5 وصفات للفطار لذيذة جدا تقدري تعمليهم في 5 دقايق بس

بقلمريهام محمود فيأكلات سريعة visibility7662

في معظم الوقت تقريبا كلنا بنبقى الصبح مستعجلين ومعندناش وقت اننا نفطر لكن كلنا ان وجبة الفطار مهمة جدا لانها بتدينا طاقة لباقي اليوم, عشان كده النهاردة جايبين لكل بنات حوا 5 وصفات للفطار لذيذة جدا وسهلة ومش هياخدوا منك اكتر من 5 دقايق لتحضيرهم.

وصفات للفطار:

1- كب كيك الشوكولاتة والقهوة:

المقادير:

  • – 3 معالق كبيرة دقيق.

– معلقة صغيرة نسكافية.

  • – 2 معلقة كبيرة كاكاو.

– 3 معالق كبيرة سكر.

  • – ¼ معلقة صغيرة بيكنج بودر.

– 2 معلقة كبيرة لبن.

  • – بيضة.

 – 2 معلقة كبيرة زيت نباتي او زبدة.

  • – ½ معلقة صغيرة فانيليا.

طريقة التحضير:

– اخلطي الدقيق مع النسكافية والكاكاو والسكر والبيكنج بودر.

– ضيفي عليهم اللبن والبيض والزيت والفانيليا, اضربي المكونات كلها مع بعض بالشوكة لحد ما تبقى عجينة ناعمة.

– صبي الخليط في مج مدهون بزيت نباتي, حطيه في الميكروويف او الفرن على درجة حرارة عالية لحد ما تستوي في الميكروويف تقريبا هتاخد 90 ثانية في الفرن هتاخد وقت اطول شوية, بعد ما تطلعيها ممكن تحطي عليها من فوق ايس كريم.

وصفات للفطار
وصفات للفطار

2- توست بالموز:

المقادير:

– شريحتين توست.

– معلقة كبيرة شوكولاتة سايحة “نوتيلا”.

– موزة.

طريقة التحضير:

– افردي الشوكولاتة على شريحة التوست, قطعي الموز حلقات ورصيها فوق الشوكولاتة.

– غطيها بشريحة التوست التانية, واقليها في طاسة فيها زبدة على الجانبين لحد ما لونها يبقى دهبي.

وصفات للفطار
وصفات للفطار

3- موس الفراولة:

المقادير:

– جبنة كريمي “ممكن نستخدم فيلادلفيا”.

– 100 جرام فراولة.

– موزة.

– معلقة كبيرة عسل نحل.

طريقة التحضير:

– اخلطي الجبنة مع الفراولة والموز والعسل في الخلاط واضربيهم مع بعض لحد ما تبقى خفيفة وناعمة.

– صبي الخليط في كاس وممكن تضيفي عليه شوفان حسب اختيارك.

وصفات للفطار
وصفات للفطار

4- تشيز كيك في دقيقة واحدة:

المقادير:

– 50 جرام جبنة كريمي.

– 2 معلقة كبيرة ساور كريم.

– بيضة.

– ½ معلقة صغيرة عصير ليمون.

– ¼ معلقة صغيرة فانيليا.

– 2 معلقة كبيرة سكر.

طريقة التحضير:

– امزجي كل المكونات مع بعض وصبيها في صينية مدهون بالزبدة وحطيها في الميكروويف او الفرن.

– سيبيها لمدة 90 ثانية على اعلى درجة, ولو في الفرن سيبيها مدة اطول شوية, وقلبي الخليط كل 30 ثانية اثناء ما هو في الفرن.

– طلعيها وسيبيها دقايق تبرد, ضيفي لها على الوش قطع فراولة فريش, وممكن تضيفي كريم شانتيه ومكسرات مفرومة حسب اختيارك.

وصفات للفطار
وصفات للفطار

5- توست حلو:

المقادير:

– 100 جرام لبن.

– 3 معالق صغيرة سكر.

– ½ معلقة فانيليا.

– زبدة.

– 8 شرايح توست.

– 3 بيضات.

طريقة التحضير:

– اخلطي البيض مع السكر والفانيليا واضربيهم مع بعض كويس, بعدين ضيفي عليهم اللبن وقلبيهم.

– غطسي شرايح التوست في الخليط لمدة دقيقتين.

– حطي زبدة في طاسة وسيحيها واقلي شرايح التوست على الجانبين لحد ما يبقى لونها دهبي.

وصفات للفطار
وصفات للفطار

13 اكلة سهلة ممكن تعمليهم في مج لو مش عايزة تاكلي كتير

اكلات سهلة تعمليها في مج
اكلات سهلة تعمليها في مج