الجينز المطرز من القطع اللي لازم تكون عندك في الربيع ده
الجينز من القطع الاساسية لينا في خروجاتنا اليومية اللي منقدرش نستغنى عنها بكل استايلاتة سواء الHigh Waist الوسط العالي او المنخفض الLow Waist او موديل البوي فريند Boyfriend او السكيني Skinny او الRipped او المطرز لانه قطعة عملية ومناسبة لكل الاوقات, والجينز المطرز من الستايلات اللي نازلة موضة جدا في موسم الربيع.
ومن اكتر الحاجات اللي هتكون تريندي جدا هو استايل الجينز المطرز بالزهور, والتطريز نازل باشكال مختلفة عشان يناسب كل الاذواق في منه التطريز على جزء بسيط من البنطلون, او التطريز على البنطلون كله.
وممكن تنوعي في لبسه وتنسقي معاه توب او بلوزة مع بليزر, سويتر, قميص, او تيشرت ومعاه كارديجان او Bomber جاكيت او جاكيت جينز او جاكيت جلد يعني تقدري تنسقي معاه اي حاجة انتي عايزاها وتلبسيه باكتر من لوك.
وممكن تلبسي عليه سنيكرز للوك كاجوال للصبح, او تلبسي شوز كلاسيك او انكل بوت لخروج بعد الضهر.
وممكن لو انتي حابة تجددي اي بنطلون قديم عندك تطرزيه بتطريزات بسيطة هتجددية وتغيري شكله, ممكن تطرزية بالخياطة او لو عندك ورود من حاجة قديمة تقصيها وتلزقيها عليه يعني بطريقة بسيطة تقدري تخلي الجينز القديم بتاعك على الموضة.