ازاي تلبسي القميص المقلم في الربيع

ريهام محمود
ريهام محمود
3245

القميص المقلم من القطع المميزة جدا المناسبة لموسم الربيع وتريندي جدا السنة دي, والنهاردة هنشوف مع بعض ازاي تلبسي القميص المقلم في الربيع باكتر من لوك.

نازل منه مجموعة الوان مختلفة تقدري تختاري منها اللي تفضليه اكتر, و كمان الموديل السادة او المطبوع, وممكن تلبسي القميص الخفيف في الايام اللي بيكون الجو فيها حلو ودفا او تختاري القميص السميك في الايام البرد شوية, وكمان نازل منه موديلات مقلم بالطول وبالعرض.

واكيد كل واحدة هتلاقي القميص المقلم المناسب ليها المهم تعرفي تختاري اللي يناسب جسمك صح, القميص المقلم بخطوط طولية بيبين الجسم انحف وحجمه اقل يعني لو جسمك مليان اختاري المقلم بالطول ولو العكس جسمك نحيف اختاري القميص المقلم بالعرض لانه هيبين جسمك مليان ويديكي عرض.

وزي القاعدة المعروفة في الازياء والموضة ان المقلم او المطبوع نسقي معاه لبس بلون واحد, يعني ممكن تلبسي مع القميص المقلم جينز, او بنطلون كلاسيك, او جيبة, الاختيارات قدامك كتير تقدري تنسقيه على القطعة اللي بتفضليها اكتر.

والقميص المقلم هتلاقيه في ستايلات كتير مختلفة, في منه اللي بكشكشة او اوف ذا شولدر, او الكم الجرس اللي ممكن تنسقيه مع الجينز وشوز بكعب هيطلع بلوك حلو جدا, وممكن تلبسيه مفتوح وتحته بادي بيطلع اللوك مختلف ومميز اوي, وممكن تلبسيه على بنطلون كلاسيك هيكون لوك مناسب جدا للشغل.

 في ستايل كمان مميز جدا من القميص المقلم وهو القميص المطرز وخصوصا تطريز الزهور من الستايلات التريندي جدا في موسم الربيع, والمطرز عموما تريندي الموسم ده حتى في البنطلونات الجينز زي ما اتكلمنا قبل كده في موضوع سابق.

تعالوا نشوف مع بعض مجموعة ستايلات تعرفي منها ازاي تلبسي القميص المقلم:

الجينز المطرز من القطع اللي لازم تكون عندك في الربيع ده

موضة الجينز المطرز
موضة الجينز المطرز

مقالات متعلقه

ستايلات للبس العباية المفتوحة في رمضان

ستايلات للبس العباية المفتوحة في رمضان

موضة الفستان المضلع لموسم الشتا

موضة الفستان المضلع لموسم الشتا

افضل تنسيقات الوان لدولابك في الشتا

افضل تنسيقات الوان لدولابك في الشتا