اكتر 6 تريندات للاظافر موضة في 2017
لو بتحبي دايما التغيير في تصميمات الاظافر اكيد لازم تعرفي معانا النهاردة اكتر 6 تريندات للاظافر موضة في 2017, وتقريبا التصاميم دي هي المسيطرة على معظم عروض الازياء.
تريندات للاظافر موضة 2017:
1- الاظافر الميتاليك او المعدنية:
الاظافر الميتاليك من الموضات اللي كانت منتشرة السنة اللي فاتت ومازالت مستمرة معانا السنة دي كمان, ممكن تختاري ما بين الميتاليك الدهبي والفضي والنحاس وغيرها من الالوان الميتاليك, والالوان دي كمان بتبقى تحفة لما تدمجيها في التصميم مع الالوان الطبيعية او المحايدة.
2- تصميم باللون الاسود:
اللون الاسود من الالوان اللي مش بتبطل ومناسبة لكل المواسم, وتقدري تصممي ضوافرك باللون الاسود وتدمجي معاه اكتر من لون لانه هتمشي معاه كل الالوان وتعمليه باكتر من طريقة وباساليب مختلفة.
3- تصميم باكتر من لون:
تصميم الاظافر بالوان مختلفة من الطرق التريندي جدا السنة دي, تقدري تجمعي في مجموعة الوان متناسقة مع بعض, والتصميم ده من اكتر التصاميم المناسبة لفصل الربيع والصيف بشكل خاص لان الوانه بتبقى زاهية وحيوية جدا.
4- الاظافر الفرنش:
التصميم الفرنش كمان من التصاميم اللي مش بتبطل ومعانا من زمان جدا كل سنة, والفرنش بالالوان النيود, والبيج والابيض من اكتر الالوان التريندي جدا للسنة دي.
5- اظافر نيود:
الالوان النيود كمان تريندي جدا السنة دي, ممكن تحطيها لوحدها على الضوافر او تعملي تصميم تدخلي معاه الوان تانية, والالوان النيود تعتبر من افضل الالوان للـ Base color او الطبقة الاساسية اللي ممكن تعملي عليها تصميم بأي لون انتي عايزاه.
6- تصميم الHalf moon:
واحد من التريندات الموضة جدا السنة دي هو تصميم الHalf moon, والستايل ده ممكن تنفذية بلون واحد او اتنين او تلات الوان, ممكن ترسمي الشكل بالمانيكير على الاظافر من تحت, او تزينيه باكسسوارات الاظافر او الفصوص.