16 قاعدة مكياج غلط لازم نصححها !

ريهام محمود
ريهام محمود
في
مكياج
10400

كل البنات اكيد بتحب تدور وتعرف كل حاجة خاصة بالمكياج واثناء البحث بتقابلنا معلومات كتير عن اختيار المكياج المناسب لكل واحدة وازاي نستخدمه لكن احيانا مش كل النصايح بتكون صح, وده اللي هنقوله النهاردة من خلال موضوعنا هنتعرف على اكتر قواعد مكياج غلط شائعة لازم نصححها.

قواعد مكياج غلط لازم نصححها:

1- الروج الاحمر مش مناسب للكل:

اكيد كل بنقرا كتير ان اللون الاحمر مش مناسب لكل الوان البشرة لكن المعلومة دي مش صحيحة اللون الاحمر ممكن يناسب اي لون بشرة بس المهم انك تختاري درجة الاحمر المناسبة للون بشرتك.

قواعد مكياج غلط 1
قواعد مكياج غلط 1

2- ارمي الماسكارا لما تنشف:

انك تفضلي تستخدمي الماسكارا وترميها بس لما تنشف ده مش صحيح لان العمر الافتراضي للماسكارا المفروض هو 3 شهور من اول استخدام ليها لانها تعتبر اكتر مستحضر تجميل ممكن يسبب عدوى العين مع مرور الوقت وبتبقى الماسكارا ارض خصبة لنمو البكتريا فيها واللي ممكن تدخل العين وتضرها.

قواعد مكياج غلط 2
قواعد مكياج غلط 2

3- حطي الماسكارا في الانبوبة كذا مره عشان تتخلصي من الكتل:

اكيد سمعنا النصيحة دي كتير انك تنزلي فرشة الماسكارا في الانبوبة كذا مره عشان تتخلصي من اي كتل, لكن المعلومة دي مش صح لان ده بيدخل فقاعات هوا في الانبوبة وبيقلل من عمر الماسكارا, الطريقة الصح انك تحطي الفرشة في الانبوبة مرة واحدة بس وتلفيها يمين وشمال.

قواعد مكياج غلط 3
قواعد مكياج غلط 3

4- مش محتاجة تشيلي المكياج قبل النوم:

ساعات بتمر علينا النصيحة دي انك مش لازم تشيلي المكياج قبل النوم لو بتستخدمي مثلا نوع كويس او مضمون, لكن طبعا زي ما قولنا قبل كده في نصايحنا لبنات حوا ان لازم المكياج يتشال قبل النوم لان اثناء النوم البشرة بتتجدد ولما تسيبي المكياج ده هيسد المسام وهيسبب جفاف والتهاب الجلد.

قواعد مكياج غلط 4
قواعد مكياج غلط 4

5- مستحضرات التجميل مالهاش تاريخ انتهاء صلاحية:

معلومة ان مستحضرات التجميل مالهاش تاريخ انتهاء صلاحية وانك ممكن تفضلي تستخدميها لحد ما تخلص, لكن ده مش صحيح لان معظم منتجات التجميل ليها تاريخ انتهاء صلاحية وهتلاقيه مطبوع على ضهر العبوة بعلامة مميزة زي ما واضح في الصورة كده, ويبدأ العد التنازلي للصلاحية من اول استخدام ليكي للمنتج.

قواعد مكياج غلط 5
قواعد مكياج غلط 5

6- مش لازم تغسلي فرش المكياج لو انتي بس اللي بتستخدميها:

نصيحة انك ممكن متغسليش فرش المكياج لو انتي بس اللي بتستخدميها النصيحة دي غلط, لان لو حتى انتي بس اللي بتستخدمي الفرش لازم تتغسل كل فترة لانها بتلامس كذا منتج واسطح مختلفة وده بيسبب تراكم البكتيريا عليها وده ممكن يسبب لك مشاكل لبشرتك وامراض جلدية, وكمان بتقلل من العمر الافتراضي للفرشة.

قواعد مكياج غلط 6
قواعد مكياج غلط 6

7- مستحضرات التجميل مش بتبوظ:

مستحضرات التجميل زيها زي اي حاجة لو خزنتيها غلط ممكن ده يخليها تبوظ قبل ميعاد انتهاء الصلاحية بتاعها, وعشان تحافظي عليها متخزنيهاش في مكان ضلمة ودافي دايما حطيها في مكان فيه تهوية.

قواعد مكياج غلط 7
قواعد مكياج غلط 7

8- ممكن تحطي الماسكارا المضادة للمية كل يوم:

انك ممكن تحطي الماسكارا المضادة للمية كل يوم دي نصيحة غلط, الافضل انك تحطي ماسكارا عادية للاستخدام اليومي لان استخدام النوع المضاد للمية باستمرار مع الوقت هيضعف الرموش ويكسرها لانها بتحتاج مجهود وفرك اكتر عشان تشيليها وبالتالي ده هياثر على رموشك بشكل سلبي.

قواعد مكياج غلط 8
قواعد مكياج غلط 8

9- الكريم المرطب كبديل للبرايمر:

نصيحة انك ممكن تستخدمي الكريم المرطب كبديل للبرايمر مش صحيحة, لكن الكريم المرطب مش بديل للبرايمر لان البرايمر بجانب انه بيرطب البشرة هو بينعم الجلد وبيقلل حجم المسام, وبيثبت المكياج فترة اطول ودي حاجات مش هيعملها الكريم المرطب.

قواعد مكياج غلط 9
قواعد مكياج غلط 9

10- الكونسيلر قبل كريم الاساس:

مش صح اننا نحط الكونسيلر قبل كريم الاساس, الطريقة الصحيحة اننا نحط كريم الاساس الاول عشان يخفي معظم العيوب اللي موجودة, وبعدين تحطي الكونسيلر عشان يخفي باقي العيوب التانية من البشرة, وبالطريقة دي هتخليكي تستخدمي كمية على قد ما انتي محتاجة بس, وهيطلع المكياج طبيعي اكتر.

قواعد مكياج غلط 10
قواعد مكياج غلط 10

11- كريم الاساس بيضر البشرة:

اكيد قرينا المعلومة دي كتير ان كريم الاساس ممكن يضر البشرة, لكن انواع كريمات الاساس الموجودة دلوقتي في السوق معمولة من مكونات مفيدة للعناية بالبشرة وحماية الجلد من عوامل الجو, وترطيب البشرة, كل اللي انتي محتاجاه بس انك تختاري نوع كريم الاساس المناسب لنوع بشرتك.

قواعد مكياج غلط 11
قواعد مكياج غلط 11

12- الحواجب لازم تكون اغمق بدرجتين من الشعر:

القاعدة دي صح في حالة واحدة بس لو انتي شعرك فاتح ساعتها الحواجب تكون اغمق بدرجتين, لكن صاحبات البشرة السمرا او الشعر الغامق يتجنبوا الالوان الغامقة للحواجب لانها بتدي لوك حاد اوي للوش, الافضل يختاروا نفس درجة لون الشعر.

قواعد مكياج غلط 12
قواعد مكياج غلط 12

13- عشان تبيني شفايفك اكبر ارسمي بقلم التحديد فوق الشفايف:

الخدعة دي لتكبير الشفايف ممكن تكون مفيدة في التصوير بس لكن في الواقع الشفايف هتبان شكلها مش طبيعي, والافضل لو عايزة تبيني الشفايف اكبر ممكن تحطي ايشادو لامع او بودرة عند منطقة قوس كيوبيد وملمع شفايف في نص الشفة اللي تحت هتدي مظهر اكبر وممتليء لشفايفك.

قواعد مكياج غلط 13
قواعد مكياج غلط 13

14- الايلاينر الغامق بيخلي العيون اكبر:

اكيد الايلاينر الغامق مع العيون السموكي بيديها لوك حلو لكن الخط السميك بيدي تأثير عميق للعين وهتكون النتيجة انها هتبان بشكل اصغر, وعشان تدي لوك اكبر للعين الافضل انك ترسميها بايشادو فاتح وترسمي الايلاينر على الجفن من جوه.

قواعد مكياج غلط 14
قواعد مكياج غلط 14

15- مش مسموح تحطي كريم اساس حوالين العين:

اكيد النصيحة دي عدت علينا كتير انه مش المفروض اننا نحط كريم اساس حوالين منطقة العين, لكن الجيل الجديد من كريمات الاساس الموجودة دلوقتي خالية من الكحول وبالتالي مش بتسبب جفاف الجلد او بتضره يعني ممكن تستخدميها حوالين العين من غير اي خوف انها ممكن تضر المنطقة دي او تسبب تجاعيد.

قواعد مكياج غلط 15
قواعد مكياج غلط 15

16- الايشادو الازرق موضة قديمة:

اتجاهات المكياج في الفترة الاخيرة بتقول عكس الكلام ده وهو ان الايشادو الازرق والفيروزي هي دلوقتي من الالوان التريندي جدا, ممكن تحطي لمسة ازرق مع بيج, او ارزق لوحده للمكياج اليومي, ولو بتحبي تحطي الايشادو الازرق على الجفن كله ارسمي فوقيه ايلاينر اسود هيدي لوك احلى للعين.

قواعد مكياج غلط 16
قواعد مكياج غلط 16

11 نصيحة مكياج من خبراء التجميل .. اعرفيهم معانا

نصايح مكياج من خبراء التجميل
نصايح مكياج من خبراء التجميل

مقالات متعلقه

تكنيك “I’m Cold Makeup” احدث تريند مكياج على التيك توك للشتا

تكنيك “I’m Cold Makeup” احدث تريند مكياج على التيك توك للشتا

10 حيل تجميلية بسيطة ممكن تعمليها عشان تطلعي بلوك احلى في وقت سريع

10 حيل تجميلية بسيطة ممكن تعمليها عشان تطلعي بلوك احلى في وقت سريع

10 نصايح مكياج من خبراء مكياج المشاهير هتفرق معاكي

10 نصايح مكياج من خبراء مكياج المشاهير هتفرق معاكي