تشيز كيك بروني.. مين يقدر يقاومها؟!

آية حسان

في

5893

كلنا بنحب التشيز كيك cheese cake ، وبرده كلنا بنحب البراونيز brownies ، بس انهم يبقوا حاجة واحدة ويتجمعوا مع بعض دى اكيد حاجة مانقدرش نستحملها ! علشان كده بنات حوا فى المقال ده جايبالك وصفة جديدة ومبتكرة تجمع بين صنفين من اكتر اصناف الحلويات اللى احنا بنحبهم وهما التشيز كيك والبراونيز، اعرفى معانا ازاى تعملى وصفة تشيز كيك براونى cheese cake brownies بالمقادير والخطوات خطوة بخطوة ..

تشيز كيك بروني.. مين يقدر يقاومها؟!

المقادير :

1- مقادير الـ cheese cake :

– بيضة .

– مقدار كوباية من شرائح الشوكولاتة البيضة او الـ white chocolate chips .

– ربع كوباية سكر ابيض .

– حوالى 220 جرام من الـ cream cheese الناعمة.

2- مقادير الـ brownies :

– كوباية من الزبدة.

– كوباية من اللبن المتدوب فيه شرائح الشوكولاتة الغامقة او الـ dark chocolate chips .

– نص كوباية سكر ابيض .

– بيضتين .

– حوالى 3/2 كوباية دقيق ابيض ناعم .

– نص معلقة شاى بيكنج بودر .

– ربع معلقة شاى ملح ناعم.

طريقة التحضير:

1- سخنى الفرن على درجة حرارة 350 درجة .

2- فى بولة او طبق عميق اخلطى الـ cream cheese و ربع كوبا ية السكر و بيضة واضربيهم كويس لحد ما يكونوا خليط ناعم .

3- سيحى شرائح الشوكولاتة البيضا white chocolate chips لحد ما تدوب كويس واركنيها على جنب.

4- حطى حلة مية على النار وسيبيها تغلى ، اما تبدأ فى الغليان ارفعيها من على النار وسيحى عليها الزبدة و معاها كوباية اللبن اللى متدوب فيها شرائح الشوكولاتة الغامقة او الـ dark chocolate chips لحد ما يدوبوا كويس ويكونوا خليط متجانس، بعد كده ضيفى عليهم نص كوباية السكر و البيضتين.

5- فى بولة منفصلة امزجى الدقيق مع البيكنج بودر و الملح و بعد كده ضيفى عليهم خليط الشوكولاتة اللى حضرناه فى خطوة 5 وقلبى لحد ما يتمزجوا كويس.

6- حطى نص الكمية فى صينية مقاس 22 وفوقها افردى طبقة الـ cream cheese اللى حضرناها فى خطوة 2 وافرديها كويس، صبى فوق طبقة الـ cream cheese باقى كمية خليط الشوكولاتة.

7- اخر خطوة فى خطوات تشيز كيك بروني هى انك تدخلى الصينية الفرن على درجة حرارة 350 لمدة من 25 لـ 30 دقيقة او لحد ما تختبريها بسكينة و السكينة تطلع نضيفة من غير اى خليط عليها و بالهنا والشفا :)