افضل موديلات شنط اكيد هتضيفيهم لدولابك
اكيد كلنا بنحب الشنط وبنحب دايما يكون عندنا اكتر من موديل شنطة واكتر من لون عشان ننوع ونمسك الشنطة اللي تليق على لبسنا, لكن قبل ما تشتري شنط كتير وتصرفي فلوسك وتخلصي ميزانيتك على الشنط اتأكدي انك بتشتري الشنطة اللي انتي فعلا محتاجة تضيفيها لدولابك, وده اللي هنعرفه النهاردة مع بعض هنشوف افضل موديلات شنط مش بتبطل ومستمرة مع تغيير الموضة يعني هتجيبيها وانتي ضامنة انك هتقدري تستخدميها طول الوقت من غير ما تخافي ان تكون موضتها بطلت.
افضل موديلات شنط:
1- شنطة الاستخدام اليومي Everyday Bag:
شنطة الاستخدام اليومي اللي لازم تكون موجودة في كل دولاب وممكن تستخدميها في كل مناسبة ممكنة, وده النوع من الشنط اللي بتكون واسعة بشكل كافي عشان تاخدي فيها اي حاجة انتي محتاجاها وفي نفس الوقت مش كبيرة اوي في الحجم زيادة عن اللزوم, ولونها يكون محايد يمشي على اي لبس يعني زي الشنط البني او السودا او الرمادي.
2- شنطة سودا صغيرة Little Black Bag:
النوع ده من الشنط كمان مهم يكون في دولابنا لانه بيمشي مع اي استايل لبس سواء لابسة فستان او بدلة او جمبسوت او حتى لو لابسة حذاء رياضي يعني تقدري تستخدميها مع اي استايل لبس مهما كان.
3- شنطة Bucket Bag:
الشنطة ال Bucket او الطويلة من استايلات الشنط الانيقة جدا, وهي تقريبا بتكون كلها نفس الشكل لكن بتختلف في الحجم واللون تقدري تختاري منها الحجم اللي يناسبك اكتر واللون اللي بتحبيه اكتر او اللي يمشي مع لبسك, كمان تقدري تستخدميها مع اي استايل انتي لبساه بتدي اناقة جدا للوك.
4- الشنطة الكبيرة Oversize Bag:
بعضنا بيحتاج الشنط الكبيرة دي خصوصا للبنات والستات اللي بيقضوا يومهم كله بره او بيعملوا كذا مشوار في اليوم ومحتاجين ياخدوا معاهم كل حاجة لزماهم طول اليوم من غير ما تحتاجي ترجعي البيت تاخدي حاجتك او تبدلي الشنطة فأكيد الشنطة الكبيرة هتكون اختيار مثالي ليكي وعملي جدا, اختاري منها اللون اللي تقدري تلبسيه على اكتر من طقم لبس عندك عشان تقدري تستغليها في اي وقت.
5- الشنطة الصغيرة جدا Teeny Tiny Bag:
اكيد الشنطة دي مش مناسبة لكل وقت او للاستخدام اليومي لكن هتبقي محتاجاها لو مشوار مش واخدة فيه غير المحفظة والموبايل بتاعك بس, يعني هي مش عملية اكيد للاستخدام اليومي لكن مافيش شك انه هيجي وقت هتحتاجيها.
6- الشنطة التوتي Tote Bag:
الشنطة دي كمان مناسبة جدا للاستخدام اليومي لانها كبيرة وممكن تاخدي فيها كل حاجتك, تقدري تستخدمي وانتي رايحة الشغل او تعملي شوبنج, والميزة انها انيقة وعملية في نفس الوقت.
7- الشنطة النيود Nude Bag:
النوع ده من الشنط مافيش غنى عنه لانها اختيار مثالي في كل مناسبة ومع اي لبس, وبغض النظر عن حجمها سواء صغيرة او متوسطة او كبيرة او كانت بايد او من غير ايد فهي من الستايلات اللي لازم تكون موجودة في دولابك لانها كمان استايل انيق وعملي في نفس الوقت.
8- الشنطة الكلتش Clutch Cool:
الستايل ده مناسب جدا للخروج بالليل او لمناسبة لانها بسيطة وفي نفس الوقت انيقة, ممكن تختاريها بموديل في الوان وتفاصيل كتير بتبقى شيك جدا.
9- شنطة بلون فاقع Pop of color Bag:
اكيد معظمنا بيفضل الشنط باللون المحايد زي الاسود او البني عشان تليق على معظم لبسنا لكن ده ميمنعش انك تضيفي لدولابك على الاقل شنطة واحدة بلون Pop زاهي او فاقع شوية زي الاصفر النيون او الاحمر المرجاني هتديكي لوك مختلف ومميز جدا.
10- شنطة بطبعة النمر Animal Printed Bag:
شنطة طبعة النمر او اللي عليها طباعة حيوانات من استايلات الشنط المميزة جدا لكن لازم ناخد بالنا كويس اننا ننسق معاها قطعة اللبس المناسبة يعني متلبسيش مثلا لبس بطبعة النمر وتمسكي معاها شنطة بنفس الستايل لان اللوك هيطلع اوفر اوي, اهم حاجة تختاري معاها اللوك المناسب.
11- شنطة Vintage Bag:
الستايل ده من الشنط دايما ليه سحر خاص وزي ما دايما بنقول ان الموضات القديمة بترجع تاني وبيمر الزمن وبتتكرر وبترجع موضة عشان كده الستايل ده لازم يكون في مجموعتك وتضيفيه لدولابك.