10 استخدامات مفاجأة لزبدة الكاكاو مكنتيش تعرفيها قبل كده !

ريهام محمود
ريهام محمود
11113

كل البنات اكيد مش بيستغنوا عن زبدة الكاكاو وتعتبر مستحضر اساسي في شنطتنا على طول لفايدتها في ترطيب وحماية شفايفنا من الجفاف, لكن النهاردة هنتعرف على استخدامات زبدة الكاكاو المختلفة عن استعمالها كمرطب للشفايف بس.

استخدامات زبدة الكاكاو:

1- منع ظهور فقاعات وبثور الرجل:

من المشاكل اللي بتحصل مع كتير مننا لما بنكون جايبين شوز جديد ممكن في بداية لبسه بيسبب لنا فقاعات وبثور في الرجل, لو ده حصلك ادهني اماكن الفقاعات بزبدة الكاكاو هتمنع تهيج الجلد وهتقدري تمشي بالشوز من غير ما تحسي بأي ألم.

استخدامات زبدة الكاكاو 1
استخدامات زبدة الكاكاو 1

2- ازالة الخاتم الضيق:

احيانا بيحصل اننا نلبس خاتم يكون ضيق شيوية علينا ومنعرفش نطلعه من الصوباع بسهولة وممكن يسبب لما الم وساعات بنفكر في حل الصابون عشان نقلع الخاتم, في حل تاني بسيط باستخدام زبدة الكاكاو ادهني صوباعك بيها هتلاقي الخاتم طلع بكل سهولة.

استخدامات زبدة الكاكاو 2
استخدامات زبدة الكاكاو 2

3- ازالة الخدوش من الحاجات الجلد:

ممكن تستخدمي زبدة الكاكاو عشان تزيلي الخدوش من على اي حاجة جلد عندك زي الشوز, الشنط, الحزام الجلد, وحتى كمان الاثاث الجلد واي حاجة تانية مصنوعة من الجلد بس ادهني مكان الخدوش بزبدة الكاكاو.

استخدامات زبدة الكاكاو 3
استخدامات زبدة الكاكاو 3

4- علاج الجروح البسيطة ولدغات الحشرات:

بسبب الخصائص المهدئة والمرطبة اللي موجودة في زبدة الكاكاو فهي بتساعد جدا في علاج الحكة والجروح البسيطة وبتقلل من احمرار الجلد.

استخدامات زبدة الكاكاو 4
استخدامات زبدة الكاكاو 4

5- ترطيب الشعر والحواجب:

زبدة الكاكاو بتساعد على ترطيب الشعر وبتخليه مفرود وناعم لفترة اطول وسهل التحكم فيه, حطي كمية بسيطة من زبدة الكاكاو على فرشة الشعر وسرحي بيها شعرك بس اتجنبي الجذور, ولو دهنتي الحواجب بزبدة الكاكاو هتظبط شعر الحواجب وتخلي شكلها احلى.

استخدامات زبدة الكاكاو 5
استخدامات زبدة الكاكاو 5

6- مهديء لقرحة الانف:

لما بنتعرض لدور برد كتر مسح الانف بيسبب لنا تهيج في الجلد حوالين وداخل الانف, لكن حل المشكلة دي بسيط وهو انك تدهني المنطقة المصابة بزبدة الكاكاو هتساعد على ترطيب الجلد جدا ويخف بشكل اسرع, لكن اتجنبي استخدام زبدة الكاكاو بالنعناع عشان ممكن تسبب حكة وتهيج البشرة اكتر.

استخدامات زبدة الكاكاو 6
استخدامات زبدة الكاكاو 6

7- اعملي شمعة:

لو حطيتي عود كبريت في زبدة الكاكاو تقدري تستخدميها كشمعة في حالة طارئة لو مش متوفر عندك شمعة.

استخدامات زبدة الكاكاو 7
استخدامات زبدة الكاكاو 7

8- اشعال النار:

لو عايزة تولعي نار لاي غرض بشكل سريع هاتي قطع قطن صغيرة وحطي عليها بلسم وولعيها هتلاقي النار ولعت بسرعة جدا لان القطن هيساعد على ده وزبدة الكاكاو هتخلي النار كثيفة وهيخليها تستمر معاكي مولعة فترة طويلة.

استخدامات زبدة الكاكاو 8
استخدامات زبدة الكاكاو 8

9- تصليح السوستة:

زبدة الكاكاو لانها عنصر مرطب جدا ممكن تستخدميها تصلحي بيها سوستة جاكيت او اي حاجة معلقة عندك, ادهني السوستة بزبدة الكاكاو هتلاقيها اتفتحت معاكي بسهولة.

استخدامات زبدة الكاكاو 9
استخدامات زبدة الكاكاو 9

10- هتحافظ على البرفيوم فترة اطول:

لو عايزة البرفيوم بتاعك يستمر فترة طويلة من غير ما ريحته تروح, ادهني زبدة الكاكاو على البشرة قبل رش البرفيوم على الاماكن الدافية في الجسم زي المعصم, او ورا الاذن.

استخدامات زبدة الكاكاو 10
استخدامات زبدة الكاكاو 10

استخدامات مية الاكسجين الجمالية والصحية والمنزلية..اعرفيها معانا

استخدامات مية الاكسجين
استخدامات مية الاكسجين

مقالات متعلقه

افضل 10 انواع زبدة كاكاو للشفايف الغامقة

افضل 10 انواع زبدة كاكاو للشفايف الغامقة

استخدمي زبدة الكاكاو كجل للحواجب

استخدمي زبدة الكاكاو كجل للحواجب

10 طرق لعمل زبدة الكاكاو بنفسك في البيت .. اعرفيها معانا

10 طرق لعمل زبدة الكاكاو بنفسك في البيت .. اعرفيها معانا