صور و افكار ازاى تلبسي الـ boyfriend jeans مع الحجاب بطريقة شيك

بقلمآية حسان فيموضة وأزياء visibility10959

لو بتدورى ازاى تقدرى تعملى لوك شيك و stylish وكمان يبقى مريح و مش مكتفك و يبقى ماشى مع الحجاب و فى نفس الوقت تبقى عملتى ستايل جديد و شكله مختلف، يبقى الحل هو انك تجربى تلبسي الـ boyfriend jeans لانه من احلى ستايلات البنطلون الجينز وكمان مريح و على الموضة جدا، وعلشان تعرفى تعملى ستايل حلو ومختلف فى كل مرة، فى المقال ده هتعرفى معانا ازاى تلبسي boyfriend jeans مع الحجاب و يبقى شكله حلو وعلى الموضة .. 

صور و افكار ازاى تلبسي الـ boyfriend jeans مع الحجاب بطريقة شيك

المميز فى الـ boyfriend jeans هى انها من اكتر البنطلونات اللى بتناسب الحجاب لانها واسعة ومابتبقاش ماسكة على الجسم، وكمان من قطع الملابس المرنة اللى ممكن تلبسيها مع حاجات كتيرة جدا و مختلفة ويطلع شكله حلو ومتناسق فى كل مرة زى البلايزر، تيشيرت او قميص او جاكت  و كمان هتلاقيه بيمشى تقريبا مع أى شوز سواء فلات او بكعب او حتى صندل. و ممكن تلبسيه مع كارديجان متوسط الطول و تحته تيشيرت سادة و sneakers وتبقى جاهزة تنزلى فى اى وقت بلوك بسيط وشيك. 

والجديد فى موضة الـ boyfriend jeans السنة دى انهم موجودين بنقشات floral بتديهم لوك بناتى اكتر و كمان ماشية اكتر مع جو الربيع ، و كمان بتقدرى تلبسي الموضة دى من الجينز بالليل او بالنهار لانهم عمليين جدا، شوفى معانا دلوقتى البوم فيه صور وافكار مختلفة ازاى تقدرى تنسقى boyfriend jeans مع الحجاب واختارى منها اللى يناسبك … 

اتعرفى معانا كمان على ايه هى موضة بنطلون البوي فريند جينز “Boyfriend jeans” ونصايح مختلفة ازاى تدخليه فى لبسك و يطلع شكله شيك و حلو ..