب او اللبس او حتى اختيار ارتفاع كعب الشوز بتاعك يعني كل حاجة تكون متناسقة مع بعضها ولايقة عليكي, يعني متحطيش المكياج زيادة عن اللزوم وفي نفس لو محتطيش خالص هيبصولك بنظرة انك مش مهتمة بنفسك, عشان كده احسن حاجة الاعتدال في كل حاجة وحطي كل حاجة من غير مبالغة.

اسوأ تقنيات مكياج من وجهة نظر الرجالة 8
اسوأ تقنيات مكياج من وجهة نظر الرجالة 8

16 قاعدة مكياج غلط لازم نصححها

قواعد مكياج غلط
قواعد مكياج غلط

مقالات متعلقه

اكتر الغلطات اللي بنقع فيها واحنا بنحط المكياج

اكتر الغلطات اللي بنقع فيها واحنا بنحط المكياج

لأصحاب البشرة الفاتحة .. ازاى تختارى المكياج صح ؟!

لأصحاب البشرة الفاتحة .. ازاى تختارى المكياج صح ؟!

4 اخطاء في المكياج بتبوظ صورك .. وازاي تتجنبيها

4 اخطاء في المكياج بتبوظ صورك .. وازاي تتجنبيها