instagram vs real life : التحدى ده هيخليكى ترجعى تثقى فى طريقة وضع الماكياج بتاعتك من جديد
طريقة وضع المكياج اللى بتستخدمها كل بنت فينا اكيد بتختلف من واحدة للتانية، وحتى انواع و الوان المكياج بتختلف لان كل واحدة فينا بترتاح لستايل او نوع مكياج معين، لكن مهما نختلف اكيد كلنا بنتفق على اعجابنا بفيديوهات المكياج او الـ make up tutorials اللى بنشوفها فى كل حتة على الـ instagram و الـ facebook ، لانها بتبان احترافية بنسبة كبيرة جدا و اللوك النهائى ونتيجة المكياج بتطلع غير اى نتيجة ممكن نوصلها لما بنعمل لنفسنا مكياج فى البيت، وده طبعا بيخلينا نفقد الثقة فى طريقة وضع الماكياج اللى بنستخدمها :/ لكن الحقيقة الموضوع مش سهل اوى كده زى ما بيبان فى الفيديوهات.
علشان كده فى المقال ده هتشوفى معانا فيديوهات لـ 5 من أشهر الـ beauty bloggers بيعملوا تحدى الـ instagram vs real life make up ، وهو تحدي بيعملوا فيه نص الوش بمكياج الانستجرام اللى بيعتمد على المكياج السموكى و الرموش الطويلة و الفاونديشن التقيل والالوان الظاهرة اوى و فى النص التانى بيعملوا مكياج كل يوم الهادى و البسيط اللى اى بنت فينا بتعمله كل يوم الصبح وهى نازلة الكلية او الشغل علشان تعرفى الفرق، و كمان تفضلى واثقة فى طريقة وضع الماكياج بتاعتك وانه المكياج مش لازم ابدا يبقى تقيل و مبالغ فيه علشان يظهر جمالك، و بكده تفضلى واثقة فى تكنيك المكياج اللى بتستخدميه من غير اى قلق ..
instagram vs real life : التحدى ده هيخليكى ترجعى تثقى فى طريقة وضع المكياج بتاعتك من جديد
