الروتين اليومي لرسم الحواجب بطريقة سهلة وسريعة

ريهام محمود
ريهام محمود
في
مكياج
10337

رسم الحواجب من الخطوات اللي ممكن يكون في كتير من البنات بيشوفوها صعبة او بتاخد وقت, لكن هي خطوة مهمة لانه سواء كنتي حاطه مكياج او هتخرجي من غير مكياج رسمة الحواجب بتحدد الوش وبتظهره في الحالتين وبتعمل فرق كبير في الوش, عشان كده هنقولكم على الروتين اليومي لرسم الحواجب بطريقة سريعة وسهلة وتقدري تعتمدي اللوك ده لخروجاتك اليومية.

الروتين اليومي لرسم الحواجب:

– الحاجات اللي هتحتاجيها:

1- قلم رسم الحواجب حسب لون حواجبك.

2- فرشة ايشادو او روج صغيرة.

3- فرشة حواجب “ممكن نستخدم فرشة ماسكارا قديمة”.

4- كوفر ستيك كونسيلر “ممكن نستخدم كونسيلر عادي”.

الروتين اليومي لرسم الحواجب 1
الروتين اليومي لرسم الحواجب 1

– الخطوات:

1- الخطوة الاولى:

اول خطوة هنسرح الحواجب بفرشة الحواجب عشان نظبط شكلها قبل الرسم, وطبعا نكون منضفين الحواجب كويس من الشعر الزيادة.

الروتين اليومي لرسم الحواجب 2
الروتين اليومي لرسم الحواجب 2

2- الخطوة التانية:

تاني خطوة هنبدأ نرسم الحواجب بالقلم, حددي الحواجب بخط من فوق ومن تحت الاول عشان تحددي شكل الرسمة وبعدين املي الحواجب بالقلم.

الروتين اليومي لرسم الحواجب 3
الروتين اليومي لرسم الحواجب 3

3- الخطوة التالتة:

بعد ما نرسم الحواجب بالقلم ونملاها كويس هنسرح الحواجب تاني بفرشة الحواجب.

الروتين اليومي لرسم الحواجب 4
الروتين اليومي لرسم الحواجب 4

4- الخطوة الرابعة:

في الخطوة دي هنبدأ بفرشة الايشادو او الروج ناخد من الكونسيلر ونحطه تحت الحاجب وعلى عضمة الحاجب وندمجه كويس على البشرة بالفرشة وممكن نفرده بصوابعنا شوية عشان يندمج كويس, ونحدد فوق الحاجب بالكونسيلر بنفس الطريقة, الخطوة دي بتحدد شكل الحاجب وبتظهره اكتر, وممكن نحط شوية من الكونسيلر عند بداية الحاجب عشان الرسمة تبان طبيعية, وبعد ما نحدد الحاجب نسرحه تاني بفرشة الحواجب.

الروتين اليومي لرسم الحواجب 5
الروتين اليومي لرسم الحواجب 5

5- الخطوة الخامسة:

اخر خطوة عشان نثبت رسمة الحواجب هنرش مثبت شعر على فرشة الحواجب ونسرحها لمرة اخيرة.

الروتين اليومي لرسم الحواجب 6
الروتين اليومي لرسم الحواجب 6

وكده نبقى خلصنا رسمة الحواجب بطريقة بسيطة وسريعة ودي النتيجة النهائية طبعا شايفين الفرق بين الحاجب المرسوم والحاجب التاني اللي لسه مترسمش.

الروتين اليومي لرسم الحواجب 7
الروتين اليومي لرسم الحواجب 7

فيديو للخطوات:

حيل واسرار في رسم الحواجب
حيل واسرار في رسم الحواجب

مقالات متعلقه

طريقة رسم الحواجب الريش feathered brows بالخطوات

طريقة رسم الحواجب الريش feathered brows بالخطوات

موضة الحواجب في 2022, وازاي تعمليهم بالخطوات

موضة الحواجب في 2022, وازاي تعمليهم بالخطوات

10 حيل تجميلية بسيطة ممكن تعمليها عشان تطلعي بلوك احلى في وقت سريع

10 حيل تجميلية بسيطة ممكن تعمليها عشان تطلعي بلوك احلى في وقت سريع