21 حيلة هتسهل حياتك في المطبخ مكنتيش تعرفيهم قبل كده

بقلمريهام محمود فيمنوعات visibility4445

اكيد شغل المطبخ مش سهل ومش بيخلص لكن احنا ممكن نسهله على نفسنا لو عرفنا نتعامل معاه صح ونوفر في وقتنا ومجهودنا, وده اللي هنعرفه النهاردة مع بعض من خلال موضوعنا هنقول لكل بنات حوا حيل هتسهل حياتك في المطبخ من الطبخ للتنضيف لترتيب المطبخ وتوفير المساحات فيه.

حيل هتسهل حياتك في المطبخ:

– حيل الطبخ:

1- ازالة البذور من الخضروات بسرعة:

ازالة البذور من اي نوع خضروات زي الكوسة او القرع او غيرها من الخضروات, بطريقة سهلة جدا باستخدام معلقة الايس كريم او معلقة عادية, الحرف الحاد بتاع المعلقة هيساعدك تطلعي البذور بسهولة.

حيل هتسهل حياتك في المطبخ
حيل هتسهل حياتك في المطبخ

2- ازالة الدهون الزيادة من الاكل المطبوخ:

بتحصل كتير بعد ما تعملي اكلة تلاقي فيها كمية دهون زيادة, عشان تتخلصي منها بسهولة هاتي مكعبات تلج ولفيها في فوطة ومشيها على سطح الاكل من فوق التلج هيبقى زي المغناطيس هيلقط الدهون الزيادة من على وش الاكل.

حيل هتسهل حياتك في المطبخ
حيل هتسهل حياتك في المطبخ

3- استخدمي ورق التغليف زي الطباخين المحترفين:

بلاستيك تغليف الاكل في الغالب مش بنعرف نلف بيه الاكل بطريقة صح وبيتقطع او بيطلع بشكل مش متساوي, عشان كده لو عايزة تستخدميه زي الطباخين المحترفين حطيه في التلاجة شوية قبل الاستخدام لما يكون بارد هيتلف معاكي بشكل افضل ومش هيتقطع منك.

حيل هتسهل حياتك في المطبخ
حيل هتسهل حياتك في المطبخ

4- قشري الفواكه الحمضية بطريقة سهلة:

الفواكة الحمضية زي البرتقان او الليمون او اليوسفي وغيرها في اغلب الوقت لما بنيجي نقشرها ساعات كتير بيطلع جزء كبير من الثمرة في القشر او بتتفعص مننا, وعشان ده ميحصلش معاكي المرة الجاية لما تيجي تقشريها حطيها في الميكروويف لمدة 20 ثانية وبعدين طلعيها وقشريها هتلاقيها بتتقشر معاكي اسهل بكتير.

حيل هتسهل حياتك في المطبخ
حيل هتسهل حياتك في المطبخ

5- قشري البيض المسلوق اسهل:

ساعات كتير بيحصل لما بنيجي نقشر البيض بعد ما نسلقه بيتقشر معانا بصعوبة والقشرة بتبقى لازقة فيه, عشان تحلي المشكلة فيه حطي في المية اللي هتسلقي فيها البيض شوية خل ابيض هتخلي البيض يتقشر معاكي بشكل اسهل.

حيل هتسهل حياتك في المطبخ
حيل هتسهل حياتك في المطبخ

6- استخراج كل العصير من الفواكه الحمضية:

عشان تستخرجي كل العصير لاخر نقطة من اي فاكهة حمضية, حطيها الاول في التلاجة لحد ما تسقع وبعدين طلعيها حطيها في الميكروويف لمدة من 15 – 20 ثانية وبعدين اعصريها.

حيل هتسهل حياتك في المطبخ
حيل هتسهل حياتك في المطبخ

7- ابشري الجبنة بطريقة اسهل:

حطي الجبنة في التلاجة لمدة نص ساعة قبل ما تبشريها, الجبنة هتسقع وتبقى متماسكة اكتر ومش هتلزق منك في المبشرة وانتي بتبشريها وهتتبشر بشكل اسهل.

حيل هتسهل حياتك في المطبخ
حيل هتسهل حياتك في المطبخ

8- ازاي تقطعي البصل من غير دموع:

طبعا دموع البصل كلنا بنعاني منها وعشان نتخلص من المشكلة دي, حطي البصل قبل ما تقطعيه في الفريزر لمدة 30 دقيقة الحيلة دي هتخلصك من مشكلة الدموع, بس استخدمي الحيلة دي لو هتطبخي البصل لكن لو هتعمليه للسلطة الافضل متستخدميش الحيلة دي لان البصل هيفقد قرمشته.

حيل هتسهل حياتك في المطبخ
حيل هتسهل حياتك في المطبخ

9- طريقة ذكية لسلق المكرونة:

لو بتسلقي مكرونة ومش عايزة تفضلي واقفة قدامها مراقباها, حطي معلقة خشب على الحلة من فوق عشان تمنعي ان المية تفور او تطلع من الحلة.

حيل هتسهل حياتك في المطبخ
حيل هتسهل حياتك في المطبخ

10- ازاي تشوي الفراخ صح:

لو هتشوي فرخة في الفرن او اي نوع من انواع الطيور, حطيه في الصينية على الصدر لان الجزء ده هو اللي بيكون فيه اكبر كمية لحمة وتبقى اقرب لمصدر الحرارة وتستوي معاكي اسرع.

حيل هتسهل حياتك في المطبخ
حيل هتسهل حياتك في المطبخ

11- قوالب الكب كيك:

لو معنديش قوالب خاصة بالكب كيك ممكن تستخدمي بدالها ورق الزبدة, وكمان هتخلي الكب كيك يطلع معاكي احلى.

حيل هتسهل حياتك في المطبخ
حيل هتسهل حياتك في المطبخ

12- الطريقة الصح لتسخين المخبوزات:

البيتزا او غيرها من المخبوزات لو اكلتي منها وعندك لسه باقي هتاكليه في وقت تاني, لما تيجي تسخنيه في الميكروويف حطي جنبه كوباية فيها مية البخار اللي هيطلع منها هيخلي المخبوزات تفضل طريه ومتنشفش.

حيل هتسهل حياتك في المطبخ
حيل هتسهل حياتك في المطبخ

13- طريقة الـ Basted Eggs:

الطريقة دي اللي بيكون فيها البيض طري من جوه او نص سوا, للي بيحبوا الطريقة للبيض عشان تعمليه صح, اكسري البيض في الطاسة بالطريقة العادية وبدل ما تحطي زبدة او سمنة ضيفي شوية مية وسيبيها تستوي.

حيل هتسهل حياتك في المطبخ
حيل هتسهل حياتك في المطبخ

– حيل للتخزين:

1- ازاي تحافظي على الاعشاب للطبخ:

عشان تحافظي على الاعشاب اللي بتستخدميها للطبخ بنفس النكهة والريحة جمديها في الفريزر, حطيها في قوالب التلج وضيفي لها مية او زيت زيتون.

حيل هتسهل حياتك في المطبخ
حيل هتسهل حياتك في المطبخ

2- الطريقة الصحيحة لتخزين المكسرات:

عشان تحافظي على العناصر الغذائية في المكسرات زي ما هي وتحافظي على نكتها وريحتها وطعمها خزنيها في برطمانات محكمة الغلق وحطيها في الفريزر من غير ما تحمصيها لان طعمها هيغير لو حمصتيها خزنيها نيه او خام زي ما هي.

حيل هتسهل حياتك في المطبخ
حيل هتسهل حياتك في المطبخ

– حيل للتنضيف:

1- الطريقة الصح لتنضيف الطاسة الحديد:

عشان نمنع الصدا اللي بيحصل للطاسة الحديد مع الوقت, اتجنبي تغسليه بسائل غسل الاطباق العادي, لكن افضل طريقة انك تستخدمي الملح العادي اللي بنستخدمه في الاكل, الطريقة دي هتنضفها وكمان هتخلصك من اي روايح اكل او توابل لازقة فيها.

حيل هتسهل حياتك في المطبخ
حيل هتسهل حياتك في المطبخ

2- التخلص من الروايح الكريهة في الايد:

بعد الطبخ بنلاقي لازق في ايدينا ريحة الثوم والبصل وعشان تتخلصي منها بطريقة بسيطة استخدمي الليمون او الملح افركي ايدك بيهم واشطفيها بالمية هتخلصك من اي ريحة.

حيل هتسهل حياتك في المطبخ
حيل هتسهل حياتك في المطبخ

3- تلميع ادوات المطبخ:

لو عايزة تلمعي ادوات المطبخ الستانلس وترجعيها بتلمع زي الاول كانها جديدة اغسليها بخليط مية وخل وممكن تنقعيها في الخليط من بالليل للصبح عشان تديكي نتيجة احسن.

حيل هتسهل حياتك في المطبخ
حيل هتسهل حياتك في المطبخ

4- تنضيف المعالق الخشب:

مع الوقت المعالق الخشب لونها بيتغير وبيلزق فيها روايح الاكل المختلفة ومش بتروح منها بسهولة بطريقة الغسيل العادية, وعشان تتخلصي من المشكلة دي اغلي المعالق الخشب في مية وطلعيها وسيبيها تنشف في الشمس, الطريقة دي هتخلصك من الروايح وهترجع شكل المعالق كانها جديدة.

حيل هتسهل حياتك في المطبخ
حيل هتسهل حياتك في المطبخ

5- الطريقة الصح لتنضيف لوح التقطيع الخشب:

عشان تتخلصي من الروايح من على لوح التقطيع الخشب وتنضفيه افركيه بملح خشن وسيبيه عليه من 10 – 15 دقيقة وبعدين امسحيه بنص ليمونة, الطريقة دي هتنضفه وتخلصك من اي روايح.

حيل هتسهل حياتك في المطبخ
حيل هتسهل حياتك في المطبخ

6- حافظي على كتاب وصفاتك:

لو بتعملي وصفة من كتاب عشان تحافظي عليه نضيف من انه يجي عليه مية او اكل او اي حاجة وانتي حطاه قدامك على الرخامة, استخدمي شماعة بنطلون اللي بيكون ليها علاقتين حطيها على الدولاب قدامك وعلقي فيها الكتاب مفتوح على الصفحة اللي فيه الوصفة اللي انتي عايزاها, بالطريقة دي هتحافظي عليه نضيف وسليم.

حيل هتسهل حياتك في المطبخ
حيل هتسهل حياتك في المطبخ

15 حيلة رائعة هتسهل عليكي شغل المطبخ

حيل هتسهل عليكي شغل المطبخ
حيل هتسهل عليكي شغل المطبخ