طريقة عمل ايس كريم COOKIE CUPS

بقلمآية حسان فيحلويات visibility2616

COOKIE CUPS بتعبر من اسهل واخف انواع الحلويات اللى ممكن تعمليها وكمان سريعة جدا و مابتحتاجش اى وقت، بنات حوا فى المقال ده هتعرفك ايه هى وصفة و طريقة عمل ايس كريم  COOKIE CUPS بكل الخطوات علشان تعرفى صنف حلو جديد خفيف ومنعش وهيبقى مناسب لايام الصيف الحر وكمان  ممكن للحلو بعد الفطار فى رمضان :) 

طريقة عمل ايس كريم  COOKIE CUPS

مقادير الـ COOKIE CUPS : 

نص كوباية زبدة سايحة.

نص كوباية سكر بنى.

نص كوباية سكر ابيض.

بيضة.

معلقة شاى فانيليا.

كوباية ونص دقيق.

رشة ملح.

نص معلقة شاى بيكنج صودا ” او بيكنج بودر” .

مقادير صوص الشيكولاتة وطبقة الايس كريم : 

نص كوباية شرائح شوكولاتة او ” chocolate chips” .

3 معالق من زيت جوز الهند.

3 كوبايات آيس كريم فانيليا.

ربع كوباية من السودانى المكسر او اى مكسرات تانية تحبيها.

خطوات عمل الـ COOKIE CUPS : 

1- شغلى الفرن وسيبيه يسخن على درجة 350.

2- فى بولة العجانة او المضرب الكهرباء، امزجى السكر الابيض، السكر البنى، الزبدة و البيضة و الفانيليا واخلطيهم مع بعض على السرعة المتوسطة لحد ما يكونوا خلط ناعم وكريمى.

3- فى بولة تانية منفصلة امزجى كل المكونات الجافة: الدقيق والملح و البيكنج صودا.

4- واحدة واحدة ضيفى المكونات الجافة على المكونات اللى فى خطوة 2 بالتدريج على اقل سرعة لحد ما يمتزجوا تماما.

4- ابدأى قسمى الخليط كله فى قالب المافن او الكب كيك بعد ما تكونى دهنتيه بالزبدة او الزيت باستخدام معلقة الايس كريم ” ice cream scoop” . 

” الكمية دى تكفى قالب الـ 12 ” 

5- علشان تعملى فتحة او تجويف علشان تحطى فيه الايس كريم بعد كده، استخدمى علبة توابل صغيرة او برطمان واضغطى بيه على البسكوت علشان تعملى لتجويف ده قبل ما تدخليه الفرن.

خطوات عمل صوص الشوكولاتة : 

فى البولة الخاصة بالميكروويف امزجى زيت جوز الهند و شرايح الشوكولاتة فى الميكروويف لمدة 20 ثانية و قلبى لحد ما الشوكولاتة تسيح كويس.

التقديم : 

بعد ماتطلعى البسكويت من الفرن وتسيبيه يبرد ،حطى  عليه الايس كريم و فوقه طبقة من صوص الشوكولاتة وعليها رشة من المكسرات المفضلة عندك ودخليه فى الفريزر لحد الوقت اللى هتقدميه فيه، بس طلعيه قبل وقت التقديم بـ 10 دقايق مثلا علشان يبقى سهل فى الاكل ومش متجمد، وبالهنا والشفا :)

شوفى معانا كمان طريقة عمل تشيز كيك براونى ..