اعرفي مكياجك بيقولك ايه عن شخصيتك !

ريهام محمود
ريهام محمود
4104

كل واحدة من البنات بتفضل ستايل ولوك مكياج معين اكتر من غيره, وطريقة المكياج اللي بتختاريها ممكن تقولك نوعية شخصيتك ايه وده اللي هنعرفه النهاردة مع بعض هنقول لكل بنات حوا مكياجك بيقولك ايه عن شخصيتك !

مكياجك بيقولك ايه عن شخصيتك:

1- Bold ايلاينر وشفايف بينك:

لو انتي من البنات اللي بتحبي ستايل الايلاينر الـ Bold التقيل مع روج بينك, ده معناه ان انتي شخصية منظمة, مكتفية بنفسك, بتهتمي بالتفاصيل اوي وبتفتكري التواريخ جدا يعني ممكن تفتكري تواريخ كل اعياد ميلاد اصحابك او المناسبات المهمة في حياة الناس اللي بتحبيهم, وعندك شخصية صريحة وحادة زي رسمة الايلاينر بتاعتك بالظبط.

مكياجك بيقولك ايه عن شخصيتك 1
مكياجك بيقولك ايه عن شخصيتك 1

2- البلاشر والشفايف المشرقة والحواجب التقيلة:

لو بتحبي تحطي بلاشر وروج تقيل او بالوان زاهية اوي, ده معناه ان انتي صاحبة شخصية قوية وفي نفس الوقت انثوية جدا, مش من النوع الخجول او اللي بتتجنب مواقف الحياة لكن بتاخدي مواقف قوية دايما في اي حاجة في حياتك, عندك ثقة بالنفس عالية جدا, مبدعة, وممكن تعملي اي حاجة عشان تلفتي النظر لوشك وتخليه مركز اهتمام اللي حواليكي عشان كده دايما بتعتمدي على الالوان الزاهية المشرقة للخدود والشفايف والحواجب التقيلة.

مكياجك بيقولك ايه عن شخصيتك 2
مكياجك بيقولك ايه عن شخصيتك 2

3- شفايف Vamp والرموش السودا:

الروج الغامق مع الرموش السودا لو انتي بتفضلي اللوك ده شخصيتك هتبقى محيرة شوية بالنسبة للي حواليكي ومش هيقدروا يحددوا بالظبط لكن اللوك بيوحي غالبا انك شخصية درامية شوية في تعاملك مع مواقف الحياة, عشان كده هتلاقي دايرة اصدقاء محددة حواليكي اللي هما يعرفوكي كويس وبيحبوكي زي ما انتي بشخصيتك المحيرة او الغريبة شوية, وهتلاقي اشخاص تانيين بيتخوفوا يقربوا منك اوي ودايما بيخلوا مسافة بينهم وبينك

شخصيتك محددة عارفة كويس بتحبي ايه وبتكرهي ايه وعارفة هي عايزة ايه, وبتجربي اي حاجة مرة واحدة بس لو فشلتي فيها مش بتكرري تجربتها تاني.

مكياجك بيقولك ايه عن شخصيتك 3
مكياجك بيقولك ايه عن شخصيتك 3

4- المكياج الطبيعي او النو ميكب:

البنات اللي بيفضلوا المكياج الطبيعي او ستايل النو ميكب بتبقى شخصياتهم هادية جدا وبيحافظوا على هدوئهم مهما كان الموقف اللي بيمروا بيه, واحيانا اللي حواليكي بيفسروا الهدوء ده انه سلبيه منك لكن الحقيقة انك بتتعاملي مع اي موقف بهدوء وبتسمعي وبتشوفي الاراء اللي حواليكي قبل ما تدي رايك في اي حاجة, وغالبا بتكوني انتي صوت العقل بين اصحابك.

عارفة نفسك كويس ومحددة عيوبك ومميزاتك, عملية جدا عشان كده بتفضلي لوك المكياج الطبيعي اللي مش بياخد وقت لانك مش مستعدة تقفي قدام المرايا كتير شنطة مكياجك غالبا بيكون فيها بس مش اكتر من بي بي الروج والبلاشر وملمع الشفايف والماسكارا وباقي المكياج بالنسبة له حاجات مش اساسية او مالهاش لازمة.

مكياجك بيقولك ايه عن شخصيتك 4
مكياجك بيقولك ايه عن شخصيتك 4

5- الكونتور والعيون الدرامتيكية:

لو بتفضلي تحديد الوش بالكونتور والعيون الدرامتيكية تبقى في الحالة دي انتي ملكة الدراما في الحياة وممكن تكوني بتدي المواقف اكبر من حجمها, عاطفية جدا وبتعبري عن كل حاجة بطريقة درامية يعني ممكن تعيطي مع اي مشهد في فيلم, لو فيلم كوميدي ممكن تضحكي باعلى صوت, بتقدري تعبري عن نفسك كويس, الناس اللي حواليكي بيبقوا عارفين يتعاملوا معاكي ازاي وايه حدودهم معاكي وفاهمين شخصيتك ومشاعرك وبيحبوكي زي ما انتي, احيانا مشاعرك ممكن تكون مشتتة شوية لكن في النهاية مشاعرك بتكون صادقة اوي وحقيقية.

مكياجك بيقولك ايه عن شخصيتك 5
مكياجك بيقولك ايه عن شخصيتك 5

مقالات متعلقه

حكاية وتاريخ فانوس رمضان

حكاية وتاريخ فانوس رمضان

برامج ومسلسلات راديو نجوم اف ام في رمضان 2024

برامج ومسلسلات راديو نجوم اف ام في رمضان 2024

برامج ومسلسلات الراديو 9090 في رمضان 2024

برامج ومسلسلات الراديو 9090 في رمضان 2024