اشربي مية كل يوم على الريق لمدة شهر وشوفي ايه اللي هيحصل !

ريهام محمود
ريهام محمود
في
صحة
20241

كلنا عارفين شرب المية قد ايه مفيد للبشرة والشعر والصحة بشكل عام, وشرب المية على الريق ده واحد من اسرار المرأة اليابانية دايما بنشوف ان بشرتها نقية جدا وعندها صحة ونشاط طول اليوم وده بسبب شرب المية على الريق, والنهاردة هنتعرف مع بعض على فوايد شرب المية على الريق من تجربة واحدة من البلوجرز المهتمين بالصحة والجمال مشيت على نظام شرب المية ونقلت لنا تأثيرها الايجابي بعد الاستمرار شهر على شربها.

فوايد شرب المية على الريق:

1- هتحسي بنشاط وصحة اكتر:

من اول الحاجات اللي ظهرت من شرب المية كل يوم على الريق بعد كام يوم من الاستمرار على العادة دي هتحسي بنشاط وصحة اكتر كل يوم الصبح وانك بتعملي مهام يومك بشكل نشيط جدا ومن غير ما تتعبي بسرعة, وان الجسم بيتخلص من السموم بسهولة وبشكل اكبر.

فوايد شرب المية على الريق 1
فوايد شرب المية على الريق 1

2- تحسين عملية التمثيل الغذائي:

لو انتي ماشية على دايت او نظام رجيم المية هتساعدك انك تتحملي اكتر ومش هتحسي بالجوع بسرعة, وهتلاقي نفسك مش عايزة تاكلي سناكس او وجبة خفيفة ما بين الوجبات الاساسية, وفي نفس الوقت هيبقى عندك طاقة في جسمك.

3- هتساعدك على انقاص الوزن:

بالاضافة الى ان المية بتقلل الشعور بالجوع كمان بتحسن عملية الهضم جدا وهتخليكي مرتاحة وعندك طاقة وعايزة تمارسي نشاط اكتر في يوم.

فوايد شرب المية على الريق 2
فوايد شرب المية على الريق 2

4- بتمنع حرقة المريء:

لو بتعاني دايما من عسر الهضم وحرقة في المريء بعد الاكل شرب المية هيخلصك من المشكلة دي لو داومتي على شربها كل يوم الصبح هتخلصك من احساس الحرقة بعد كل وجبة.

فوايد شرب المية على الريق 3
فوايد شرب المية على الريق 3

5- بتحسن مظهر البشرة:

العلاج بالمية من اكتر الحاجات الفعالة اللي بتحسن مظهر البشرة وهتخليكي تظهري بشكل اصغر لانها بتقلل من التجاعيد والخطوط وهتخلي البشرة شكلها صحي جدا ومنورة.

فوايد شرب المية على الريق 4
فوايد شرب المية على الريق 4

6- هتخلي شعرك صحي:

المية كمان ليها تأثير ايجابي جدا على الشعر مش بس هتخليه يطول وهتسرع نموه لا كمان هيطول بشكل صحي وهتخليه بيلمع جدا.

فوايد شرب المية على الريق 5
فوايد شرب المية على الريق 5

7- بتمنع التهاب المسالك البولية:

العلاج بالمية من افضل الحلول لمشكلة التهاب المسالك البولية وافضل كمان من المضادات الحيوية اللي ممكن تستخدم لعلاج المشكلة دي, بس داومي على شرب المية كل يوم الصبح على الريق هتخلصك من المشكلة.

8- هتحميكي من الامراض:

المية من الحاجات الفعالة جد في تحسين جهاز المناعة وبالتالي ده هيحميكي من الامراض وهيقلل من فرصة الاصابة باي مرض بسهولة.

فوايد شرب المية على الريق 6
فوايد شرب المية على الريق 6

– ازاي توصلي لاقصى استفادة من شرب المية كل يوم الصبح؟

امشي على الخطوات دي بالظبط:

1- اشربي 4 كوبايات مية اول ما تصحي من النوم على طول قبل حتى ما تغسلي سنانك, وتكون على معدة فاضية, ولو لقيتي صعب انك تبدأي ب4 كوبايات ممكن تبدأي بكوباية واحدة وتزودي بالتدريج لحد ما توصلي ل4 كوبايات.

2- متاكليش اي حاجة بعد ما تشربي المية لمدة 45 دقيقة.

3- بعد ال 45 دقيقة تقدري تاكلي زي ما انتي عايزة الطبيعي بتاعك.

4- متاكليش ولا تشربي اي حاجة لمدة ساعتين بعد الفطار والغدا والعشا, بعد الساعتين ممكن تاكلي او تشربي.

– امتى تتوقعي نتايج من النظام ده؟

لو بتعاني من اي مرض هتحسي بنتيجة بعد فترة معينة من شرب المية وده بيختلف من مرض للتاني.

1- بالنسبة لحد بيعاني من مرض السكر او ارتفاع ضغط الدم هتبان النتيجة بعد بعد 30 يوم.

2- لو بتعاني من امساك او التهاب المعدة النتيجة هتبان بعد 10 ايام.

3- لو حد بيعاني من مرض السل هتبان النتيجة بعد 90 يوم.

والطبيعي لو مافيش اي امراض النتايج بتبان بعد كام يوم من النظام هتحسي بفرق في بشرتك وشعرك وصحتك بشكل عام.

فوايد شرب المية على الريق 7
فوايد شرب المية على الريق 7

11 علامة مهمة هتنبهك انك مش بتشربي مية كفاية !

علامات نقص المية في الجسم
علامات نقص المية في الجسم

مقالات متعلقه

ليه المفروض تتجنبي انك تحطي كوباية مية جنب السرير وانتي نايمة

ليه المفروض تتجنبي انك تحطي كوباية مية جنب السرير وانتي نايمة

هيحصل ايه لو استبدلتي كل المشروبات بالمية!

هيحصل ايه لو استبدلتي كل المشروبات بالمية!

تحدي شرب المية لمدة 30 يوم! ولاحظي التغييرات على صحتك وبشرتك

تحدي شرب المية لمدة 30 يوم! ولاحظي التغييرات على صحتك وبشرتك