اكلات من المطاعم المشهورة قليلة السعرات الحرارية و صحية

آية حسان
آية حسان
12920

كتير مننا بنضعف قدام محلات الاكل المشهورة زى ماكدونالدز او ستارباكس ومابنقدرش نقاوم اننا ناكل من هناك، بس الحقيقة بيبقى فى مشكلة كبيرة خصوصا لما بنبقى عاملين دايت و خايفين نبوظه، لكن علشان مايبقاش نفسك فى حاجه، وحتى لو كنتى عاملة دايت وعايزة تاكلى من بره، فى المقال ده بنات حوا هتحل المشكلة وهتقولك على اكتر اكلات من المطاعم المشهورة قليلة السعرات الحرارية و صحية، علشان تاكلى من بره وانتى متطمنة :)

اكلات من المطاعم المشهورة قليلة السعرات الحرارية و صحية .. 

أكلات صحية من starbucks :

أكلات صحية من starbucks
أكلات صحية من starbucks

Chicken Caesar Wrap : 

بتعتبر اكلة صحية من اكلات من المطاعم المشهورة ، لانها بتحتوى على 17 جرام بروتين و 41 جرام كربوهيدرات، وغنية بالعناصر الغذائية الموجودة فى الفراخ و الخص و الطماطم.

Roast Beef Wrap

بتحتوى على36 جرام من البروتين، و حوالى 50 جرام من الكربوهيدرات و بتحتوى على حوالى نسبة 10% من فيتامين A  و 18% من فيتامين C .

نصايح لما تيجى تطلبى:

– بلاش تطلبى الـ greek yogurt لانها بتحتوى على من 35 لـ 30 جرام سكر، وحوالى من 15 لـ 20 جرام بروتين بس، وكمية السكر دى الصبح مضرة ليكى باقى اليوم.

– خدى بالك من الـ flavored espresso و السموزى، لانه بعض المشروبات دى فيها كمية السكر اللى المفروض تستهلكيها طول اليوم فى كوباية واحدة بس!

– لو لازم تشربي حاجة مسكرة، حلى القهوة بتاعتك بأى صوص تحبيه بدل السكر.

اكلات صحية من Dunkin Donuts : 

اكلات صحية من Dunkin Donuts
اكلات صحية من Dunkin Donuts

Tuna Sandwich ;

الاكلة دى بتحتوى على 18 جرام بروتين . و 20 جرام دهون وحوالى 30 جرام من الربوهيدرات، و بتعتبر اكتر اكلة  خفيفة و غنية بالخضروات فى الـ menu بتاعهم كله.

Beef Bacon n Cheese Bagel ; 

بتحتوى على 470 كالورى  و حوالى 23 جرام بروتين و 12 جرام  بس من الدهون، بتعتبر برده من اخف اكلات من المطاعم المشهورة .

نصايح لما تيجى تطلبى:

– القهوة بالأطعمة المختلفة من Dunkin Donuts مليانة سكر، اطلبى بدل منها قهوة عادية مع حليب اللوز بدل من اللبن العادى.

– ابعدى عن عصاير السموزى، الحجم الصغير من سموزى الفراولة بيحتوى على 54 جرام سكر!

– وطبعا ابعدى عن الدوناتس و المخبوزات بكل انواعها، لانها غنية جدا بالسكر و الدهون و نسبة كبيرة من الكربوهيدرات.

– حاولى ماتستبدليش اللبن العادى باللبن خالى الدسم او السكر العادى بسكر الدايت، البدائل دى ممكن تخليكى تتخلصى من السعرات الحرارية اللى فى اللبن او السكر لكن لو مش متعودة عليهم ممكن تسببلك مشاكل صحية.

– اطلبى الاكل من غير جبنة واطلبى بيض اكتر فى اكلك علشان تمدى جسمك بكمية اكبر من البروتين.

اكلات صحية من McDonalds : 

اكلات صحية من McDonalds
اكلات صحية من McDonalds

Grand Chicken Premier sandwich : 

ساندوتش مشهور من ماط من اكلات من المطاعم المشهورة صحية وبتحتوى على حوالى34 جرام من البروتين و 74 جرام من الكربوهيدرات من غير اى دهون، الساندوتش ده بيعتبر افضل حاجه تطلبيها من ماكدونالدز.

Garden Salad Meal :

بتحتوى على 63 جرام بروتين و 22 جرام كربوهيدرات،  و زيرو سعرات حرارية لو طلبتيها من غير صوص.السلطة دى غنية بالعناصر الغذائية الموجودة فى السبانخ، الكرنب، الفاصوليا، الذرة والطماطم والجزر،  , والجبنة الشيدر ، لو طلبتيها بصوص هيبقى فيها حوالى 12 كالورى بس.

Chicken McMuffin® Spicy :

الاكلة دى فيها حوالى 17 جرام بروتين  و 35 جرام كربوهيدرات وحواى 20 جرام  دهون بس  لانها بتتكون من بياض البيض مع الفراخ الكريسبى السبايبسى، حاولى تطلبيها بدون اضافة جبنة.

نصايح لما تيجى تطلبى:

– ابعدى عن البرجر بأنواعه على قد ما تقدرى، و كل الاكل المقلى وخصوصا البطاطس وسندوتشات الفطار التقيلة، لانه الاكلات دى غنية جدا بالصوديوم، والدهون المضرة و فيها سعرات حرارية قد الموجودة فى وجبتين كاملين.

– اصناف الحلو و الـ yogurt shakes ممكن تفتكريها صحية، لكن فى الحقيقة الحاجات دى غير صحية ومليانة سعرات حرارية لانها غنية جدا بالسكر فحاولى تبعدى عنها.

– McDonalds بيوفر أطباق جانبية زى شرائح التفاح او السلطة، خليكى حريصة انك تطلبى منهم مع وجبتك علشان تخليها مفيدة اكتر.

اكلات صحية من Chick-fil-A :

اكلات صحية من Chick-fil-A
اكلات صحية من Chick-fil-A

big bang :

دى بتعتبرمن اقل الاكلات اللى فيها كالوريز فى  Chick-fil-A ، بتحتوى تقريبا  على 28 جرام بروتين  و 41 جرام كربوهيدرات و حوالى 440 كالورى و بتتكون من: صدور الدجاج مع صوص الجبنة والخص، وعلشان تخليها صحية اكتر اطلبى معاها سلطة و بلاش تطلبى صوص الجبنة.

Berry :

الاكلة دى فيها جوالى 20 جرام بروتين  و 3 ونص جرام من الكربوهيدرات و حوالى 110 كالورى، لو بتورى على تحلية خفيفية، فالاكلة دى بتعتبر اخف واكتر حاجه قريبه للاكل الصحى فى chic-fil–a.

نصايح لما تيجى تطلبى:

– ابعدى عن انواع الصوص المختلفة زى الـ buffalo sauce  لانه مكوناته غنية بمادة الصوديوم، و كمان ابعدى عن الـ Polynesian لانه الباكيت الواحد منه فيه حوالى 13 جرام سكر.

– بشكل عام، الاكل فى Chick-fil-A مش غنى كفاية بالعناصر الغذائية المفيدة، فلو قررتى تاكلى هناك حاولى مع الاكل تشربي عصير او تاكلى فاكهة علشان تمدى جسمك بالفيتامينات اللى محتاجها.

اعرفى معانا كمان 7 وصفات حلويات قليلة الدسم لو مش عايزة تتخني .

مقالات متعلقه

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

7 اطعمة ابعدي عنهم تماما لو بتحاولي تخسري وزن

7 اطعمة ابعدي عنهم تماما لو بتحاولي تخسري وزن

وصفات لسد الشهية وتخسيس الوزن

وصفات لسد الشهية وتخسيس الوزن