افكار ازاي تلبسي ال Shirt Dress مع الحجاب

ريهام محمود

في

5913

ال Shirt Dress من القطع المميزة جدا اللي ممكن تلبسيها مع الحجاب في الموسم ده وتطلعي بلوك رائع وبسيط في نفس الوقت, مناسب جدا تلبسيه في الويك اند في خرجاتك مع اصحابك, او في الايام اللي بتكوني كسلانة فيها ومش عارفة تلبسي ايه وفي نفس الوقت مش عايزة تلبسي الفستان الطويل.

نازل منه موديلات مختلفة ومن الموديلات المميزة اوي الستايل المقلم بزراير وتنسقيه مع بنطلون جينز عشان تكملي اللوك بتاعك وخصوصا في فصل الربيع اللوك ده هيطلع مناسب جدا, وممكن تلبسيه مع صندل او شوز بكعب عالي.

ال Shirt Dress التقليدي مناسب جدا لفصل الصيف, للسفر او الخروجات مع اصحابك, ونازل تريندي جدا الصيف ده لانه مريح جدا في اللبس فاكيد هتحبي انك تضيفيه لدولابك, ممكن تجربي تحطي له اضافة وتلبسي معاه حزام للوك مريح وبسيط.

نازل منه موديلات بطول متوسط او طويلة اوي , ممكن تلبسي معاه جاكيت خفيف بنفس طولة او اطول منه, او فيست او كارديجان طويل.

وال Shirt Dress الاسود الطويل من اكتر القطع الانيقة اللي ممكن تضيفيها لدولابك, لان الاسود من اكتر الالوان التقليدية والشيك المناسبة لاي وقت.