انسب قطع ملابس و ستايلات تداري البطن والارداف

ريهام محمود
ريهام محمود
19597

كتير من البنات بيعانوا من مشكلة البطن والارداف ومش بيعرفوا يلبسوا ايه عشان يداروا المنطقة دي ويطلعوا بلوك حلو, وده اللي هنعرفه النهاردة من خلال موضوعنا هنقول لكل بنات حوا ايه اللبس المناسب ليكي و انسب قطع ملابس و ستايلات تداري البطن والارداف.

انسب ستايلات تداري البطن والارداف:

1- التوب الواسع Loose, Baggy Tops:

الملابس الضيقة زي ما هي بتبرز اجمل المناطق في الجسم لكن كمان من عيوبها انها بتبرز ديفوهات وعيوب الجسم خصوصا للي بيعانوا من زيادة في منطقة البطن والارداف, عشان كده من الستايلات المناسبة جدا اللي بتداري المنطقة دي هو التوب الواسع.

انسب ستايلات تداري البطن والارداف 1
انسب ستايلات تداري البطن والارداف 1

2- التونيك مع الليجينج:

التونيك الطويل الواسع من القطع المناسبة جدا اللي ممكن تداري بيها منطقة البطن والارداف, وممكن تكملي اللوك بليجينج لانه بيلم الجسم وخصوصا منطقة البطن وفي نفس الوقت مريح جدا في اللبس.

انسب ستايلات تداري البطن والارداف 2
انسب ستايلات تداري البطن والارداف 2

3- طبقات الملابس:

لبس طبقات الملابس من الحيل السحرية اللي ممكن تغطي منطقة البطن, ممكن تلبسي توب او تيشيرت او بلوفر وعليه جاكيت او كارديجان او فيست وكل ما كانت الطبقات اطول كل ما هيكون احسن وهيطلعك بلوك احلى ايا كان اللي انتي لبساه لان الطول هيبعد الانتباه عن منطقة البطن.

انسب ستايلات تداري البطن والارداف 3
انسب ستايلات تداري البطن والارداف 3

4- الطول الغير متناسب Asymmetric:

قطع الملابس اللي طولها غير متناسب اللي بتكون باطوال مختلفة يعني طويلة من جنب او جنب لا او طويلة من ورا وقصيرة من قدام او طويلة من الجنبين وقصيرة من ورا ومن قدام تعتبر من الستايلات المناسبة اوي اللي بتساعد في اخفاء منطقة البطن, سواء توب او فستان بيدي ايحاء بحجم اقل للجسم.

انسب ستايلات تداري البطن والارداف 4
انسب ستايلات تداري البطن والارداف 4

5- Drapes/ Frills/ Layers:

ال3 موديلات دول للتوب بيساعدوا جدا في اخفاء منطقة البطن وهيدوكي لوك حلو اوي, وخصوصا لو انتي مش من محبات لبس الطبقات اللي فوق بعض ومش بتفضلي لبس الجاكيتات او الكارديجان هيكون انسب بديل ليكي هو التوب الطبقات.

انسب ستايلات تداري البطن والارداف 5
انسب ستايلات تداري البطن والارداف 5

6- Empire Waist:

موديل الـ Empire waist اللي بيكون نازل على واسع من تحت منطقة الصدر يعتبر من الستايلات المناسبة والمثالية جدا اللي تقدري تداري بيها منطقة البطن والارداف, سواء كان فستان قصير او ماكسي او بلوزة يعني تقدري تلبسي الستايل ده باي شكل انتي تفضليه.

انسب ستايلات تداري البطن والارداف 6
انسب ستايلات تداري البطن والارداف 6

7- بلوزة او توب مع تفاصيل:

البلوزة او التوب مع تفاصيل في الجزء اللي فوق هيبعد الانتباه عن منطقة البطن, ممكن تلبسي ستايل الكشكشة او المطرز والمطبوع عند منطقة الرقبة والكتفين او على الجزء اللي قدام كله لانه هيشتت الانتباه عن ديفوهات الجسم.

انسب ستايلات تداري البطن والارداف 7
انسب ستايلات تداري البطن والارداف 7

8- قطع زاهية وجريئة:

اللوك الجريء سواء في الالوان او التصميم من الحاجات المناسبة جدا اللي بتداري ديفوهات الجسم, سواء الوان لبس زاهية اللي هتخلي الجسم يبان بحجم اقل بكتير او توب بلون غامق اوي هياخد من حجم الجسم ويبينك ارفع بكتير, او لبس مطبوع بالورد او اشكال هندسية هتساعدك انها تداري منطقة البطن.

انسب ستايلات تداري البطن والارداف 8
انسب ستايلات تداري البطن والارداف 8

9- القفطان:

القفطان العصري الانيق من انسب القطع اللي ممكن تداري منطقة البطن ايا كان ستايله او موديلة سواء قفطان توب, او قفطان بطول غير متناسب, او قفطان ماكسي.

انسب ستايلات تداري البطن والارداف 9
انسب ستايلات تداري البطن والارداف 9

10- Smart Mid Rise جينز:

عشان تداري منطقة البطن يبقى اتجنبي انك تلبسي الـ Low waist جينز او الارتفاع المنخفض لانه هيركز الانتباه على منطقة البطن وهيظهره اكتر, والبسي بداله الجينز بارتفاع متوسط اللي يكون مغطي منطقة البطن ويخليها تبان فلات اكتر.

انسب ستايلات تداري البطن والارداف 10
انسب ستايلات تداري البطن والارداف 10

11- A-line Dress:

الستايل ده مناسب جدا لاخفاء منطقة البطن تماما, ممكن تلبسي منه ستايل الفستان الطبقات, او فستان مع دانتيل وكشكشة عشان يغطي منطقة البطن.

انسب ستايلات تداري البطن والارداف 11
انسب ستايلات تداري البطن والارداف 11

12- Peplum Tops:

واحد من الستايلات المميزة جدا اللي بتخفي منطقة البطن هو ستايل البيبلوم, لانه بيدي تحديد لمنطقة الوسط وفي نفس الوقت تصميمه بيبعد الانتباه عن منطقة البطن.

انسب ستايلات تداري البطن والارداف 12
انسب ستايلات تداري البطن والارداف 12

13- البليزر:

البليزر الاسود بشكل خاص هيكون اختيار مثالي جدا لاخفاء منطقة البطن, سواء البليزر الغامق الرسمي للشغل او البليزر  المطبوع لخروجاتك.

انسب ستايلات تداري البطن والارداف 13
انسب ستايلات تداري البطن والارداف 13

14- Crossover Sweater:

السويتر او البلوزة الكروس كمان من القطع المناسبة اللي ممكن تداري بيها منطقة البطن.

انسب ستايلات تداري البطن والارداف 14
انسب ستايلات تداري البطن والارداف 14

15- Balloon Fit Tops:

الستايل اللي بيكون واسع من فوق ونازل على ضيق عند منطقة الجناب او تحت خط الوسط هيبعد او يشتت الانتباه عن منطقة البطن.

انسب ستايلات تداري البطن والارداف 15
انسب ستايلات تداري البطن والارداف 15

– نصايح:

1- اتجنبي لبس الاحزمة او اي اكسسوارات تانية ممكن تظهر منطقة البطن زيادة.

2- اتجنبي تماما انك تدخلي القميص او التوب جوه البنطلون.

3- اتأكدي دايما ان اللبس بتاعك مش ضيق عند منطقة البطن.

4- ممكن تجربي تلبسي كورسية تحت الهدوم عشان تداري الديفوهات وتظبطي شكل الجسم.

6 نصايح عشان تطلعي بلوك رائع في البنطلون السكيني لو جسمك مليان او كيرفي

ازاي تلبسي البنطلون السكيني لو جسمك مليان
ازاي تلبسي البنطلون السكيني لو جسمك مليان

مقالات متعلقه

8 نصايح موضة تعمليهم في الصيف

8 نصايح موضة تعمليهم في الصيف

10 طرق تلبسي بيهم ملابس عصرية وعلى الموضة من غير ما تصرفي فلوس كتير

10 طرق تلبسي بيهم ملابس عصرية وعلى الموضة من غير ما تصرفي فلوس كتير

حاجات مهمة لازم تحطيها في اعتبارك لما تيجي تختاري القبعة الشتوية

حاجات مهمة لازم تحطيها في اعتبارك لما تيجي تختاري القبعة الشتوية