مكونات طبيعية تضيفيها للشامبو هتخلي شعرك صحي

ريهام محمود
ريهام محمود
في
شعر
30494

الشامبو الطبيعي او غسيل الشعر بالمواد الطبيعية بيساعد على الحفاظ على صحة الشعر وبيمنع المشاكل اللي ممكن يتعرض لها الشعر من تلف وتقصف وغيرها من المشاكل وفي بنات كتير اتجهت انها تغسل شعرها بمواد طبيعية وتستغنى عن الشامبو خالص, لكن بالنسبة للبنات اللي مش عايزة تستغنى عن الشامبو وفي نفس الوقت عايزين يحافظوا على صحة شعرهم هيلاقوا الحل في موضوعنا النهاردة, هنقولكم على مكونات طبيعية تضيفيها للشامبو العادي بتاعك هتحسن صحة شعرك وتغذيه وتمنع تساقطه وتساعد على نموه.

مكونات طبيعية تضيفيها للشامبو لشعر صحي:

1- عصير الليمون:

عصير الليمون بيحتوي على خصائص تقشير طبيعية ومضاد للميكروبات ومكافحة الفطريات, ويعتبر من الطرق الفعالة جدا في علاج قشرة الشعر, لان حمض الليمون الطبيعي بيساعد على تنضيف فروة الراس وازالة تراكم منتجات العناية بالشعر.

عصير الليمون مفيد جدا لفروة الراس الدهنية اللي بتفرز زيوت كتير لانه هيمتص الزيوت الزيادة من فروة الراس وفي نفس الوقت من غير ما يأثر على الغدد الدهنية بعكس العلاجات الكيميائية للشعر, وقشرة الشعر وفروة الراس الدهنية من اكتر الاسباب اللي ممكن تضعف الشعر وتسبب تكسره عشان كده استخدام الليمون بانتظام هيخلي الشعر ينمو بطريقة صحية ويمنع مشاكل الشعر بشكل عام.

طريقة استخدامه مع الشامبو: ضيفي ½ معلقة صغيرة عصير ليمون لـ 2 معلقة كبيرة شامبو عادي بس يكون شامبو خفيف “ممكن نستخدم شامبو هيمالايا, دوف, غارنييه فروكتيس, جونسون بيبي شامبو, نيفيا بيبي شامبو”

وانواع الشامبو الخفيفة او الطبيعية مكتوب عليها “Mild Shampoo”, وهنلاقي تقريبا معظم انواع البيبي شامبو هي اللي مكتوب عليها Mild لانها بتبقى تركيبتها خفيفة معمولة مخصوص لشعر الاطفال.

مكونات طبيعية تضيفيها للشامبو لشعر صحي 1
مكونات طبيعية تضيفيها للشامبو لشعر صحي 1

2- عسل النحل:

عسل النحل الخام يعتبر مضاد طبيعي للجراثيم ومضاد للفطريات, عشان كده غسل الشعر بالعسل هتساعد في تنضيف الشعر وفروة الراس من البكتيريا, كمان العسل يعتبر من مضادات الاكسدة الطبيعية وده هيحافظ على فروة الراس صحية ويقتل البكتيريا, بيعيد الرطوبة للشعر, بيقلل من قشرة الشعر, والعسل يعتبر مرطب طبيعي وبيحسن صحة بصيلات الشعر المسئولة عن نمو الشعر, والخبراء اكدوا ان الاستخدام الصحيح للعسل في علاج الشعر ممكن يحي بصيلات الشعر التالفة واللي بدورها بتعزز نمو الشعر.

طريقة استخدامه مع الشامبو: اضافة ½ معلقة من عسل النحل لـ 2 معلقة كبيرة شامبو.

ملحوظة: الاستخدام المنتظم للعسل ممكن يفتح لون الشعر مع الوقت.

مكونات طبيعية تضيفيها للشامبو لشعر صحي 2
مكونات طبيعية تضيفيها للشامبو لشعر صحي 2

3- جل صبار الالوفيرا:

جل صبار الالوفيرا معروف بقدرته الفعالة جدا على المساعدة في نمو الشعر وعلاج القشرة والحفاظ على فروة الراس رطبة ومتوازنة, الالوفيرا واحدة من النباتات اللي ممكن تستخدميها بشكل آمن جدا على الشعر من غير خوف من اي اثار جانبية.

طريقة استخدامه مع الشامبو: اضافة 1 معلقة صغيرة من جل الالوفيرا لـ 2 معلقة كبيرة شامبو.

مكونات طبيعية تضيفيها للشامبو لشعر صحي 3
مكونات طبيعية تضيفيها للشامبو لشعر صحي 3

4- الزيوت الاساسية:

الزيوت الاساسية زي زيت الروز ماري او زيت اللافندر من الزيوت المفيدة جدا لصحة الشعر لانها بتساعد على علاج قشرة الشعر وجفاف فروة الراس, وبتحفز بصيلات الشعر وبالتالي الشعر بينمو اطول واقوى.

طريقة استخدامه مع الشامبو: اضافة من 3 – 4 نقط من زيت الروز ماري او زيت اللافندر لـ 2 معلقة كبيرة شامبو.

مكونات طبيعية تضيفيها للشامبو لشعر صحي 4
مكونات طبيعية تضيفيها للشامبو لشعر صحي 4

5- مية الورد:

مية الورد بتساعد في الحفاظ على استقرار الرقم الهيدروجيني وتوزان الشعر, وبتساعد على اصلاح تلف الشعر, ومية الورد تعتبر مضادة للالتهابات وفيها خصائص طبيعية مطهرة, وبتعزز نمو الشعر.

طريقة استخدامها مع الشامبو: اضافة 1 معلقة صغيرة من مية الورد لـ 2 معلقة كبيرة شامبو, او ممكن تستخدميه بطريقة تانية انك تعملي بيه شامبو مخفف ضيفي 5 معالق كبيرة مية ورد لـ ½ – 2  معلقة كبيرة شامبو واستخدمي الشامبو السايل ده لغسل الشعر بالطريقة العادية.

مكونات طبيعية تضيفيها للشامبو لشعر صحي 5
مكونات طبيعية تضيفيها للشامبو لشعر صحي 5

6- زيت املا:

زيت املا بيساعد على ازالة قشور فروة الراس, كمان بيساعد على فتح المسام وده بيدي فروة الراس فرصة انها تنتج الزيوت الطبيعية وده بدوره بيساعد على نمو الشعر.

طريقة استخدامه مع الشامبو: اضافة ½ معلقة صغيرة لـ 2 معلقة كبيرة شامبو.

مكونات طبيعية تضيفيها للشامبو لشعر صحي 6
مكونات طبيعية تضيفيها للشامبو لشعر صحي 6

10 طرق تعملي بيهم ديتوكس لشعرك عشان تخليه صحي

طرق ديتوكس للشعر
طرق ديتوكس للشعر

مقالات متعلقه

خطوتين بس هيساعدوا على زيادة نمو شعرك بسرعة وتكثيفه

خطوتين بس هيساعدوا على زيادة نمو شعرك بسرعة وتكثيفه

4 فيتامينات ومعادن محتاجاهم للحصول على شعر قوي وصحي

4 فيتامينات ومعادن محتاجاهم للحصول على شعر قوي وصحي

افضل زيوت للشعر الخفيف هتساعدك على تكثيفه

افضل زيوت للشعر الخفيف هتساعدك على تكثيفه