4 حاجات لازم تبطلى تعمليهم فى سن الـ 35

آية حسان
آية حسان
69502

جسمنا وطبيعة بشرتنا وصحتنا بتتغير طول الوقت كل ما بنكبر، ومع التغيرات دى فى حاجات بنعملها لازم تتغير او نبطل نعملها خالص، خصوصا لما بنوصل لسن مهم فى حياة اى ست وهو سن ال 35 ، لانه فى السن ده بالتحديد بتبدأ تغيرات مهمة تحصل فى جسم الست و معاها لازم نبدأ ناخد بالنا من نفسنا اكتر ونغير طريقة اهتمامنا بنفسنا، فى المقال ده اعرفى معانا اهم 4 حاجات لازم تبطلى تعمليهم فى سن الـ 35 ..

4 حاجات لازم تبطلى تعمليهم فى سن الـ 35 : 

1- ماتعامليش بشرتك بنفس الطريقة : 

بمعنى انه فى العشرينات معظمنا بيستخدم غسول البشرة وكريمات تنضيف الوجه اللى بتحتوى على الكحول و الـ salicylic acid وبشرتك فى العشرينات تقدر تستحمل المنتجات دى ” مع انه استخدامها بغير حرص مش حاجة صح” وكمان بنهمل حبوب الشباب  او حتى علاجها فى الوقت ده بيبقى له طبيعة خاصة بتتيغر فى مرحلة التلاتينات. و ممكن نكون مابنهتمش ببشرتنا اوى ، لكن اول ما تدخلى فى مرحلة التلاتينات ماينفعش تعاملى بشرتك بنفس الطريقة او تستخدميلها نفس المنتجات اللى كنتى متعودة عليها .

ليه الطريقة دى مش صح؟ 

لانه مثلا  طبيعة حبوب الشباب اللى بتظهر على البشرة فى العشرينات مش هى نفسها طبيعة حبوب الشباب اللى بتظهر فى التلاتينات، لانه فى التلاتينات بيبقى ليها جذور اعمق فى البشرة و بتبقى اكتر عرضة للالتهاب و بتفرز زيوت اقل، فالجلد بيميل انه يكون جاف اكتر و حساس اكتر مع تقدم السن، علشان كده استخدام نفس المنتجات القديمة بيسبب اضرار كبيرة للبشرة زى زيادة الالتهابات، زيادة الجفاف و هيجان الجلد.

طيب تعملى ايه ؟

استخدمى منتجات فعالة لعلاج حب الشباب لكن برده تكون لطيفة على البشرة وممكن تبقى محتاجة تستخدمى كمية اكبر من مرطب الجلد، ولازم طبعا تراجعى دكتور جلدية متخصص.

4 حاجات لازم تبطلى تعمليهم فى سن الـ 35 1

2- مابنفعش ماتنضفيش وشك آخر كل يوم : 

النوم بالمكياج ختى لو ماركة نضيفة ومضمونة من اكبر الغلطات اللى ممكن تعمليها فى اى سن، تنضيف الوش لازم يبقى اساسى فى اخر كل يوم فلو كنتى بتكسلى زمان، دلوقتى ماينفعش!

ليه الطريقة دى مش صح؟ 

انك تنامى بالمكياج عمرها ما كانت فكرة حلوة، وبما انه العيون هى اول مناطق الوش اللى بيبان عليها تقدم السن يبقى انك تنامى بمكياج العيون غلطة كبيرة جدا لانه ده هيسبب انتفاخ العين و احمرارها وكمان هيسبب التصاق الرموش وسقوطها وكل ده مضر جدا لعينك ولبشرتك حوالين عينيكى.

طيب تعملى ايه ؟

ابعدى عن انك تعملى scrub للجلد حوالين عينيكى، و كمان ابعدى عن منظفات وغسول الوجه اللى بتحتوى على مادة الـ glycolic acid لانها بتحرق جدا فى العين وبتضرها لو دخلت فيها. استخدمى مزيل مكياج خاص للعيون يكون لطيف لكن فعال فى ازالة المكياج وامسحى المكياج بلطف. مهم كمان تستخدمى كريم للعين قبل ما تنامى علشان يفتح الجلد حوالين عنيكى.

اهتمى بنضافة وشك
اهتمى بنضافة وشك

3- ماينفعش تهملى وزنك : 

تالت حاجة لازم تاخدى بالك منها فى سن الـ 35 هى انك ماينفعش بأى شكل تهملى وزنك وصحة جسمك، لانه طبيعة الجسم بتتأثر و بتتغير حسب السن ، وحتى من فصل لفصل، فلو كنتى فى سن الـ 35 ومش واخدة بالك من وزنك، لازم توقفى ده حالا .

ليه الطريقة دى مش صح؟ 

لانه معدلات الاستروجين بتبدأ تقل من منتصف لآخر التلاتينات وده بيسبب تزايد نسبة الدهون فى الجسم وكمان فى الوجه وده معناه انه شكلك هيبدأ يتغير و كمان شكل وشك وتكون التجاعيد.

طيب تعملى ايه ؟

حاولى تمارسى التمارن الرياضية وتراقبى وزنك، ولما توصلى لوزن صحى يحددهولك الدكتور حاولى تلتزمى بيه ، لو زدتى او خسيتى 2 كيلو مش هيفرق كتير او يأثر بشكل سلبى على وشك او جسمك، لكن التقلب بين خسارة وزن كبير زى 7 كيلو مثلا و زيادتهم تانى اكيد هيأثر بشكل كبير.

اهتمى بوزنك
اهتمى بوزنك

4- ماينفعش تهملى كريمات الـ SPF : 

اخر حاجة معانا من الحاجات اللى ماينفعش تعمليها فى سن الـ 35 هى انك ماينفعش تهملى استخدام كريمات الـ SPF او يعنى الـ Sun block.

استخجمى كريمات غنية بالـ SPF
استخجمى كريمات غنية بالـ SPF

ليه الطريقة دى مش صح؟ 

لانه اهمال حماية بشرتك من اشعة الشمس هيأدى لظهور التجاعيد والكلف على بشرتك بشكل اسرع واكتر و كمان خطورة الاصابة سرطان الجلد لاقدر الله ، فمهم تحمى بشرتك من كل المخاطر دى بأنه يكون الكريم المضاد لأشعة الشمس او الـ sun block جزء اساسي من روتين عناية البشرة  الخاص بيكى كل يوم الصبح.

طيب تعملى ايه ؟

استخدمى الصن بلوك كل يوم الصبح قبل ماتنزلى على وشك و كمان على ايديكى ورقبتك او اى جزء من جسمك ممكن يكون بيتعرض للشمس.

اعرفى معانا كمان روتين الاهتمام بالبشرة لسن التلاتين لبشرة متألقة ..

مقالات متعلقه

تحدي اليوم الواحد لتوهج بشرتك قبل الفرح

تحدي اليوم الواحد لتوهج بشرتك قبل الفرح

مكون واحد بس لمنع علامات الشيخوخة

مكون واحد بس لمنع علامات الشيخوخة

مكونات طبيعية اساسية ومتعددة الاستخدامات للبشرة والشعر

مكونات طبيعية اساسية ومتعددة الاستخدامات للبشرة والشعر