وصفات طبيعية لتوحيد لون البشرة والتخلص من تصبغ الجلد

ريهام محمود
ريهام محمود
في
بشرة
11488

كتير من البنات بيعانوا من مشكلة تصبغ الجلد وبتبقى البشرة لونها مش موحد وده ممكن يرجع لاكتر من سبب اهمها واولها هو خلل في انتاج الميلانين في البشرة او تغيير هرموني في الجسم, كمان عوامل الجو والتعرض الكتير للشمس, والمشكلة دي بتظهر كمان اثناء وبعد فترة الحمل, لكن النهاردة ممكن تتخلصي من المشكلة دي بعلاجات منزلية بسيطة ومش مكلفة وده اللي هنعرفه من خلال وصفات طبيعية لتوحيد لون البشرة والتخلص من تصبغ الجلد.

وصفات طبيعية لتوحيد لون البشرة والتخلص من تصبغ الجلد:

1- الليمون:

الليمون بيحتوي على الحمضيات اللي بتساعد على تقشير الجلد ويعتبر واحد من اكتر العلاجات المنزلية الفعالة في التخلص من تصبغ الجلد وتوحيد لون البشرة.

حطي عصير ليمون في طبق وبلي قطعة قطن من العصير وادهني بيها بشرتك وسيبيه من 10 – 15 دقيقة وبعدين اغسليه بالمية, كرريه مرتين في اليوم لمدة شهر تقريبا او لحد ما توصلي للنتيجة المطلوبة.

ملحوظة: بالنسبة لصاحبات البشرة الحساسة متحطيش الليمون بشكل مباشر على البشرة خففيه بشوية مية قبل ما تحطيه على بشرتك.

وصفات طبيعية لتوحيد لون البشرة والتخلص من تصبغ الجلد 1
وصفات طبيعية لتوحيد لون البشرة والتخلص من تصبغ الجلد 1

2- البطاطس:

البطاطس بتحتوي على عنصر الكاتيكولاز اللي بيساعد على توحيد لون البشرة وعلاج التصبغ وكمان التخلص من البقع وعلاج اي عيوب في الجلد.

قشري البطاطس وقطعيها شرايح سميكة وحطي على سطح شريحة البطاطس كام نقطة مية ودلكي بيها بشرتك لمدة من 15 – 20 دقيقة وبعدين اغسليها بمية دافية, كرريها من 3 – 4 مرات في اليوم على الاقل لمدة متقلش عن شهر.

وصفات طبيعية لتوحيد لون البشرة والتخلص من تصبغ الجلد 2
وصفات طبيعية لتوحيد لون البشرة والتخلص من تصبغ الجلد 2

3- خل التفاح:

خل التفاح يعتبر مطهر للجلد وبيساعد على ترميم البشرة والتخلص من التصبغات الجلدية.

– امزجي كميات متساوية من خل التفاح والمية وبلي قطنة من الخليط وادهني بيها بشرتك وسيبيه لمدة 10 دقايق وبعدين اغسلي البشرة بمية دافية, كرريه مرتين في اليوم يوميا.

– وممكن تضيفي 2 معلقة صغيرة من خل التفاح لكوباية مية دافية كبيرة وتشربيه مرتين في اليوم الصبح وبالليل يوميا لحد ما تلاحظي تغيير على بشرتك وتوصلي للنتيجة اللي انتي عايزاها.

وصفات طبيعية لتوحيد لون البشرة والتخلص من تصبغ الجلد 3
وصفات طبيعية لتوحيد لون البشرة والتخلص من تصبغ الجلد 3

4- زيت فيتامين E:

فيتامين E كمان يعتبر من العلاجات الفعالة لتصبغ الجلد لانه بيجدد خلايا البشرة وبيقتل تأثير الاشعة فوق البنفسجية اللي بتضر البشرة, وبيساعد على اصلاح الجلد بطريقة آمنة جدا.

– امزجي كبسولة فيتامين اي مع 3 او 4 نقط من زيت الخروع وادهني بيهم بشرتك قبل النوم وسيبيه طول الليل واغسليه الصبح, استمري عليه يوميا لمدة اسبوع او اسبوعين او لحد ما التصبغات تختفي والبشرة تبقى لون واحد.

– او ادهني زيت فيتامين اي لوحده على البشرة وسيبيه لمدة 10 دقايق وبعدين اغسليه, كرريه مرتين في اليوم يوميا.

وصفات طبيعية لتوحيد لون البشرة والتخلص من تصبغ الجلد 4
وصفات طبيعية لتوحيد لون البشرة والتخلص من تصبغ الجلد 4

5- الكركم:

الكركم بيحتوي على خصائص تبييض للبشرة وبالتالي ده بيساعد في التخلص من مشكلة التصبغ وبيوحد لون البشرة, وكمان يعتبر منظف للبشرة.

– امزجي معلقة صغيرة من كركم مع معلقة صغيرة عصير ليمون, افردي الخليط على البشرة وسيبيه لحد ما ينشف واغسليه بمية باردة, كرري مرة واحدة كل يوم.

– او تخلطي الكركم مع اللبن لحد ما تتكون عندك عجينة قوامها مناسب ودلكي البشرة بالعجينة دي لمدة 5 دقايق وسيبيها لمدة 20 دقيقة كمان بعد التدليك وبعدين اغسلي بشرتك بمية دافية.

وصفات طبيعية لتوحيد لون البشرة والتخلص من تصبغ الجلد 5
وصفات طبيعية لتوحيد لون البشرة والتخلص من تصبغ الجلد 5

6- الطماطم والشوفان والزبادي:

الطماطم تعتبر مبيض طبيعي للبشرة, الزبادي بترطب الجلد وبتنعمه وبتخلي البشرة صحية ونضره, والشوفان مقشر للبشرة وبيساعد على ازالة الجلد الميت.

جيبي الطماطم واهرسيها كويس لحد ما تنعميها خالص وضيفي عليها 2 معلقة من دقيق الشوفان و1/2 معلقة زبادي, قلبي المكونات كلها مع بعض كويس لحد ما تتكون عندك عجينة ناعمة, افردي الخليط على البشرة وسيبيه لحد ما ينشف وبعدين اغسليه بمية دافية, كرري الوصفة مرة واحدة كل يوم بعد فترة من الاستخدام هتحسي بفرق كبير على البشرة.

وصفات طبيعية لتوحيد لون البشرة والتخلص من تصبغ الجلد 6
وصفات طبيعية لتوحيد لون البشرة والتخلص من تصبغ الجلد 6

7- البابايا:

البابايا غنية بانزيم البابين اللي بيساعد على تقشير وتجديد الجلد وبالتالي ده بدوره بيساعد على ازالة الطبقات المتصبغة في الجلد وبيوحد لون البشرة.

اعصري البابايا وخدي العصير ادهني بيه البشرة وسيبيه لحد ما ينشف وبعدين اغسليه, استمري عليه مرة واحدة كل يوم.

وصفات طبيعية لتوحيد لون البشرة والتخلص من تصبغ الجلد 7
وصفات طبيعية لتوحيد لون البشرة والتخلص من تصبغ الجلد 7

8- العسل واللبن:

اللبن من افضل الحاجات اللي بتساعد على تبييض البشرة وبيغذيها ويعتبر منظف ممتاز جدا للجلد وبيساعد على تحسين البشرة, والعسل مرطب طبيعي للبشرة الجافة ويعتبر حل طبيعي فعال لكل مشاكل الجلد لانه بيحتوي على عامل مضاد للجراثيم, والعسل واللبن مع بعض يعتبروا افضل مرطب للجلد الجاف لانهم بيحافظوا على الرطوبة في خلايا الجلد.

اخلطي معلقة كبيرة من عسل النحل مع معلقة كبيرة من اللبن وطبقي الخليط على البشرة ودلكيه لمدة دقيقتين في حركات دائرية وبعدي سيبيه من 15 – 20 دقيقة وبعدها اشطفيه بالمية.

وصفات طبيعية لتوحيد لون البشرة والتخلص من تصبغ الجلد 8
وصفات طبيعية لتوحيد لون البشرة والتخلص من تصبغ الجلد 8

ازاي تستخدمي اللبن الرايب لجمال بشرتك وشعرك وصحتك

فوايد اللبن الرايب الجمالية والصحية
فوايد اللبن الرايب الجمالية والصحية

مقالات متعلقه

علاج الايورفيدا للبشرة في البيت في 3 خطوات سهلة

علاج الايورفيدا للبشرة في البيت في 3 خطوات سهلة

5 علاجات طبيعية بتستخدمها كارينا كابور لبشرة نضرة وشباب

5 علاجات طبيعية بتستخدمها كارينا كابور لبشرة نضرة وشباب

فتحي بشرتك باستخدام القهوة سريعة التحضير

فتحي بشرتك باستخدام القهوة سريعة التحضير