طريقة عمل وصفة الـ Chocolate Strawberry Slab Pie السهلة بالفيديو و الخطوات خطوة بخطوة

بقلمآية حسان فيحلويات visibility2492

الـ Chocolate Strawberry Slab Pie بتعتبر من أسهل اصناف الحلويات اللى ممكن تعمليها فى البيت و مابتاخدش وقت ولا مجهود وكمان بتكاليف بسيطة، و غير انه طعمها حلو الا انه كمان شكلها حلو ومختلف و بتعتبر صنف جديد يساعدك تعملى حاجة مختلفة لو كنتى زهقتى من أصناف الحلو التقليدية او لو عندك عزومة وعايزة تعملى حاجة جديدة و مميزة، اعرفى معانا ازاى تعملى فطيرة الشوكولاتة بالفراولة السهلة بالخطوات كاملةو الفيديو ..

طريقة عمل وصفة الـ Chocolate Strawberry Slab Pie السهلة بالفيديو و الخطوات ..

المقادير اللى هتحتاجيها : 

حوالى 400 جرام ” قطعتين” من عجينة الفطاير الجاهزة ” هتلاقيها فى السوبر ماركت” .

حوالى نص كيلو من الفراولة مقطعة شرائح.

نص كوباية من السكر.

معلقة اكل من نشا الذرة.

معلقة أكل من عصير الليمون.

كوباية ونص من رقائق الشوكولاتة او الـ chocolate chips.

ربع كوباية من الـ heavy cream او ربع كوباية من اللبن.

معلقتين أكل من السكر البودرة.

Chocolate Strawberry Slab Pie

الخطوات : 

1- افردى قطعتين عجينة الفطاير لحد ما تبقى رفيعة جدا وافرديها فى الصينية او القالب المستطيل اللى هتستخدميه واتاكدى انها بتغطيه تماما.

2- خدى قطعة من قعتين عجينة الفطاير وباستخدام قطاعة بسكويت على شكل قلب ابدأى قطعيها قلوب جنب بعضها فى شكل سطور منتظمة ، هنستخدم الطبقة دى من العجينة فوق على الوش ” الطبقة العلوية”.

3-  فى بولة او طبق عميق حطى الفراولة والسكر و نشا الذرة و الليمون وقلبى بالراحة.

4- ضيفى خليط الفراولة والسكر و نشا الذرة و الليمون على العجينة اللى فردناها فى الصينية.

5- ضيفى شرائح الشوكولاتة او الـ chocolate chips . 

6- بعد ما تفردى الخليط فى الصينية بشكل متساوى، غطيه بالقطعة التانية من عجينة الفطاير اللى قطعناها على شكل قلوب.

7- اتنى اطراف العجينة على الصينية واتأكدى انها اتقفلت كويس اوى.

8- باستخدام فرشة افردى طبقة خفيفة من اللبن على الوش .

9- دخليها فى فرن متوسط الحرارة حوالى 30 لـ 40 دقيقة .

10- بعد تمام النضج ، سيبيها تبردو قدميها متزينة بطبقة من السكر البودرة على الوش.

النتيجة النهائية: 

النتيجة النهائية

ودلوقتى شوفى معانا فيديو طريقة عمل الـ Chocolate Strawberry Slab Pie كاملة .. 

اعرفى معانا كمان وصفة وصفة الموز بالقرفة اللذيذة و السهلة بالمقادير والخطوات