4 طرق تقدرى تعملى بيهم اللبن بمكونات نباتية تماما في البيت !
بتحبى تشربي اللبن و مابتقدريش تستغنى عنه فى نظامك الغذائى كل يوم، لكن فى نفس الوقت قلقانه من الكالوريز و الـ fat اللى بتبقى فى اللبن وخايفة تأثر على وزنك وصحتك ؟! او لو كنتى نباتية او ماشية على plant based diet وعايزة تحافظى عليها .. خلاص ما تشيليش هم لانه بنات حوا فى المقال ده هتخليكى تقدرى تعملى اللبن بمكونات نباتية وبنفسك فى البيت من المكسرات! اعرفى معانا 4 طرق تقدرى تعملى بيهم اللبن بمكونات نباتية تماما في البيت !
4 طرق تقدرى تعملى بيهم اللبن بمكونات نباتية تماما في البيت !
1- لبن اللوز :
“الكمية تكفى 4 اشخاص”
المقادير:
كوباية من اللوز النى ” مش متحمص”.
معلقة شاى من خلاصة الفانيليا.
3 معالق اكل من العسل الابيض.
ذرة ملح.
6 كوبايات مية.
طريقة التحضير :
1- فى بولة حجمها متوسط، انقعى كوباية اللوز فى كوبايتين من المياة وسيبيهم طول الليل.
2- الصبح، صفى اللوز من المية و حطى اللوز فى المطحنة او الخلاط.
3- ضيفى على اللوز معلقة الفانيليا و 3 معالق العسل و الملح و 4 كوبايات مية واضربيهم كويس اوى فى المطحنة او الخلاط.
4- استمرى فى الضرب لمدة 90 ثانية.
5- باستخدام قطعة شاش صفى خليط اللوز والعسل والمية فى ازازة.
6- حطيه فى التلاجة لمدة ساعة او ساعتين ” اختيارى” او اشربيه عى طول .
2- لبن الفسدق :
“الكمية تكفى 4 اشخاص”
المقادير:
كوباية من الفسدق النى ” مش متحمص”.
معلقة شاى من خلاصة الفانيليا.
3 معالق اكل من العسل الابيض.
ذرة ملح.
4 كوبايات مية.
طريقة التحضير :
1- حطى كوباية الفسدق فى المطحنة او الخلاط.
2- ضيفى على اللوز معلقة الفانيليا و 3 معالق العسل و الملح و 4 كوبايات مية واضربيهم كويس اوى فى المطحنة او الخلاط.
4- استمرى فى الضرب لمدة 90 ثانية.
5- باستخدام قطعة شاش صفى خليط الفسدق والعسل والمية فى ازازة.
6- حطيه فى التلاجة لمدة ساعة او ساعتين ” اختيارى” او اشربيه عى طول .
3- لبن البندق والشوكولاتة:
“الكمية تكفى 4 اشخاص”
المقادير:
كوباية من البندق النى.
معلقة اكل من خلاصة الفانيليا.
معلقتين اكل من العسل الابيض.
ذرة ملح.
6 كوبايات مية.
معلقتين اكل من الكاكاو الغير محلى ” كاكاو خام من غير سكر”.
طريقة التحضير :
1- فى بولة حجمها متوسط انقعى كوباية البندق فى كوبايتين من المية وسيبيهم طول الليل.
2- الصبح، صفى البندق من المية و حطيه فى المطحنة او الخلاط.
3- ضيفى على البندق معلقة الفانيليا و معلقتين العسل و الملح و معلقتين الكاكاو الخام و 4 كوبايات مية واضربيهم كويس اوى فى المطحنة او الخلاط.
4- استمرى فى الضرب لمدة 90 ثانية.
5- باستخدام قطعة شاش صفى خليط البندق والعسل والكاكاو فى ازازة.
6- حطيه فى التلاجة لمدة ساعة او ساعتين ” اختيارى” او اشربيه عى طول .
4- لبن عين الجمل والشوكولاتة:
“الكمية تكفى 4 اشخاص”
المقادير:
كوباية من عين الجمل.
معلقة اكل من خلاصة الفانيليا.
معلقة اكل من العسل الابيض.
ذرة ملح.
6 كوبايات مية.
معلقة اكل من الكاكاو الغير محلى ” كاكاو خام من غير سكر”.
طريقة التحضير :
1- فى بولة حجمها متوسط انقعى عين الجمل فى كوبايتين من المية وسيبيهم طول الليل.
2- الصبح، صفى عين الجمل من المية و حطيه فى المطحنة او الخلاط.
3- ضيفى على عين الجمل معلقة الفانيليا و معلقة العسل و الملح و معلقة الكاكاو الخام و 4 كوبايات مية واضربيهم كويس اوى فى المطحنة او الخلاط.
4- استمرى فى الضرب لمدة 90 ثانية.
5- باستخدام قطعة شاش صفى خليط عين الجمل والعسل والكاكاو فى ازازة.
6- حطيه فى التلاجة لمدة ساعة او ساعتين ” اختيارى” او اشربيه عى طول .
يلا جربيهم وقوليلنا ايه رأيك فى الوصفات ، وبالهنا والشفا :) ، اعرفى معانا كمان رجيم التمر واللبن لمدة اسبوع
