غلطات بتقعي فيها وانتي بتحطي الايلاينر

ريهام محمود
ريهام محمود
في
مكياج
18476

الايلاينر من الخطوات المهمة اللي بتظهر جمال العين وبتديها حجم اكبر وبتبرزها, لكن المهم اننا نعرف نظبط رسمة الايلاينر كويس عشان تدينا النتيجة اللي احنا عايزينها, وعشان كده النهاردة هنقول لكل بنات حوا على اكتر غلطات بتقعي فيها في تطبيق الايلاينر عشان تتجنبيها وتطلع معاكي الرسمة مظبوطة.

– غلطات بتقعي فيها في تطبيق الايلاينر:

1- اول حاجة امزجي الايلاينر كويس مع باقي مكياج العين يعني متخليش رسمته حادة اوي زيادة عن اللزوم.

2- اتجنبي تحطي الايلاينر في الجزء الداخلي للجفون لانه ممكن يتلطخ ويتراكم في زاوية العين ويديكي لوك مش حلو ويبوظ شكل مكياج العين كله, ده غير انه مش صحي خالص لو دخل جوه العين وممكن يضرها ويسبب لها احمرار وانتفاخ والتهابات.

3- لو عينيكي صغيرة او ضيقة اتجنبي تحطي خط ايلاينر سميك لانه هيضيق العين زيادة.

4- اتجنبي انك ترسمي العين بالايلاينر دايرة مقفولة حوالين العين, لان اللوك هيطلع اوفر اوي وهيخلي التركيز على الايلاينر مش على عينيكي.

5- ماتبالغيش في دمج الايلاينر على خط الرموش اللي تحت, هو الدمج مطلوب اكيد عشان تدي العين لوك سموكي لكن المبالغة زيادة عن اللزوم ممكن يخلي الايلاينر يتلطخ ويعمل دواير سودا حوالين العين.

6- ما تحطيش الماسكارا قبل الايلاينر, لافضل النتايج لمكياج العين طبقي الماسكارا بعد تطبيق الايلاينر والايشادو, وعشان تتجنبي انك تحطي طبقات ماسكارا زيادة عن اللزوم لانك هتكوني اديتي عمق لعنيكي برسمة الايلاينر والايشادو وبالتالي هتحطي ماسكارا على قد ما رموشك تحتاج بس.

غلطات بتقعي فيها في تطبيق الايلاينر 1
غلطات بتقعي فيها في تطبيق الايلاينر 1

– ايجابيات وسلبيات لازم تعرفيها عن انواع الايلاينر المختلفة:

1- الايلاينر القلم: النوع ده من الايلاينر بيسيح بسرعة وبيلطخ العين الا لو اختارتي نوع كويس جدا بعناية ميكونش كريمي اوي عشان تتجنبي المشكلة دي, والافضل انك تختاري نوع القلم الايلاينر اللي بتسحب مش اللي بيتبري, وبعد ما تطبقي الايلاينر القلم حطي عليه كمية بسيطة من الايشادو بنفس لونه عشان تتجنبي التلطيخ وتثبتيه لفترة اطول.

غلطات بتقعي فيها في تطبيق الايلاينر 2
غلطات بتقعي فيها في تطبيق الايلاينر 2

2- الايلاينر الجل او الكريمي: النوع ده من الايلاينر من افضل الانواع اللي بتدي لوك مظبوط للعين, لكن المشكلة الوحيدة بس انه لازم تغسلي الفرشة بتاعته بعد كل استخدام عشان تتجنبي تراكم الايلاينر عليها, لكن غير كده هو من افضل انواع الايلاينر المناسبة لاي نوع بشرة حتى الدهنية وبيثبت حتى في الرطوبة.

غلطات بتقعي فيها في تطبيق الايلاينر 3
غلطات بتقعي فيها في تطبيق الايلاينر 3

3- الايلاينر السائل: نوع الايلاينر السائل بيدي خط دقيق ومحدد للعين, لكن هو يعتبر من اصعب الانواع لانه محتاج ايد ثابتة جدا ودقة في رسمة عشان يطلع مظبوط, ولما تيجي تشتري النوع السائل جيبي اللي بيكون معاه فرشة رفيعة عشان تظبطي الرسمة اكتر وتطلع احلى, ولو عملتي اي غلطة اثناء رسمه استني لما ينشف خالص وبعدين زيلي اي تلطيخ بقطعة قطن صغيرة او بالودانه بمزيل المكياج او تصلحيه بالكونسيلر.

غلطات بتقعي فيها في تطبيق الايلاينر 4
غلطات بتقعي فيها في تطبيق الايلاينر 4

– حاجات لازم تاخديها في الاعتبار قبل تطبيق الايلاينر:

1- اختاري اللون بعناية: الايلاينر مهمته الاساسية انه يدي عمق للرموش ويخليها سميكة ويظهرها ويبرز العين, عشان كده اختيار اللون مهم جدا ومن افضل الالوان هو البني الغامق, والرمادي, والبرقوقي الغامق, والاسود للجفن اللي فوق ولخط الرموش السفلية.

2- نوع الايلاينر: زي ما قولنا ان في انواع مختلفة من الايلاينر واللي هي البودر, والقلم, والجل, والكريمي, والسائل, واي نوع من دول هو يرجع لاختيارك الشخصي واللي انتي بترتاحي فيه او بتعرفي تظبطيه اكتر وبتشوفي انه بيطلع شكله احلى على عنيكي واحنا قولنا ايجابيات وسلبيات كل نوع تقدري تختاري على اساسها النوع المناسب ليكي.

3- تحديد سمك الخط: حددي انتي عايزة خط رفيع ورقيق ولا خط سميك كقاعدة عامة في تطبيق الايلاينر, والسمك وكثافة الرسمة لازم تتناسب مع حجم جفنك, لو منطقة الجفون عندك كبيرة يبقى هيناسبك الايلاينر السميك ولكن في نفس الوقت بلوك ناعم مش حاد اوي, ولو منطقة الجفون صغيرة يبقى الرسمة لازم تكون ارق واكتر كثافة.

غلطات بتقعي فيها في تطبيق الايلاينر 5
غلطات بتقعي فيها في تطبيق الايلاينر 5

7 حيل ونصايح للايلاينر لازم كل بنت تبقى عارفاهم

7 حيل و نصايح للـ eyeliner لازم كل بنت تبقى عارفاهم
7 حيل و نصايح للـ eyeliner لازم كل بنت تبقى عارفاهم

مقالات متعلقه

ازاي تحطي الروج الغامق زي المحترفين للوك مكياج مثالي

ازاي تحطي الروج الغامق زي المحترفين للوك مكياج مثالي

5 اوقات تستغني فيهم عن كريم الاساس وتستخدمي بداله BB كريم

5 اوقات تستغني فيهم عن كريم الاساس وتستخدمي بداله BB كريم

5 افكار لمكياج يومي طبيعي

5 افكار لمكياج يومي طبيعي