اكتر 6 الوان trendy لدهانات غرف النوم فى 2017
الصيف بدأ خلاص، ولو بقالك فترة بتفكرى تغيرى فى بيتك وتعملى حاجة جديدة وكل شوية تاجلى الموضوع، يبقى خلاص وقته جه ! مع بداية الصيف بنحتاج جديد فى حياتنا علشان نحس بانتعاش كده و نحس بتجديد فى حياتنا، ومفيش تجديد هيبقى واضح ويفرق معاكى اكتر من انك تجددى من اوضة النوم بتاعتك، و لو محتارة ومش عارفة تختارى لون ، بنات حوا بتعرضلك المقال ده علشان تعرفى ايه هى اكتر الوان trendy لدهانات غرف النوم علشان تختارى منها اللى يناسبك منها حسب ذوقك، شوفى معانا فى المقال ده 6 أفكار مختلفة لايه هما الوان trendy لدهانات غرف النوم ..
اكتر 6 الوان trendy لدهانات غرف النوم فى 2017 ..
1- warm grey :
اللون ده بيدى نتيجة حلوة جدا لما يتمزج مع الدرجات الهادية والفاتحة من اللون البنى او الـ brown undertone وميزة الدرجة دى من اللون الرمادى انك تقدرى تدخلى معه اى لون ايا كان وهيطلع حلو ومتناسق.
2- Crisp Whites :
الدرجات المختلفة من اللون الابيض ” ايوة الابيض فى منه درجات :) ” بتعتبر فكرة حلوة ومميزة لدهانات غرفة النوم، خصوصا لو الاوضة كانت صغيرة او مساحتها ضيقة، درجات الابيض دى هتدى احساس انه الاوضة اوسع من مساحتها الحقيقية وكمان هتخليها منورة اكتر وتزود من اضاءتها . وطبعا الابيض من ملوك الالوان وده معناه انك تقدرى تنوعى فى الوان باقى قطع الديكور فى الاوضة براحتك، كل الخيارات مع الابيض متاحة.
3- Blanched Corals :
الدرجات دى ” درجات الـ pink ” هتخلى الاوضة مبهجة اكتر وتدخلك فى مود حلو بمجرد ما تدخلى تقعدى فيها :) .
4- Whites with Yellow Undertones:
مزج اللونين الابيض مع الاصفر بيعتبروا اكتر لونين موضة من بين الوان trendy لدهانات غرف النوم ، بس الفكرة كلها انك تختارى درجة من الابيض يبقى فيها عُمق علشان الاوضة ماتبانش مسطحة او flat ، اختارى shade من اللون الابيض يكون كريمى شوية ودخلى معاه قطع ديكور بدرجات مختلفة من اللون الاصفر.
5- Greenery :
درجات الاخضر بتعبتر هى الوان السنة دى فى الديكورات ! درجات الاخضر بتدى احساس بالاسترخاء والهدوء وكمان من الالوان اللى بتأثر بشكل ايجابى على المود والنفسية لانها بتعتبر من الالوان المشجعة واللى بتبعث على التفاؤل.
6- Warm Whites :
درجات الابيض الدافية او الـ warm whites بتعتبر هى كمان popular pick فى 2017 ، لانها بسيطة وبتدى احساس بالهدوء والراحة اللى لازم يكونوا موجودين فى اوضة النوم، وتقدرى تدمجيها مع اى مجموعة من الالوان الناعمة اللى تحبيها زى الوان الباستيل.
شوفى معانا كمان 10 اسباب تخليكى تحولى ديكور بيتك الى ديكور غنى بالألوان