ازاي تعملي ستيكرات لتصميم الضوافر في البيت بنفسك

ريهام محمود
ريهام محمود
في
أظافر
4162

ستيكرات الضوافر من الحاجات اللي بتدي شكل حلو جدا مع المانيكير في تصميم الضوافر, وكلنا عارفين ان الستيكرات دي بتتباع جاهزة في المحلات بس النهاردة احنا هنقول لكل بنات حوا طريقة عمل ستيكرات تصميم الضوافر في البيت بطريقة سهلة وبسيطة جدا.

طريقة عمل ستيكرات تصميم الضوافر:

– الحاجات اللي محتاجينها:

مانيكير “الالوان حسب اختيارك”.

مقص.

ملقاط.

Ziplock Bag او كيس بلاستيك.

الطريقة:

1- الخطوة الاولى:

هاتي اي لون مانيكير تختاريه ارسمي بيه اي اشكال انتي عايزاها على الزيبلوك باج, ارسمي قلب, فيونكة, هلال, وردة , شفايف, نجوم, او خطوط تلزقيها على الضوافر بطرق مختلفة يعني تقدري تعملي اي شكل انتي عايزة تلزقيه على الضوافر, وممكن تلونيها بلونين مع بعض يعني ابتكري في الاشكال والالوان زي ما انتي عايزة.

2- الخطوة التانية:

سيبي الاشكال اللي انتي عملتيها تنشف حوالي ساعة وممكن تسيبيها طول الليل يعني اعمليها من بالليل وبعدين استخدميها تاني يوم, وخلال الفترة دي.

3- الخطوة التالتة:

اتأكدي ان الاشكال على الزيبلوك نشفت تماما عشان لما تيجي تشيليها متبوظش منك, حطي اللون الاساسي على ضوافرك.

4- الخطوة الرابعة:

 شيلي الاشكال بالراحة من على الكيس بالملقاط.

طريقة عمل ستيكرات تصميم الضوافر 1
طريقة عمل ستيكرات تصميم الضوافر 1

5- الخطوة الخامسة:

ابدأي الزقي الاشكال على ضوافرك واضغطي عليها بالراحة بالملقاط عشان تثبتيها وتظبطيها على الضوافر كويس.

6- الخطوة السادسة:

بعد ما تلزقي الشكل حطي طبقة التوب كوت فوقيها عشان تديها لمعة وتثبتيها على الضوافر.

– ده فيديو بيوضح الخطوات اللي شرحناها خطوة خطوة:

– دي طريقة تانية لتصميم رسمة الـ Leopard:

  • – وممكن نعمل بنفس الطريقة والخطوات اللي فاتت بس نستبدل الـZiplock Bag بالـ Baking Sheet Paper اللي بنستخدمه في المطبخ نحط عليه اللون اللي احنا عايزينه وبعدين نقصه بالمقص باي شكل احنا عايزينه ونشيله من على الورق ونلزقه على الضوافر زي ما هو موضح بالفيديو ده.
  • موضة الاظافر الهولوجرافيك وازاي تعمليها

  • موضة الاظافر الهولوجرافيك
    موضة الاظافر الهولوجرافيك

مقالات متعلقه

موضة تصاميم والوان المانيكير لموسم الربيع

موضة تصاميم والوان المانيكير لموسم الربيع

بمكون واحد من مطبخك هيساعدك على تطويل وتبييض ضوافرك

بمكون واحد من مطبخك هيساعدك على تطويل وتبييض ضوافرك

افضل 8 فيتامينات وعناصر مغذية لاظافر صحية وقوية

افضل 8 فيتامينات وعناصر مغذية لاظافر صحية وقوية