ازاي ترجعي شعرك صحي بعد فترة الشتا

بقلمريهام محمود فيشعر visibility4039

الشتا من المواسم اللي بتسيب تأثير سلبي على بشرتنا وشعرنا بسبب الجو البارد والسقعة, والشعر خلال فترة الشتا بيعاني من الجفاف بسبب نقص الرطوبة وبالتالي ده بيضعفه وبيخليه يتكسر وبيسبب تلف الاطراف عشان كده بيحتاج عناية خاصة بعد فترة الشتا عشان نرجعه زي الاول, والنهاردة هنقول لكل بنات حوا ازاي ترجعي شعرك صحي بعد الشتا وتتخلصي من التلف والجفاف.

ازاي ترجعي شعرك صحي بعد الشتا:

1- قصي شعرك:

زي ما دايما بنقول ان المتخصصين بينصحوا بقص الشعر كل 6 اسابيع تقريبا, والقص من الضروريات بعد موسم الشتا بشكل خاص عشان نتخلص من الاطراف المقصفة والتالفة, لان قص الاطراف هيساعدك ان الشعر يطول صحي.

ازاي ترجعي شعرك صحي بعد الشتا
ازاي ترجعي شعرك صحي بعد الشتا

2- العلاج بالزيت الساخن “حمام الزيت”:

خدي معلقتين زيت كبار من اي نوع من انواع الزيوت دي, زيت الجوجوبا, زيت اللوز الحلو, زيت الخروع, زيت جوز الهند, زيت الافوكادو, زيت الزيتون وممكن تضيفي نوعين زيت مع بعض وتسخنيهم في الميكروويف او على النار لمدة 15 ثانية يادوب بس تدفيهم شوية ميبقاش سخن اوي, بعدها طبقي الزيت على الشعر كله من الجذور للاطراف وغطيه بطاقية الشعر او كيس بلاستيك وركزي عليه السيشوار شوية عشان تزودي الحرارة وتخلي مسام فروة الراس تتفتح وتشرب الزيت كويس, او تسخني فوطة على حمام مية سخنة وتلفي بيها الشعر وسيبيه نص ساعة وبعدين اغسليه بالشامبو.

ازاي ترجعي شعرك صحي بعد الشتا
ازاي ترجعي شعرك صحي بعد الشتا

3- خدي مكملات:

الهوا البارد زي ما قولنا بيسبب جفاف الشعر وفروة الراس وبيقلل من افراز الدهون الطبيعية اللي بتفرزها فروة الراس وده ممكن يسبب مشاكل تانية اكبر زي الحكة وقشرة الشعر, وفي الحالة دي احنا محتاجين فيتامينات عشان تساعدنا على حل المشكلة ومن الفيتامينات الفعالة جدا فيتامين E خدي منه كمكمل عن طريق الفم, وكمان استخرجي الزيت من الكبسولة وطبقيه بشكل مباشر على الشعر دلكيه كويس بالزيت من الجذور للاطراف ده هيساعد على زيادة تدفق الدم لفروة الراس وده بدوره هيساعد على نمو الشعر بشكل صحي وهيحافظ عليه.

ازاي ترجعي شعرك صحي بعد الشتا
ازاي ترجعي شعرك صحي بعد الشتا

4- العلاج في صالون التجميل:

لو انتي معندكيش وقت للعلاجات المنزلية او عايزة نتايج اسرع وفورية ممكن تتجهي للعلاجات اللي في صالونات التجميل تحت ايد المتخصصين سواء بعلاجات طبيعية او العلاجات اللي موجودة في السوق.

ازاي ترجعي شعرك صحي بعد الشتا
ازاي ترجعي شعرك صحي بعد الشتا

5- حدثي منتجات الشعر اللي بتستخدميها:

الاستخدام المستمر لنفس المنتج لفترة طويلة بيخلي الشعر يتعود عليه ويبطل يجيب نتيجة مع شعرك, عشان كده الافضل انك كل فترة تحدثي المنتجات اللي بتستخدميها, وحاولي تستخدمي المنتجات اللي بتحتوي على مكونات طبيعية اكتر عشان تتجنبي ضرر الرغوة والكحول اللي موجود في الشامبو او على الاقل استخدمي انواع الشامبو اللي جودتها عالية وضررها اقل على الشعر.

ازاي ترجعي شعرك صحي بعد الشتا
ازاي ترجعي شعرك صحي بعد الشتا

6- خلي منتجات اصلاح الشعر من روتينك اليومي:

اول حاجة بعد غسل الشعر على طول ادهنيه بمنتج يغلفه ويحميه زي السيروم ممكن تستخدموا زيرو فريز,تريس, CHI, لوريال, تيرسميه, والسيروم مش بس بيحمي الشعر من التلف كمان بيحميه من تأثير الحرارة والمكوى لانه يعتبر حامي من الحرارة ومتستخدميش ابدا الحرارة على الشعر من غير الحامي, وكل اسبوع طبقي قناع للشعر مرة واحدة في الاسبوع, غذي شعرك بالزيت ادهنية من نص الشعر للاطراف هيرطب الشعر ويديه لمعة.

ازاي ترجعي شعرك صحي بعد الشتا
ازاي ترجعي شعرك صحي بعد الشتا

7- متستخدميش الحرارة باستمرار:

مش هنقول اننا نستغنى عن السيشوار او المكوى خالص لكن الافضل انها متكونش يوميا, يعني خلي شعرك على طبيعته من غير حرارة واعتمدي على تسريحات الشعر البسيطة من غير مكوى ولا سيشوار, ممكن تجربي تعمليه كيرلي على طبيعته.. ممكن تشوفوا من هنا طرق سهلة لعمل الشعر كيرلي في البيت.

ازاي ترجعي شعرك صحي بعد الشتا
ازاي ترجعي شعرك صحي بعد الشتا

اكتر 10 حاجات بتعمليها ممكن يتسببوا في تلف شعرك

اسباب تلف الشعر
اسباب تلف الشعر