طريقة جديدة ومفيدة هتشجعك علي شرب الميه أكتر

آية حسان
آية حسان
في
صحة
11836

كتير مننا بينسوا يشربوا مية طول اليوم، وحتى يمكن مابيحسوش بالعطش علشان كده بنيجى آخر كل يوم ونلاقى نفسنا مجهدين وعطشانين جدا وحاسين بتعب، خصوصا والصيف خلاص بيبدأ و ارتفاع درجة الحرارة مع قلة شرب المية ممكن يسبب جفاف شديد و هبوط ضغط الدم وده طبعا غلط، ده غير انه قلة المية مضرة لصحة وجمال بشرتك وشعرك، علشان كده فى المقال ده بنات حوا جايبالك حل جديد ومبتكر يساعدك ويشجعك على شرب الميه أكتر خلال اليوم، اتعرفى عليه معانا .. 

طريقة جديدة ومفيدة هتشجعك علي شرب الميه أكتر ..

الاول، خلنينا نعرف ايه هى فوايد المية للبشرة و الشعر ؟!

  • 1- المية بتعتبر مصدر الطاقة لكل خلايا الجسم بما فيها خلايا الشعر والبشرة.
  • 2- المية بتقوى الشعر من جذوره وبتوفرله كل الفيتامينات اللازمة لصحته وقوته.
  • 3- شرب 8 كوبايات من المية يوميا بتمنع جفاف الشعر وبتقلل التساقط.
  • 4- شرب المية بكمية كافية كل يوم بيضمن توفير كل الترطيب اللى بتحتاجه بشرتك.
  • 5- المية بتحمى البشرة من التجاعيد والترهلات.
  • 6- المية بتعمل على موازنة مستويات معامل حموضة البشرة PH.
  • 7- شرب المية كمان بيساعد على زيادة مرونة البشرة والتقليل من تصلب الجلد اللى بيسببه الجفاف.
  • 8- المية كمان بشكل عام بتساعد على تنقية الجسم وتخليصه من كل السموم اللى بتتكون خلال اليوم .
  • شرب المية

طيب، ازاى تقدرى تشربي مية اكتر كل يوم ؟! 

الطريقة بسيطة جدا،  كل اللى عليكى تعمليه هاتى قالب تلج و حطى فيه قطع صغيرة من الفواكه المفضلة عندك زى البطيخ او الخوخ و ممكن كمان النعناع و الليمون والتوت وجوز الهند. و املى القالب بالمية وحطيه يتجمد فى الفريزر، وكل كام ساعة املى كوباية بالمية وحطى فيها قطع من التلج بالنكهة المفضلة عندك. شكل مكعبات التلج حلو وهيشجعك تشربي مية لانها كمان بتضيف نكهه حلوة ومنعشة للمية، شوفى معانا كمان البوم فيه صور لأفكار تعملى بيها مكعبات التلج علشان تتشجعى على شرب المية واهتمى دايما بجمالك وصحتك :) 

شوفى معانا كمان ايه اللى هيحصل لو شربتى كل يوم كوباية مية على الريق !

مقالات متعلقه

استخدام موبايلك في الحمام ممكن يسبب لك المشكلة دي!

استخدام موبايلك في الحمام ممكن يسبب لك المشكلة دي!

ازاي تقطعي السكر من نظامك الغذائي للحفاظ على وزنك وصحتك

ازاي تقطعي السكر من نظامك الغذائي للحفاظ على وزنك وصحتك

9 اخطاء صحية بنعملها من غير ما نعرف انها مضره

9 اخطاء صحية بنعملها من غير ما نعرف انها مضره