11 نصيحة مكياج من خبراء التجميل .. اعرفيهم معانا

بقلمريهام محمود فيمكياج visibility9314

كل يوم اكيد في خلال بحثنا عن كل حاجة خاصة بعالم المكياج بتصادفنا نصايح المتخصصين وخبراء المكياج عشان يطلع مكياجنا مثالي ومن غير غلطات, والنهاردة مجمعين لكل بنات حوا اكتر نصايح مكياج بينصحوا بيها خبراء التجميل لمكياج مثالي وتعتبر من اكتر الحاجات المؤثرة في لوك المكياج بتاعنا.

نصايح مكياج من خبراء التجميل:

1- اختيار درجة كريم الاساس الصح:

اول نصيحة وتعتبر هي اساس مكياجنا كله هي اختيار درجة كريم الاساس المناسبة للون بشرتك لازم الدرجة تكون نفس لون البشرة وزي ما قولنا قبل كده جربي اللون على الرقبة او خط الفك مش على الايد, وكمان لازم تعرفي نوع بشرتك دافية ولا باردة عشان تجيبي الدرجة الصح .. تقدروا تشوفوا من هنا ازاي تختاري كريم الاساس المناسب لبشرتك.

نصايح مكياج من خبراء التجميل
نصايح مكياج من خبراء التجميل

2- ادمجي البرونزر كويس:

البرونزر هو من الخطوات اللي بتبرز ملامح الوش ويعتبر كونتور خفيف وطبيعي, اختاري برونزر خفيف بلون رمادي بني, وحطيه على منطقة فوق عضمتين الخد عشان تدي تأثير رفع للمنطقة دي.. شوفي الطريقة الصح للبرونزر.

نصايح مكياج من خبراء التجميل
نصايح مكياج من خبراء التجميل

3- اختاري شكل الحواجب المناسب:

شكل الحواجب بيحدد المكياج كله وبيظهره عشان كده مهم جدا انك تختاري رسمة الحواجب المناسبة لشكل وشك, وكمان اختيار اللون مهم اختاري لون الحواجب يكون نفس لون شعرك, وللبشرة السمرا لو اختارتي لون افتح بدرجة او اتنين من لون شعرك هيطلع مثالي جدا, وبالنسبة للشقراوات اختاري نفس لون الشعر او اغمق بدرجة واحدة هتكون مناسبة ليكي جدا.. شوفي رسمة الحواجب المناسبة لشكل كل وش.

نصايح مكياج من خبراء التجميل
نصايح مكياج من خبراء التجميل

4- خلي العيون تبان اكبر:

لما نيجي نرسم العين عشان نبينها اكبر ونظهرها الافضل ترسمي خط الكحل على طول الرموش اللي فوق ده بيظهر العين اكتر وبيخلي الرموش تبان اتقل, ولو هترسمي من تحت الافضل تدمجية كويس ميكونش خط متحدد اوي عشان ده هيضيق العين.. اعرفي ازاي تختاري رسمة العين المناسبة.

نصايح مكياج من خبراء التجميل
نصايح مكياج من خبراء التجميل

5- اختاري رسمة الايلاينر المناسبة لشكل عينك:

مهم جدا اننا نختار رسمة الايلاينر المناسبة لشكل العين عشان تظهر جمالها اكتر ومتديناش نتيجة عكسية, يعني مثلا مترسميش خط الايلاينر في نهايتة يكون عالي او طالع لفوق اوي لانه هيغير شكل العين خالص وهيطلع الشكل النهائي مش حلو, الزاوية الخارجية لازم تكون ماشية مع خط الجفن اللي تحت, ودايما ارسمي الجناح او الخط النهائي للايلاينر وانتي فاتحة عينك لان الطريقة دي هتخليكي تشوفي الخط اللي انتي بترسميه.

نصايح مكياج من خبراء التجميل
نصايح مكياج من خبراء التجميل

6- حطي اكتر من درجة ايشادو:

لما تيجي ترسمي الايشادو حاولي انك تختاري اكتر من درجتين لون يعني استخدمي 3 درجات, وممكن تستخدمي درجات نيود للوك ناعم وطبيعي.. شوفي طريقة رسم الايشادو بالخطوات وازاي تختاري اللي يناسبك.

نصايح مكياج من خبراء التجميل
نصايح مكياج من خبراء التجميل

7- حطي طبقة ماسكارا واحدة:

زيادة طبقات الماسكارا على الرموش ممكن تديكي نتيجة عكسية وتخلي الرموش ملزقة في بعض وتبينك كمان اكبر من سنك, عشان كده الافضل انك تحطي طبقة واحدة من الماسكارا هتبين شكل الرموش وتخليها واضحة وده يعتبر افضل حاجة للمكياج اليومي.. ازاي نحط الماسكارا صح.

نصايح مكياج من خبراء التجميل
نصايح مكياج من خبراء التجميل

8- حطي البلاشر صح:

البلاشر من اللمسات النهائية اللي بتظهر مكياجنا عشان كده لازم نعرف نحطه صح عشان منبوظش كل الخطوات اللي قبليه, حطيه على طول عضمة الخد بتاتش خفيف وطبيعي مش مبالغ فيه.. ازاي تحطي البلاشر حسب شكل وشك.

نصايح مكياج من خبراء التجميل
نصايح مكياج من خبراء التجميل

9- اختاري درجة قلم تحديد الشفايف المناسبة للروج:

من اكتر الحيل المهمة جدا في مكياج الشفايف هو اختيار درجة لون قلم تحديد الشفايف لازم يكون لونه نفس لون الروج بالظبط مش افتح ولا اغمق, كمان بعد ما ترسمي الشفايف بقلم التحديد حاولي انك تدمجيه الاول على شفايفك وبعدين تحطي الروج بتاعك.. اعرفي طريقة تحديد الشفايف زي المحترفين.

نصايح مكياج من خبراء التجميل
نصايح مكياج من خبراء التجميل

10- اخفاء الهالات السودا:

عشان تخفي الهالات السودا تحت العين بشكل فعال مهم انك تحطي الكونسيلر بطريقة صح, وافضل طريقة هي انك ترسميه على شكل مثلث تحت العين وبعدين تدمجيه كويس على البشرة.. نصايح في اختيار الكونسيلر المناسب.

نصايح مكياج من خبراء التجميل
نصايح مكياج من خبراء التجميل

11- حطي الهايلايتر في الاماكن الصح:

سلطي الضوء على الوش في الاماكن اللي مش بيبقى فيها دهون يعني ابعدي عن اماكن التي زون, وركزي على الاماكن اللي بتكون بارزة بشكل طبيعي زي عضمة الخد, عضمة الحاجب, الزوايا الداخلية للعين, منطقة منتصف الانف, وفوق منتصف الشفة العليا عند منطقة قوس كيوبيد.. شوفي اماكن وضع الهايلايتر على الوجه.

نصايح مكياج من خبراء التجميل
نصايح مكياج من خبراء التجميل

20 سر من خبراء التجميل لمكياج مثالي زي المحترفين

20 سر من خبراء التجميل لمكياج مثالي زي المحترفين
20 سر من خبراء التجميل لمكياج مثالي زي المحترفين