قطع الملابس الـ trendy لموضة المحجبات فى ربيع 2017

آية حسان

في

5604

موسم الربيع خلاص بيبدI و بتبدأ معاه موضة ملابس جديدة تظهر وهنبدأ نشوف ستايلات و trends جديدة فى اللبس، وعلشان تبقى دايما عارفة كل جديد فى عالم الموضة والازياء و لانه احنا فى بنات حوا بنعتبر جمالك مهمتنا، فى المقال ده هتتعرفى معانا على اهم قطع الملابس الـ trendy لموضة المحجبات فى 2017 ، علشان تبقى دايما شيك و stylishو على طول جاهزة لاى مناسبة وفى احسن صورة، اتعرفى معانا على موضة الملابس للمحجبات لربيع 2017 و ايه هى قطع الملابس اللى لازم تبقى عندك الموسم ده، يلا نبدأ :)

قطع الملابس الـ trendy لموضة المحجبات فى ربيع 2017 ..

القميص المقلم الفلورال او المطرز بالورود بيعتبر من اهم قطع الملابس اللى موجودة بقوة فى موضة الربيع، وهتشوفى الستايل الـ floral على قطع ملابس متنوعة زى الجيبة ، الدريس، والكارديجان. اما القميص المقلم و المطرز بالورود فممكن تلبسيه مع boyfriend jeans او بنطلون فلورال برده.

كمان الكارديجان الشيفون و الكارديجان الدانتيل و التونيك الطويل المفتوح من الجنب بيعتبروا من اكتر قطع ملابس المحجبات الـ trendy فى موشم الربيع السنة دى، ده غير انهم عمليين وشيك جدا فى اللبس خصوصا لو كنتى طويلة.

الـ pencil skirt الطويلة بألوان الباستيل و الالوان الـ nude هتشوفيها كتير فى موضة الربيع والصيف السنة دى، تقدرى تلبسيها مع قميص او بلوزة من الشيفون بلون مناسب. ودلوقتى شوفى معانا البوم كامل لافكار ستايلات مختلفة بقطع الملابس اللى اتكلمنا عليها و اختارى منها اللى يناسبك ..