تكنيك الدقيقتين هيساعدك توصلي للبطن المثالية اللي انتي عايزاها ويخلصك من الدهون

دهون البطن من اكتر المناطق اللي بتبقى صعب اننا نتخلص منها واحنا اتكلمنا قبل كده عن وصفات طبيعية للتخلص من البطن و تمارين للتخلص من الكرش, النهاردة هنقولكم على تكنيك الدقيقتين هيساعدك في التخلص من دهون البطن, وهو تكنيك تدليك صيني قديم اثبت فعاليته في التخلص مشكلة دهون البطن.

– تكنيك الدقيقتين هيساعدك في التخلص من دهون البطن:

تكنيك الدقيقتين هو عبارة عن مساج او تدليك لمنطقة البطن لمدة دقيقتين مرتين في اليوم, وهو يعتبر ممارسة داخلية بتنضف وبتزيل السموم في منطقة البطن وبتدوب الدهون.

بس لازم نفهم كويس جدا ان التكنيك ده مش سحر يعني مش هيجيب نتيجة لو احنا مش بناكل بشكل صحي او بناكل جانك فود او بناكل حاجات كلها دهون وبتزود الوزن يعني مع التكنيك لازم ناخد بالنا من الاكل كمان ونبعد عن الوجبات السريعة بقدر الامكان, لكن التكنيك فعال جدااا للي هيمارسوه بانتظام يوميا مع الاكل الصحي.

– تحذيرات قبل استخدام التكنيك:

اتجنبي استخدام التكنيك في الحالات دي:

1- متعمليش التكنيك بشكل مباشر بعد اكله تقيلة او دسمة.

2- لو عندك مشاكل في المثانة, او الكلى, او حصاوي في المرارة.

3- لو بتعاني من ارتفاع ضغط الدم.

4- ممنوع للحامل.

5- لو بتعاني من فتق في البطن.

6- لو بتعاني من قرحة معوية او معدية.

7- لو بتعاني من التهاب في الرحم او المثانة او المبيض, او قناة فالوب.

التخلص من دهون البطن
التخلص من دهون البطن

– طريقة التكنيك:

الافضل تعملي التكنيك مرتين في اليوم, مرة قبل وجبة الفطار, ومرة قبل النوم مباشرة.

1- نامي على ضهرك على سطح ثابت, ممكن على الارض او على السرير يعني اي سطح ثابت.

2- افركي ايديكي الاتنين في بعض لحد ما تحسي بحرارة وانها سخنت.

3- حطي ايد واحدة عند منطقة السرة.

4- ابدأي في فرك البطن مع الضغط بخفة في دواير صغيرة في اتجاه عقاب الساعة حوالين السرة وتدريجيا كبري الدواير, وكل دايرة لازم تاخد ما بين ثانية لثانيتين يعني الحركات تكون ببطء مش بسرعة.

5- وركزي على الحرارة اللي هتتولد من التدليك في منطقة البطن.

6- استمري في التدليك لمدة دقيقتين يعني حوالي من 40 – 50 دايرة, اهم حاجة انك تحافظي على بطنك دافية وتحافظي على حرارتها اثناء ممارسة التمرين.

التخلص من دهون البطن
التخلص من دهون البطن

التكنيك ده مش بس بيدوب دهون البطن , لكن كمان بيحسن عملية الهضم, وبيسرع عملية التمثيل الغذائي اللي بيساعد على حرق الدهون وبالتالي ده بدوره هيأدي لتخسيس الوزن, بيزود الدورة الدموية في منطقة البطن لانه بيحفز اعضاء البطن, والاهم انه تكنيك سهل جدا وبسيط ومش محتاج اي حاجة يعني ممكن تعمليه حتى وانتي نايمة في السرير.

افضل 5 تمارين لوسط نحيف ومثالي في 30 يوم بس تقدري تعمليهم في البيت بسهولة

تمارين لوسط نحيف ومثالي