بالفيديو و الصور: 5 نصايح من IKEA لترتيب الغرف بشكل أفضل

آية حسان
آية حسان
3013

رغم انه معظمنا اوضهم وخصوصا الدولاب بيبقوا مبهدلين و الهدوم كلها على الكرسي، الا انه محدش فينا برده بيحب انه الاوضة تبقى مش مترتبة ومبهدلة، ولانك اكيد كل ما ترتبيها بتتبهدل.. اعرفى معانا فى المقال ده 5 نصايح من IKEA لترتيب الغرف بسيطة هتسهل حياتك كتير..

بالفيديو و الصور: 5 نصايح من IKEA لترتيب الغرف بشكل أفضل 

النصيحة الاولى: شيلى كل حاجة مكانها 

اكيد اوقات كتير بنبقى مستعجلين او عايزين نلبس وننزل بسرعه فبندور على الهدوم من غير ترتيب وبنبهدل الدنيا، لكن خلينا واقعيين، دولابك المبعتر ده لازم هترتبيه! 

وده معناه انك تشيلى الجزم فى مكانها، و تعلقى هدومك على الشماعات و تفصلى هدوم البيت عن هدوم الخروج .. يعنى ببساطة تشيلى كل حاجه مكانها، ودى كمان فرصة انك تشوفى ايه اللى بقيتي مش محتاجاه او مش مناسبك وتعملى خير وتتبرعى بيه.

شيلى كل حاجة مكانها
شيلى كل حاجة مكانها

النصيحة الثانية : جهزى المساحات فى دولابك

تانى نصيحة من نصايح من IKEA لترتيب الغرف هى انك بعد ما روقتى الدولاب و شيلتى كل حاجه مكانها، انك تجهزى المساحات فى دولابك، بمعنى انك تبقى حريصة انك تخصصى لكل حاجه من حاجاتك المساحة المناسبة ليها، علشان تفضلى محافظة على هدومك متتبة، علقى الفساتين على الشماعات وخليها مفرودة، وطبقى البنطلونات والتيشيرتات لوحدها، ممكن تجربى مساحة تخزين زى دى فى اوضتك علشان تساعدك فى توفير مساحة اكبر لكل حاجاتك.

النصيحة الثالثة : خلى دولابك بسيط

خلى دولابك بسيط بمعنى انك تحتفظى فى الدولاب بالقطع اللى انتى عارفة انها مناسباكى وفعلا هتستخدميها بس، يعنى الهدوم القديمة او اللى “هلبسها لما اخس” او اللى موضتها راحت اتخلصى منها فورا علشان ماتعملش زحمة فى دولابك على الفاضى.

خلى دولابك بسيط
خلى دولابك بسيط

النصيحة الرابعة: نسقى الوان ديكور اوضتك

علشان تجددى من شكل اوضتك وتحسي انها اترتبت فعلا نسقى الوان ديكور اوضتك ودخليلها قطع جديدة بألوان مبهجة ومشرقة علشان تجددى بيها الديكور، لانه فى الاخر كل واحدة فينا اوضتها هى اكتر مكان بتقعد فيه، خلى اوضتك مليانة الوان و جدديها.

نسقى الوان ديكور اوضتك
نسقى الوان ديكور اوضتك

النصيحة الخامسة: كده اوضتك بقت جاهزة ! 

بعد ما رتبتى دولابك و جددتى من ديكور اوضتك، كده اوضتك بقت جاهزة خلاص و تقدرى تقعدى فيها وتستمتعى بشكلها الجديد زى ما انتى عايزة، افتكرى دايما انه اهم حاجه هى الهدوم المترتبة و اتخلصى من الكرسي اللى عليه كل الهدوم ده و خليكى حريصة انك ترتبى كل حاجاتك وتشيليها فى مكانها اول بأول.

كده اوضتك بقت جاهزة
كده اوضتك بقت جاهزة

ودلوقتى شوفى كل خطوات و نصايح من IKEA لترتيب الغرف بالفيديو:

شوفى كمان افضل 10 افكار لتجديد الديكور باستخدام رفوف الكتب .

مقالات متعلقه

حكاية وتاريخ فانوس رمضان

حكاية وتاريخ فانوس رمضان

برامج ومسلسلات راديو نجوم اف ام في رمضان 2024

برامج ومسلسلات راديو نجوم اف ام في رمضان 2024

برامج ومسلسلات الراديو 9090 في رمضان 2024

برامج ومسلسلات الراديو 9090 في رمضان 2024