8 وصفات حلويات ممكن تعمليهم من غير دقيق

بقلمريهام محمود فيحلويات visibility11053

ساعات كتير بيجي وقت بنبقى عايزين ناكل حاجة حلوة او مثلا جاي لنا ضيوف ومحتاجين نعمل حاجة حلوة سهلة وسريعة لكن بتبقى المشكلة انه مش بيكون متوفر في البيت المكون الاساسي في معظم الحلويات اللي هو الدقيق وفي الحالة هيكون قدامك اختيارين ياما تروحي تشتري من بره او الاختيار الافضل هو انك تعملي حلويات من غير دقيق وده اللي هنعرفه النهاردة هنقولكم على 8 وصفات حلويات من غير دقيق سهلة وسريعة ولذيذة جدا.

وصفات حلويات من غير دقيق:

1- بار الشوكولاتة بجوز الهند:

المقادير:

  • – 200 مل كريمة خفيفة قليلة الدسم.

– 200 جرام جوز هند مبشور.

– 300 جرام شوكولاتة.

– 85 جرام سكر.

– 50 جرام زبدة.

– 2 معلقة كبيرة زيت نباتي.

الطريقة:

1- اخلطي الزبدة والكريمة والسكر وحطيهم على نار هادية  مع التقليب.

2- قبل الغليان لما كل المكونات كلها تدوب وتندمج مع بعض ارفعيها من على النار وضيفي لها جوز الهند المبشور وقلبيهم مع بعض كويس.

3- على صينيه حطي ورق زبدة وصبي عليه الخليط وحطيه في التلاجة لمدة ساعة.

4- لما تجمد طلعيها من التلاجة وقطعيها قطع بالطول بالحجم اللي انتي عايزاه, وحطيها تاني يف التلاجة وسيبيها ليلة كاملة.

5- بعد ما تاخد وقتها وتتجمد خالص, سيحي الشوكولاتة في حمام مية سخنة ولما تدوب ضيفي لها معلقتين الزيت النباتي وقلبيها كويس.

6- بالمعلقة صبي على كل بار من الشوكولاتة السايحة وغطيها كلها من كل الجوانب, ورجعيها في التلاجة تاني لحد ما الشوكولاتة تتجمد.

وصفات حلويات من غير دقيق
وصفات حلويات من غير دقيق

2- شوكولاتة بالمكسرات والكريمة:

المقادير:

– 4 بيضات.

– 100 جرام سكر.

– 400 مل لبن.

– 100 جرام شوكولاتة غامقة.

– 100 جرام مكسرات.

– معلقة كبيرة جيلاتين.

الطريقة:

1- حطي الجيلاتين في طبق وحطيه على حمام مية سخنة لحد ما يدوب خالص.

2- اخلطي البيض والسكر مع بعض واضربيهم بالميكسر.

3- حطي اللبن على النار وسيبيه يغلي.

4- خدي من 4 – 5 معالق من اللبن السخن على خليط البيض عشان تعادلي درجة الحرارة بتاعته.

5- رجعي اللبن على نار هادية وصبي عليه خليط البيض بالتدريج وقلبيهم كويس مع بعض واستمري في تقليبه لحد ما يبقى سميك شوية بس ارفعيه من على النار قبل ما يغلي.

6- ابشري الشوكولاتة وضيفيها على خليط اللبن والبيض وهو سخن وقلبيها فيه لحد ما تدوب.

7- ضيفي على الخليط الجيلاتين والمكسرات وقلبيهم.

8- صبي الخليط في قوالب السيليكون او في كوبايات وحطيها في التلاجة ليلة كاملة.

وصفات حلويات من غير دقيق
وصفات حلويات من غير دقيق

3- تشيز كيك خفيفة:

المقادير:

– 3 بيضات.

– 120 جرام جبنة كريمي “ممكن نستخدم فيلادلفيا”.

– 120 جرام شوكولاتة بيضا.

الطريقة:

1- افصلي بياض البيض عن الصفار, حطي البياض في طبق لوحده وغطيه بورق تغليف بلاستيك وحطيه في التلاجة.

2- دوبي الشوكولاتة في حمام مية سخنة وضيفي لها الجبنة امزجيهم كويس مع بعض.

3- ضيفي للشوكولاتة صفار البيض وقلبيهم مع بعض.

4- قلبي بياض البيض وضيفيه للخليط.

5- هاتي الصينية وحطي فيها ورق زبدة وادهنية بالزيت.

6- صبي الخليط في الصينية وحطيه في الفرن على درجة حرارة 170 درجة مئوية لمدة 15 دقيقة.

7- طلعيه من الفرن وسيبيها تبرد ورشي عليها سكر بودرة وممكن تزينيها باي نوع فاكهة.

وصفات حلويات من غير دقيق
وصفات حلويات من غير دقيق

4- كوكيز الشوفان:

المقادير:

– 100 جرام زبدة.

– 140 جرام شوفان.

– بيضة.

– 100 جرام سكر.

– شوية قرفة.

– 1 معلقة صغيرة بيكنج بودر.

الطريقة:

1- اطحني الشوفان في الخلاط لحد ما يبقى ناعم.

2- اضربي السكر والزبدة مع بعض لحد ما الخليط يبقى كريمي ناعم.

3- ضيفي البيض لخليط الزبدة والسكر واضربيه معاهم كويس.

4- ضيفي الشوفان المطحون والبيكنج بودر والقرفة وقلبي المكونات كلها مع بعض كويس.

5- غطي الخليط بغطا محكم وسيبيه في التلاجة ساعة ونص.

6- بعد ما تطلعيه رطبي ايدك بالمية شوية وخدي من الخليط وشكلي منها كرات بالحجم اللي انتي عايزاه, رصيها على صينية مفرود عليها ورق زبدة, وسيبي بين كل كورة والتانية 4 سم فرق عشان العجينة هتفرد في الفرن.

7- حطيها في الفرن على درجة حرارة من 180 – 190 درجة مئوية لمدة 20 دقيقة.

وصفات حلويات من غير دقيق
وصفات حلويات من غير دقيق

5- كيكة التوت:

المقادير:

– 4 بيضات.

– عصير ليمونة.

– 3 معالق كبيرة نشا ذرة.

– ¼ معلقة صغيرة بيكنج بودر.

– ½ معلقة صغيرة سكر.

– توت مجفف او فريش او زبيب او فراولة “حسب اللي تفضليه”.

– ذرة ملح.

الطريقة:

1- افصلي الصفار عن البياض, اضربي بياض البيض مع الملح.

2- امزجي صفار البيض مع عصير الليمون والنشا والسكر والبيكنج بودر واضربيهم بالميكسر على اقل سرعة, ضيفي التوت للخليط وقلبيه بالشوكة.

3- وزعي الخليط في قوالب صغيرة, او في صينية كبيرة سيلكون من اللي متقسمة قوالب, ولو القوالب اللي هتحطي فيها مش سيليكون ادهنيها بالزيت ورشي فيهم شوية نشا قبل ما تحطي فيهم الخليط.

4- سخني الفرن على درجة حرارة 180 درجة مئوية وحطي القوالب وسيبيها لمدة 20 دقيقة لحد ما يبقى لونها دهبي.

وصفات حلويات من غير دقيق
وصفات حلويات من غير دقيق

6- بان كيك الجبن:

المقادير:

1- بيضة.

2- 4 معالق كبيرة دقيق سميد “سيمولينا”.

3- معلقة كبيرة سكر.

4- 600 جرام Cottage cheese.

5- اهرسي الجبنة بالشوكة.

6- ضيفي لها دقيق السميد والبيض والسكر.

7- امزجي كل المكونات كويس لحد ما تبقى عندك عجينة ناعمة.

8- رطبي ايدك بالمية وشكلي فطاير من الخليط بالحجم اللي انتي عايزاه.

9- وغطي كل فطيرة بكمية بسيطة من دقيق السميد واقليها في الزيت من الجانين لحد ما لونها يبقى دهبي.

وصفات حلويات من غير دقيق
وصفات حلويات من غير دقيق

7- بان كيك الموز:

المقادير:

– 2 ثمرة موز.

– 4 بيضات.

الطريقة:

1- اهرسي الموز لحد ما يبقى ناعم.

2- اخفقي البيض بالشوكة.

3- اخلطي الموز والبيض مع بعض وقلبيهم كويس.

4- اشويه في طاسة من غير زيت.

وصفات حلويات من غير دقيق
وصفات حلويات من غير دقيق

8- براونيز الشوكولاتة:

المقادير:

– 7 بيضات.

– 200 جرام شوكولاتة.

– 2 معلقة كبيرة كاكاو.

– 150 جرام زبدة.

– 220 جرام سكر.

– ذرة ملح.

الطريقة:

1- افصلي بياض البيض عن الصفار, اضربي صفار البيض مع 150 جرام من السكر.

2- دوبي الشوكولاتة مع الزبدة في حمام مية سخنة.

3- اخلطي الشوكولاتة مع خليط البيض والسكر.

4- اخفقي بياض البيض مع الكاكاو والملح وباقي كمية السكر.

5- اخلطي خليط بياض البيض مع خليط الشوكولاتة وقلبيهم مع بعض كويس.

6- صبي 2/3 الخليط في صينية مدهونة بالزيت وحطيها في الفرن على درجة حرارة 180 درجة مئوية لمدة 20 دقيقة, وبملعقة خشب اتاكدي ان الخليط استوى.

7- طلعيه من الفرن وصبي عليه باقي الخليط بس خلي 1 سم فاضي من الصينية يعني متخليش الصينية مليانة للاخر, غطيها بورق التغليق وحطيها في التلاجة لمدة ساعة.

8- طلعيها من التلاجة وحطيها في الفرن لمدة 10 دقايق على درجة حرارة 200 درجة مئوية, والطبقة اللي فوق المفروض تبقى طرية شوية متسيبهاش تنشف خالص.

وصفات حلويات من غير دقيق
وصفات حلويات من غير دقيق

10 وصفات حلويات سهلة وسريعة ولذيذة جدا

وصفات حلويات سهلة وسريعة