بالفيديو: 4 منتجات لمكياج العيون هتخليكى تعملى مكياج عيون مظبوط زى المحترفين

آية حسان
آية حسان
في
مكياج
4546

مكياج العيون بيعتبر اصعب حاجة بتقابلنا واحنا بنعمل مكياج كل يوم، وحتى لو قدرنا نستغنى عنه فى مكياج النهار او يعنى المكياج اللى بنعمله واحنا رايحين الجامعة او الشغل، الا انه فى خروجات بالليل و فى المناسبات و الافراح مش ممكن اللوك بتاعك يكمل ويطلع حلو الا بمكياج عيون مظبوط يبرز جمالك و يبينه، ولانه مهم و صعب علينا فى نفس الوقت، فى المقال ده بنات حوا هتعرفك على 4 منتجات لمكياج العيون بيعتبروا من اهم ادوات او منتجات المكياج اللى لازم تبقى عندك علشان هتسهل عليكى كتير و هتطلعى بلوك حلو كل مرة زى ما تكون makeup artist هى اللى عملالك المكياج بالضبط، اعرفى معانا بالصور و الفيديو اهم 4  منتجات لمكياج العيون هتخليكى تعملى مكياج عيون  مظبوط زى المحترفين

 4 منتجات لمكياج العيون هتخليكى تعملى مكياج عيون  مظبوط زى المحترفين ..

1- escalator mascara : 

اول منتج هنتكلم عنه هو الـ escalator mascara و الماسكارا دى مختلفة عن اى نوع تانى لانه  ليها تكنيك معين فى الاستخدام، الفرشة بتاعتها بتتحرك بنفس حركة قلم الروج، يعنى بتحركها فى نص دايرة يمين وشمال و ده بيخليكى تقدرى تتحكمى فى طول و حجم الفرشة، علشان كده الماسكارا دى بتديكى رموش كثيفة اكتر، سوادها غامق و تبان اطول. تقدرى تلاقى الـ escalator mascara ضمن منتجات ماركة bourjois .

escalator mascara
escalator mascara

2- eye shadow shield : 

و ده زى sticker بتلزقيه على خدك تحت عنيكى على طول علشان تمنعى الايشادو من انه يقع على خدك وانتى بتحطيه او يخرج بره منطقة الجفن و يبوظ الماكياج، الـ sticker ده مفيد جدا وسعره بسيط و تقدرى تلاقيه بسهولة فى اى صيدلية.

eye shadow shield

3- makeup remover pen : 

قلم ازالة المكياج او الـ makeup remover pen بيعتبر من اهم و افضل منتجات مكياج العيون اللى ممكن تستخدميها، لانه القلم ده بيخليكى تقدرى تمسحى غلطات المكياج الصغيرة و البسيطة بدقة عالية ومن غير ما تضطرى تمسحى وشك كله او تغسليه علشان غلطة بسيطة. بيعتبر من اكتر المنتجات اللى هتساعدك وتسهل عليكى كتير، القلم ده متوفر ضمن منتجات ماركة elf  و.

makeup remover pen

4- wing stamp : 

الـ eyeliner wing stamp او ختامة الايلاينر من اكتر المنتجات اللى انا متأكده انها هتعجبك، لانها بتسهل علينا واحدة من اصعب خطوات رسم الايلاينر و هى رسم الجناح، من خلال الختامة او الاصطامبة دى هتقدرى ترسمى جناح مظبوط جدا و بمنتهى البساطة، ممكن تلاقيها فى محلات مستلزمات وادوات التجميل.

wing stamp

ودلوقتى شوفى معانا الفيديو علشان تعرفى ازاى تستخدمى منتجات لمكياج العيون ..

شوفى معانا كمان بالخطوات والفيديو: نصايح ازاى تعملى مكياج الـ smokey eyes صح من kendall jenner .

مقالات متعلقه

نصايح مكياج للعيون المبطنة

نصايح مكياج للعيون المبطنة

blue eyeliner الآيلاينر الأزرق راجع تاني.. اتعرفي عليه وشوفي صور تلهمك ازاي تستخدميه

blue eyeliner الآيلاينر الأزرق راجع تاني.. اتعرفي عليه وشوفي صور تلهمك ازاي تستخدميه

لو جفونك دهنية ومش بيثبت عليها المكياج انتي محتاجة تعرفي ال 5 نصايح دول

لو جفونك دهنية ومش بيثبت عليها المكياج انتي محتاجة تعرفي ال 5 نصايح دول