10 نصايح فعالة هتساعدك على خسارة الوزن بعد الحمل

ريهام محمود
ريهام محمود
1642

بعد الحمل طبيعي جدا بتحصل زيادة في الوزن وكتير من الامهات بيلاقو صعوبة في انقاص وزنهم وغالبا بياخد وقت كبير مش اقل من سنة تقريبا عشان ترجعي لوزنك اللي قبل الحمل, وخصوصا كمان انه بيكون عندك مسئوليات البيبي ومش بيكون عندك وقت كفاية لنفسك, لكن النهاردة احنا جايبين لكل الامهات نصايح فعالة هتساعدك على خسارة الوزن بعد الحمل بالتركيز بس على نظام حياة صحي هيساعدك تخسي وتتخلصي من الوزن الزيادة.

خسارة الوزن بعد الحمل:

1- الرضاعة الطبيعية:

الرضاعة الطبيعية من اكتر الحاجات اللي ممكن تساعدك في خسارة الوزن الطبيعي, عشان كده لازم تعتمدي على تغذية البيبي بالرضاعة الطبيعية لانها كمان مفيدة لصحته.

اثناء فترة الحمل بتحصل زيادة في دهون الجسم وبعض الامهات احيانا بيعانوا من زيادة في نسبة الانسولين وكمان زيادة في نسبة الدهون والدهون الثلاثية, والرضاعة بتلعب دور رئيسي في عكس تأثير كل التغيرات دي وده بيعيد عملية التمثيل الغذائي بعد الحمل وده معناه ان الرضاعة الطبيعية بتساعد على حرق السعرات الحرارية الزيادة وده بدوره بيقلل من الدهون المتخزنة في الجسم وبالتالي هيساعدك على التخلص من الوزن الزيادة بشكل اسرع تقريبا هتقدري تخسريه خلال 6 شهور بعد الولادة.

خسارة الوزن بعد الحمل 1
خسارة الوزن بعد الحمل 1

2- مارسي رياضة المشي:

التمارين الرياضية القوية او الصعبة مش بننصح بيها للامهات بعد الولادة على طول, عشان كده لو عايزة تمارسي رياضة بشكل يومي افضل اختيار هيكون هو المشي, المشي مش بس هيساعدك على خسارة الوزن بعد الحمل كمان هيحسن صحة القلب والاوعية الدموية, ويعزز الطاقة, ويحسن المزاج, هيساعد على تخفيف التوتر.

حاولي تمارسي المشي يوميا ممكن تشوفي حد تتمشي معاه عشان يشجعك, وممكن تاخدي البيبي معاكي تتمشي بيه في اي مكان مفتوح, وممكن تمارسي مع المشي تمارين خفيفة في البيت.

خسارة الوزن بعد الحمل 2
خسارة الوزن بعد الحمل 2

3- ممارسة الرياضة لمدة 30 دقيقة يوميا:

بعد الولادة من 2 – 3 شهور تقدري تمارسي بعض التمارين الرياضية الصعبة لان التمارين تعتبر من اكتر الطرق الفعالة اللي هتساعدك على خسارة الوزن الزيادة وممكن مع التمارين تمشي على نظام غذائي صحي.

ومن انسب الرياضات اللي ممكن تمارسيها بعد الولادة هي الجري, السباحة, الايروبكس, ركوب العجل, المشي مسافات طويلة.

ممكن تعملي كمان تمارين خفيفة عشان تقوي عضلات جسمك وتسرعي عملية التمثيل الغذائي, وممكن تمارسي اليوجا لتحسين  شكل العضلات.

خسارة الوزن بعد الحمل 3
خسارة الوزن بعد الحمل 3

4- حافظي على رطوبة الجسم:

عشان تخسسي وزنك في قاعدة اساسية لازم تمشي عليها وهي انك تحافظي على رطوبة جسمك بانك تشربي كمية مية كفاية يوميا.

المية بتحفز توليد حرارة الجسم اللي بيساعد على زيادة التمثيل الغذائي وبالتالي ده بدوره هيساعد على حرق السعرات الحرارية.

والدراسات اثبتت ان شرب كوبايتين مية قبل كل وجبة هيساعد جدا على انقاص الوزن, اتاكدي انك تشربي من 8 – 10 كوبايات مية على مدار اليوم.

خسارة الوزن بعد الحمل 4
خسارة الوزن بعد الحمل 4

5- السيطرة على التوتر:

اكيد الامومة مهمة صعبة ورعاية البيبي والاهتمام بيه مش سهلة وده اكيد ممكن يسبب زيادة الضغط والتوتر عند كتير من الامهات.

لكن لو عايزة تخسسري وزنك يبقى لازم تسيطري على القلق والتوتر لانه ممكن يأثر بشكل سلبي على فقدان الوزن الزيادة لان الاجهاد بيأدي لزيادة كمية الكورتيزول في الدم وده هرمون هيخليكي تفقدي الوزن بصعوبة ومش بس كد دهه كمان ممكن يخليكي تكسبي وزن زيادة, وكمان الاجهاد ممكن يخليكي تتجهي انك تاكلي اكلات مش صحية زي انواع الاكل الحلوة والمالحة والمقرمشة والاكلات دي كلها هتسبب في زيادة الوزن.

عشان تتخلصي من التوتر والقلق حاولي تتطلبي من الزوج انه يتولى مسئولية الطفل معاكي عشان يبقى ليكي وقت لنفسك تقدري ترتاحي وتسترخي فيه.

خسارة الوزن بعد الحمل 5
خسارة الوزن بعد الحمل 5

6- كلي اكل صحي:

اكيد الرضاعة الطبيعية هتكون محتاجة انك تمشي على نظام غذائي غني بالمغذيات عشان تساعدك على انتاج اللبن للبيبي, وتساعدك انتي انك تحافظي على صحتك.

حاولي تاكلي الاكلات الصحية وابعدي عن الاكلات السريعة اللي فيها سعرات حرارية عالية لانها هتسبب زيادة في الوزن ومش هتديكي التغذية اللي محتاجها جسمك, اختاري الاكلات الغنية بالالياف لانها هتحافظ على صحتك وفي نفس الوقت هتديكي احساس بالشبع لفترة طويلة, كلي الاكلات الغنية بالاحماض الدهنية الاميجا 3 , والكالسيوم, والبروتين, الحبوب الكاملة, الاسماك, منتجات الالبان, الفواكه والخضروات الطازة.

كلي وجبات صغيرة خلال اليوم بدل وجبة واحدة كبيرة عشان تحافظي على مستويات السكر في الدم ثابتة وبالتالي ده هيساعدك انك متاكليش كميات اكل كبيرة, وبالطريقة دي تقدري تاكلي الاكلات الغنية بالسعرات حرارية اللازمة لانتاج اللبن متوزعة على مدار اليوم وده هيسرع عملية التمثيل الغذائي وهيقلل من تخزين الجسم للدهون.

خسارة الوزن بعد الحمل 6
خسارة الوزن بعد الحمل 6

7- كلي شوفان في وجبة الفطار:

لخسارة الوزن اتجنبي انك تهملي وجبة الفطار لانها ممكن تأثر على انتاج اللبن وده بالتالي هيأثر على نمو الطفل, لكن المهم انك تختاري وجبة فطار صحية زي الشوفان.

الشوفان غني بالالياف وبالتالي ده هيديكي شعور بالشبع لفترة طويلة, وهيمنع ارتفاع نسبة السكر في الدم, وبيحتوي على الياف قابلة للذوبان اللي بتساعد في التخلص من دهون البطن.

والشوفان من الاكلات المفيدة جدا اللي بتساعد على زيادة كمية زنوعية اللبن, كمان بيساعد على منع فقر الدم اللي ممكن يحصل بسبب نقص الحديد اللي ممكن تعاني منه كتير من الامهات بعد الولادة.

افطري بطبق شوفان كل يوم هيبقى انسب وجبة ليكي بعد الولادة, ولكن اتجنبي انك تضيفي له سكر او دهون عشان متزوديش سعراته الحرارية وتيجي معاكي بنتيجة عكسية وتزودي الوزن بدل ما تقلليه, ممكن تضيفي له بس معلقة عسل نحل مع كمية بسيطة من المكسرات المفرومة او الفاكهة.

ملحوظة: عشان تخسيس الوزن اختاري نوع الشوفان Quick oats او steel-cut oats واتجنبي prepackaged instant oatmeal وهتلاقي النوع مكتوب على العلبة لما تيجي تشتريه.

خسارة الوزن بعد الحمل 7
خسارة الوزن بعد الحمل 7

8- نامي كويس:

اكيد انك تنامي عدد ساعات نوم كافية بتعتبر من المستحيلات للامهات, لكن النوم مهم جدا عشان تخسري الوزن لان قلة النوم بيأثر بشكل سلبي على عملية التمثيل الغذائي وبالتالي ده بيبطا عملية فقدان الوزن.

كمان لما مش هتنامي كفاية مش هيكون عندك طاقة انك تمارسي تمارين رياضية اللي هي تعتبر المفتاح للسيطرة على التوتر والقلق وفقدان الوزن, وقلة النوم هتسبب لك الاجهاد وده زي ما قولنا هنيزود انتاج الكورتيزول اللي بدوره هيسبب زيادة في الوزن.

والحرمان من النوم ممكن يأدي لحدوث تقلبات في هرمونات الجوع وهيخليكي تحسي بالجوع وتاكلي كتير.

ممكن مع شوية تخطيط وتنظيم بسيط ليومك تقدري انك تنامي مثلا:

– نامي وقت ما ينام البيبي, يعني استغلي وقت نومه انك انتي كمان تنامي وتريحي نفسك.

– نيميه في السرير بتاعه متخليهوش ينام معاكي على نفس السرير عشان تقدروا انتوا الاتنين تناموا براحتكم.

– قسمي الواجبات الليلية مع الزوج, اتفقوا مع بعض انكم بالليل تهتموا بيه سوا, يعني مثلا لو صحي بالليل كل اتفقوا ان كل واحد يقوم مره عشان ينيمه تاني.

– حاولي انك تشوفي حد يساعدك في شغل البيت عشان تلاقي وقت انك ترتاحي وتنامي.

– اقبلي المساعدة من اصحابك او اهلك في شغل البيت ورعاية الطفل.

خسارة الوزن بعد الحمل 8
خسارة الوزن بعد الحمل 8

9- راقبي وجباتك الخفيفة:

اكيد الرضاعة الطبيعية هتخليكي تجوعي بسرعة وتبقي دايما محتاجة تاكلي, لكن خلي بالك لما تيجي تختاري السناكس او الوجبات الخفيفة اتجنبي الوجبات الغير الصحية لانها هتصعب عملية انقاص الوزن ومش بس كده كمان هتزود وزنك.

بدل ما تتجهي مثلا للشيبسي او الايس كريم او الحلويات حاولي تاكلي اكلات صحية زي الفواكه الطازة, خضروات مقطعة زي الجزر, الفشار, الزبادي, الجبنة قليلة الدسم.

ودايما خلي في التلاجة عندك اكل صحي متوفر عشان متتجهيش للاكلات الغير صحية او السريعة.

خسارة الوزن بعد الحمل 9
خسارة الوزن بعد الحمل 9

10- البسي كورسيه البطن:

ممكن تجربي تلبسي كورسيه البطن بيساعد على التخلص من الوزن الزيادة في منطقة البطن وهيساعدك انها ترجع لشكلها الطبيعي قبل الحمل بشكل اسرع, كمان مفيد لعلاج آلام الضهر اللي ممكن تعاني منه بعد الولادة لانها بتزود من دعم البطن.

لكن لبس الكورسيه لوحده مش كفاية لو مش بتمارسي رياضة او مش ماشية على نظام غذائي صحي لان كلهم بيكملوا بعض.

خسارة الوزن بعد الحمل 10
خسارة الوزن بعد الحمل 10

تكنيك الدقيقتين هيساعدك توصلي للبطن المثالية اللي انتي عايزاها ويخلصك من الدهون

التخلص من دهون البطن
التخلص من دهون البطن

مقالات متعلقه

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

7 اطعمة ابعدي عنهم تماما لو بتحاولي تخسري وزن

7 اطعمة ابعدي عنهم تماما لو بتحاولي تخسري وزن

وصفات لسد الشهية وتخسيس الوزن

وصفات لسد الشهية وتخسيس الوزن